Accueil
Envoyer à un ami
Version imprimable
Partager

Jean-François Battini, what else ?

S'attacca forte a rientrata pulìtica quist'annu. Giacobbi ? Rocca Serra ? Bucchini ? Francisci ? Simeoni ? Talamoni ? Angelini ? Nò, Jeff Battini.



Jean-François Battini, what else ?
I giurnalisti chjamanu quessa "a rientrata pulìtica". Dopu à dui mezi à fà i lonzi à u sole, à cuntà i turisti, è à parlà di a timperatura, s'attacca infine e cose impurtante.

È quist'annu l'omu di a rientrata si chjama Jean-François Battini, 0,46 % à l'ùltime elezzioni ma 39% di i voti in Cardu è Torghja, quantunque.

L'elezzioni territuriali ùn si sò passate cum'ellu vulia, ma sta rientrata, hè a soia. L'omu hè decisu, sà ciò ch'ellu vole è più nunda u puderà parà. L'evenimentu, hè ellu !

Corse-Matin l'hà capita è li accorda micca unu, ma DUI ARTICULI in trè ghjorni !

U 3 di settembre, u cutitianu intituleghja Jean-François Battini rejoint le camp libéral. A nutizia face l'effettu d'una bomba.

À tal puntu chì Corse-Matin, chì hà capitu ch'ellu si passava qualcosa, prupone un articulu novu u 6 di settembre : Jean-François Battini vire à droite !!!

A seguita ? Aspettemu ciò chì Corse-Matin ci riserva dumane. Forse "Jean-François Battini n'est pas à gauche" o ancu "Jean-François Battini est toujours à droite".

Da quì à un mese "Jean-François Battini n'a pas changé d'avis, il reste à droite" è casu mai ùn avessite micca capitu (ùn si sà mai) "Jean-François Battini : non, je n'ai jamais été socialo-communiste et j'ai même été un jeune giscardien !".

Và bè cusì ? Avete capitu ?

In tutti i casi, aspettemu cun impazienza a seguita di l'aventure di Jeff Battini in u nostru cutitianu.

È à parte quessa, si passa qualcosa in stu paese ?

Jean-François Battini, what else ?

Jean-François Battini, what else ?

Jean-François Battini, what else ?

Jean-François Battini, what else ?

Jean-François Battini, what else ?

l'8 di Sittembre 2010
U Sgaiuffu



1.mandatu da Gargamellu u 08/09/2010 02:10
Qualchissia mi pò risponde, pè piace?

MA A CHI GHJOVA STU TIPPU ?!?

Serà una macagna ?

2.mandatu da cossu u 08/09/2010 08:34
ho letto un libro interrentissimo : la corsica vista dalla sardegna

alberto cossu d'olbia

3.mandatu da estrimei u 08/09/2010 09:19
accae spessu chi i ghjurnalisti voglinu impone e s"edee e l'omi chi l'accunsentenu .
ancu di 'razia , c'he internet per discidà e riflessioni d'ognunu .
Battini era liberale, u so discorsu pe e regiunali era liberale , e oghje si dicchjara liberale :
poca nutizia!

4.mandatu da filidatu u 08/09/2010 11:03
Chì facciaccia ch'ellu hà stu tippu

5.mandatu da Muchju u 08/09/2010 11:15
è nè parlate ancu voi

6.mandatu da patator u 08/09/2010 12:56
eccu ! estrimei hà ragiò, u tippu he sempre statu à diritta, sustene Sarkozy, era cun José Rossi, si dichjara liberale... è i giurnalisti di Corse-Matin ne facenu tonne per dì chì finalmente, u tippu hè di diritta.

POCA NUTIZIA !!!

7.mandatu da filidatu u 08/09/2010 15:19
giurnalisti di corse matin??
Mi pare un contrasensu

8.mandatu da anto u 08/09/2010 17:41
Qual'hè stu tipu ?Ch'ellu sia liberale o micca cambia pochi affari !

9.mandatu da ghjuvan'marcu u 08/09/2010 18:12
Batttini, un Corsu di diritta ? tamantu scoop !

10.mandatu da Asteriscu u 09/09/2010 13:28
Sarà parenti incu u Battini chi fece esce di a prigio di Frênes "Nino Ferrara" ??
Quessu si chi ghjè un tipettu di prima trinca..!! UN VERU "COMMANDO"...

11.mandatu da stifalu u 14/09/2010 19:49
In Corsica , oghje piu che mai, inde a situazione inde no semu avemu bisognu di tippi cume ellu. Una putenza maio. idee revuluziunarie, un "look" incredibile, un surrisu da fà cascà tutte e donne in terra (e ancu i cignali da volte) e una putenza per cunvince maio. u slogan puderia esse: EVVIVA BATTINI!!!!! MEGLIU ELLU CHE I MANTINI (per a magagna)

12.mandatu da UvechjuCulu u 09/10/2010 22:16
È nò si Battini s'assumilia a Georges Clooney ! Parenu fratelli !

13.mandatu da lorenzu u 15/10/2010 18:10
cume vo site gattivi
u tipu e interesante e travaglia, ellu
e voi chi site per parlà cusi?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta