Accueil
Envoyer à un ami
Version imprimable
Partager

Jenifer vole fà un album in lingua corsa

Hà dettu ch'ella vuleria un ghjornu fà un album in lingua corsa. Perchè micca ? Serà a sola manera di vede Compañero è L'Armata di l'ombra entre in u Top 50...



Jenifer vole fà un album in lingua corsa
Serà l'album di Nolwenn Leroy chì hà datu l'idea à Jenifer ? L'anziana di a Star'ac vene d'esce un album in omaggiu à a cultura brittona. Parechje riprese di canzone tradiziunale di a so regione in francese è ancu in lingua brittona

Allora chì u so ultimu album ùn viaghja tantu, quellu di Nolwenn cunnosce un bellu successu.

Interrugata da Nice-Matin nant'à a pussibilità di fanne unu in corsu, Jenifer di Palneca (a so mamma hè Bartoli) risponde : "Je comprends le corse. J'aime toujours autant chanter sur mes vieux albums des Muvrini, Chjami, Canta u Populu Corsu, Petru Guelfucci..."

Digià, a zitella marca un puntu : ùn hà micca citatu à Patrick Fiori cum'è essendu un "chanteur corse".

"Sur scène, avec plaisir, mais pour un album entier, je manque encore un peu de bouteille pour rivaliser avec ces noms qui portent et honorent la langue corse. Un jour, sans doute… Je le souhaite de tout mon cœur" dice quella chì hà digià cantatu Catena cù I Chjami.

Cuntinuveghja : "Maintenant que j'ai téléchargé l'application d'A Piazzetta sur mon iPhone, je me campe de rise tous les jours !"

Bon và bè, st'ultima frasa ùn hè micca vera... Ma avà ch'ella hà lampatu i cani à a machja, aspettemu st'album. Perchè micca e riprese di qualchì canzona tradiziunale, cum'è a Nanna di u Cuscionu, A Ghjallinella, Ciucciarella, Alcùdina, I Mulatteri d'Ulmetu ?

O un "Best of the Riacquistu", cù Un Paisanu, Compañero, Populu Vivu, Quandi a terra move, Arietta, Le Chemin des Dames è Clandestinu ?

Ci la pò fà à cantà Principellu megliu ch'è Anna Rocchi ? Serà d'accordu Ghjuvanpaulu Poletti ? A CTC derà una suvvenzione ? L'Armata di l'ombra cantata da Jenifer, puderà entre à u Top 50 ?

O Jen', avà ch'è tù ti sì ingagiata, sì obligata di falla !

u 5 di Ghjenaghju 2011
u webmaestru



1.mandatu da jeaneenfer u 05/01/2011 09:27
qualchi soldi di a ctc qualchi pippe a i culturali e tuttu si po fà , ventu in pota ooooooo scusatemi ventu in popa jeannenfer

2.mandatu da estrimei u 05/01/2011 11:31
so un mi sbagliu sta zitella he corsa di mamma . campa in Corsica senza prutensione . un rompe i chitarini a nimu .
ha meritu quant'e l'astri.


A CTC derà una suvvenzione ?
"
o se vo sapessite i solli chi so ghjattati da a ctc pe "ajutà: "la culture" ," la culture corse", "le sport "....!
ma custi simmu noi i rispunsevulli , postu che no'lasciemu fà.

3.mandatu da estrimei u 05/01/2011 11:37
vulia aghjustà chi ancu 'ncu a "subvention" so numerosi i ghjovani a cantà in corsu e a un sapè appiccicà duie parulle nustrale

4.mandatu da U Palatinu u 05/01/2011 11:44
Ah ?
Perchè micca ? S'ella u vole fà.
Ci hè dighjà statu peghju.
Eu, firmu dubbitosu, quantunque, è pensu ch'ella ùn hè ch'e un idea per fàssi vede altramente, è forse attiràssi qualche simpatie nove.

À vede...

5.mandatu da Niolu u 05/01/2011 11:51
Haha ! Nolwenn ha fattu un dichettu in breton ! Iè he bè, so e so radiche ma vai puru, l'altra sera à a televisiò per u "telethon" Sophie Davant li dumanda di dì "3637" in breton. A sapete a so risposta " oula c'est trop compliqué a dire" ! Allora tuttu ognunu pò canta in breton se tu ampari a canzona in funetica ! Ancu noi ! Allora o Jen vai pianu !

6.mandatu da fantomacciu u 05/01/2011 12:10
perchè micca ?

ma ci vole à sceglie bè e so canzone, s'ellu hè per cantà cunnerie cum'è "mort aux taches", la boudeuse, nò !

ci n'hè chi pensanu ancu chi "donnez-moi des roses" hè una canzona corsa !

ma forza Jenifer !

7.mandatu da orsucciu u 05/01/2011 13:05
Aiò ch'idd'andessi à venda i so bucconi ma ch'idda piantessi di cantà !

8.mandatu da topupinutuazzezu u 05/01/2011 13:22
fusse la puru se face pro a a lingua corsa ...

9.mandatu da KÜG u 05/01/2011 14:18
dice Jen "je manque encore un peu de bouteille"; s'ella cuntinuveghja à cantà incù i Chjami, e cose cambieranu da qui à pocu.

10.mandatu da anto u 05/01/2011 14:31
Qual'hè quessa ?

11.mandatu da U Palatinu u 05/01/2011 20:14
Lampu un idea per u prossimu articulu/sundagiu/votu di a Piazzetta : sceglite a canzona corsa (o e canzone corse) chì Jenifer si puderia cantà.

Eu, (fendummi un pocu di publicità), prupongu dighjà "Frebba".

12.mandatu da Zeruffu u 06/01/2011 11:45
Quandu averemu infine un filmu di culu in corsu ?

13.mandatu da MARCUCCIU u 06/01/2011 12:01
Pooooooooo !!!!!! ma chi pezzu sta Jenifer Bartoli !!!!un ci vuleria micca quéedda cantessi "le prisonier,cobra ,opium,un songe avant l'aurore"hé altre cuneriè di su gherbu...Eiu viderbbe piu tostu quedda cantessi a catarinetta, hé ancu a schimia(le gorille di brassens ma in corsu);da campassi !!!!!

14.mandatu da Riverbula u 06/01/2011 13:30
Mà chi ci nè futtimu di sta Jennifer.....a nostra lingua un affare di peoples è di show bizness..farestinu megliu JF Bernardini è parecchji altri... di cantà canzone corse è di primure corse...

15.mandatu da Lupinaghju u 06/01/2011 21:58
A viderete bè cantà "Sciù Pà Mù" di I Cantelli...

16.mandatu da bernardini u 07/01/2011 15:50
la vipere per jennifer e a sarpe traditore per i fratelli muvrini

17.mandatu da Beuuuuuuuuuuuu u 11/01/2011 23:59
Fà una "remake" di mamma Corsica ?!

18.mandatu da stumacatu u 15/07/2012 22:02
"Quandu averemu infine un filmu di culu in corsu ?"

O Zeruffu, l'hanu fattu "Tzek e Pido"... senza imagine solu in parole !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta