Accueil
Envoyer à un ami
Version imprimable
Partager

John-Paul Lepers menu interessante ch'è Julien Lepers

"Corse(s), l'amour vache" era u titulu di ducumentariu di John-Paul Lepers. Digià, fà u giru di a Corsica in un camping-car era una gattiva idea...



À prinipiu l'idea di u giurnalistu John-Paul Lepers era purtantu bona : parte in guerra contr'à i predughjicati nant'à i Corsi : "machos, racistes et profiteurs de la République". Infine qualcosa d'intelligente è d'orìginale ?

Nò, nunda. A cunclusione di JPL hè stata chì "on est pas vraiment dans une région normale". Unicu puntu pusitivu : i Corsi anu infine fattu i sforzi per accoglie i turisti è si sò imbraviti.

Luttà contr'à "les préjugés et les a priori" ? Ma stu ducumentariu n'hè pienu. Cum'è a scena di a battuta à u cigale in un paese cù e so storie. Pocu impreme si oghje pochi sò i Corsi à avè un paese è à cullacci spessu (80% di l'abitanti stanu in cità) è sì pochi sò quelli à vede i cignali a dumenica...

À l'accorta, torna un filmu chì si vole orìginale ma induve u scopu hè di rinfurzà i preghjudicati nant'à i Corsi. Ùn ci hè ch'è da vede a gioia ch'ellu hà John-Paul Lepers à cunclude ch'è no semu "differenti" è inferiori à elli : a Corsica hè troppu chjosa, troppu chjuca, troppu assufucante.

Uf ! U "français moyen" serà rassicuratu : i Corsi ùn anu micca scambiatu, sò sempre quelli in a so miseria è a so cunneria.

Finalmente, stu ducumentariu averia pussutu chjamassi "Guide à l'usage d'un pinzutu voulant acheter une maison en Corse : comment ne pas se faire plastiquer".

U filmu si pò vede sanu nant'à u situ di LaTéléLibre.fr

Ma ùn v'inchietate, ùn ci hè nunda d'interessante, cum'è sempre. È voi ? Chì n'avete pensatu ?

John-Paul Lepers menu interessante ch'è Julien Lepers

Dumenica 15 Nuvembre 2009
u webmaestru



1.mandatu da GWM u 2009-11-15 20:12
pè dilla franca, u ghjornu chi ci trovanu simpatichi, semu fritti, non?

2.mandatu da pesciu frittu u 2009-11-15 20:14
eccu ! tantu megliu s'elli ci trovanu "conni, brutti è gattivi"

u ghjornu induve semu bravi, serà che no seremu diventati cume elli

UN SEREMU MICCA I "CHTIS" DI DUMANE

3.mandatu da Filmu u 2009-11-15 20:28
Un erà micca un filmu ? Ci eranu vera ghjenta, micca cumediani ?

Haha !

4.mandatu da Gilbert u 2009-11-15 21:09
Mon père à moi il est professeur de karaté

5.mandatu da jean-paul u persu u 2009-11-16 01:17
nant'à facebook "john paul lepers est un connard" =
http://www.facebook.com/group.php?gid=324297385537&ref=mf

6.mandatu da heliofobu u 2009-11-16 02:01
"pas assez de démocratie" dice sta cavichja di Lepers per compie u so filmacciu : Per contu meiu, pensu chi ci n'hè sempre troppu !
Per u restu, Stella è Ghjuvan'Petru anu parlatu veramente bè.

7.mandatu da Fabien u 2009-11-16 10:15
Eiu, pigliu stu filmu cum'è una macagna. Lepers face un filmu piacèvule nant'à i Corsi. Un c'hè nulla di veramente seriu, solu divertimentu. Per mè, un ci n'hè materia da annervassi. Puvemu puru pruvà di spiegà un pezzu di a storia di a Corsica à John-Paul nant'à Latelelibre.fr.

http://1000ideespourlacorse.wordpress.com/

8.mandatu da cecu di boziu u 2009-11-16 10:49
ci he qualchosa di pusitivu ci avera lasciatu e so pubele per un scurdasi di u so passeghju! eviva i camping_cari!!

9.mandatu da iè ma... u 2009-11-16 11:13
ai forse ragiò Fabien. eiu ùn aghju più a forza di circà di spiegà cose à ghjente chjose chi ùn cercanu à capisce.

so elli chi so chjuchi è stretti di mente !

s'è tù a ti senti, prova puru, ma viderai ch'e tù perderai prestu u laziu. à fà barba à i sumeri, si perde savone è tempu...


10.mandatu da Franco u 2009-11-16 16:09
Innò! Eiu vi trovu simpatichi, micca "conni, brutti è gattivi". Sapete perché? Perché site sfarenti da i "Pinzuti", innò? Saluti è amicizia.

11.mandatu da machja u 2009-11-16 19:00
Aghju vistu u filmu e ci aghju trovu assai verita, u "clientelisme" hè u vèlenu di u nostru paese, a dimucrazia un esista mica inde noi, e hè per quessu chi i clanisti so sempre in piazza.
I corsi un so mica liberi di vuta cume la li pare, perche ci hè u pesu di e parentie,di e tradizione,e si credenu sempre debitori quandu hanu prufittatu di l'aiutu d'un omu puliticu.
Su modu di fà a pulitica hè natu dopu a guerra, quandu a Corsica hè stata lasciata a l'abandonu di u statu francese,e a permessu a i pocchi corsi chi so firmati di sopravvive.
Ma cio ch'ellu un dice u ghjurnalistu, hè chi a sucieta corsa hè stata organisata d'issa manera pa u putere francese, per sottumette u nostru populu, e simu cascatti inde issa trappula.
A sumiglia di demucrazia che no cuniscimu hè in fattu a dimocrazia francese, a l'usu corsu, e u presidente sarko ci da l'esempiu.
Ghje per tutte isse ragio chi si vole a strappa u piu prestu e catene chi ci leganu a issu paese, e impone una vera demucrazia corsa.
Per u restu , i cummenti di Le Pers s'assumiglianu a tutti l'altri venuti fà un filmu anantu u nostru populu.

12.mandatu da culomba u 2009-11-17 01:14
à Fabien
eh ai a ragiò, una macagna, ma mi faci pensà à a canzona di Pierre Perret ,"Lili" :
(parla di una Negra chì vene à travaglià in Parigi)
"Quand on l'appelle Blanche Neige Lili, elle fait semblant de trouver ça drôle, Lili.."

à machja : ci sò sempre e verità, ma ùn piglianu chè e verità chì vanu in u listessu sensu, quellu chì i cunforta in a so upinione pessima di noi. Pocu ci impreme, certa, ma si pò fà rimarcà a so cunneria à 'ssa ghjente.

Eiu ùn l'aghju guardau, ùn vale a pena, hè sempre listessa canzona.

13.mandatu da machja u 2009-11-17 10:41
Culomba, ci si vole a fighja lu, viderai che u ghjurnalistu a datu quantunque a parola a Stella e a Ghjuvan Petru, ma in li paese nimu un ha vulsutu piglia a parola.
Ha parlatu di a Corsica Indipendente, di P.Paoli, di a prutezione di u litturale per u Fronte, dice dino che u nostru paese hè statu culunisatu da a francia.....
Infine su filmu un hè perfettu ma certe verita so dette.
Dopu face sempre u stessu ritrattu di u corsu, viulente, zenofobu,salvaticu, ricusendu l'apertura nant'u mondu, ma quessu un hè che u so avisu, e pocu c'impreme.
Anc'eiu un vulia a fighjalu, chi m'aspitav'a peghju,ma ricunoscu ch'ell'hè abastanza obbiettivu.

14.mandatu da miccaè u 2009-11-17 18:09
pè contu meiu sentu pareghju disprezzu e pè issi ghjurnalisti "bobo" parigini chi venenu a faci e lezzione di dimucratia, rispettu,tuleranza...parè un etnologhu chi studià i so salvatichi cu e lezzione di morale inpiù!
so sempre listesse caggate ! Sbarcà con i so preghjudizi e fa u so girettu pè cunfirmalli !
u "clientelismu" esiste in ogni locci,basta andà in u 5em da cumpà'Tiberi per sappelà...
Quantunque u so modu di fa l'inchiesta era uriginale.
Venti anni fà un ci l'averia fattu senza piagliassi una fucilate nantà u so camping car di merda.
PRIMU PREMIU pè a cunneria a a nostra "mariane de la diversitée" naziunale !!! e so surelle di a diversità hannu u senzu di l'uspidalità!



15.mandatu da buddubbù bubbù u 2009-11-17 20:25
Tamanta passione. In tutti i paesi di stu mondu si face filmi à nant'à tuttu. Si sente è si dice n'importa chè à nant'à n'importa quale. Hè cusì a vita, senza fruntiere artificiale o materiale. Piace o ùn piace ma hè cusì. Eiu pensava listessa di "l'enquête corse" chì si ridia dinù di l'affruntamenti trà naziunalisti, è ultimamente di "le prophète" .
Di sicuru, dà u so parè mi pare di primura. E quì, à nant'à stu sugettu ci n'hè assai. Vole si dì ch'è n'avemu sempre u spiritu criticu di i populi vivi.
Ma stu filmu, ancu merzu, ùn hè u primu, è mancu ùn serà l'ultimu, creditimi puru. Vale pocu ma in qualchì modu ci scumoda è ci dsipiace. Ma quì , in stu bellu paese, cumu hè chì quand'ellu esce un libru in corsu hè sempre bè ? ùn ci mai una vera critica literaria ?
Lascemu a piazza à a creazione è à a recreazione. L'affare serà sempre di tene à mente ciò ch'ellu ci vole per resiste è esiste ...

16.mandatu da Marcu u 2009-11-18 11:33
@machja:
"u "clientelisme" hè u vèlenu di u nostru paese, a dimucrazia un esista mica inde noi, e hè per quessu chi i clanisti so sempre in piazza."
"I corsi un so mica liberi di vuta cume la li pare, perche ci hè u pesu di e parentie,di e tradizione,e si credenu sempre debitori quandu hanu prufittatu di l'aiutu d'un omu puliticu. "

U primu clientelisme hè quiddu chi face vutà a ghjente per qualchunu di a so famiglia ... cunnoscu parechji "naziunalisti" chi vutanu per babbu o ziu, bench'ellu sia "PS" o altru.
E dopu so i stessi chi vulenu dà lezzioni a u mondu interu parlendu di "clientelisme" ...
"ah mà .. cacpisci ... simu in corsica .. a famiglia ... a tradizione ..."
ah ah ah tamanta tuntia ... tamtanta schizufrenia.

Per cio chi tocca à i "servizi", un n'hè micca un prublemu corsu, simu pocu numarosi e dunque hè ubligatoriu di cunnosce tuttu u mondu. Aghju trovu un impieghju à a CTC, e vuteraghju naziunalistu in Marzu quantunque ... si tratta quì di liberta individuale, di liberta di mente. In 2004, ùn aghju mancu vutatu per a lista nant'a quale si truvava u me babbu, so passatu per u verus cemu, ancu da a parte di "naziunalisti".
E ùn ci so micca prublemi incu babbu d'altronde ... ci vuleria à esse a pena piu mudernu. Socu un omu libaru ...
I corsi ùn so micca libari da u pesu di a famiglia, u "clientelisme " so i corsi chi u facenu, micca "à francia" ne "u statu", avemu - aviamu - u nostru distinu in manu SE NO VULEMU DA VERU cume ella dicia a canzona ...

17.mandatu da machja u 2009-11-18 16:25
Marcu,so d'accunsentu cun te, ci si vole a cambia e nostre manere di fà a pulitica, ma i corsi seranu pronti per issu cambiamentu ?

18.mandatu da jean clement u 2009-11-29 22:30
Tante cunneria chi si dice nant'a noi... ci so verita ma un ci vole micca exagera... Ava hè certa chi ci vole a piglia stu filmu cume una maccagna o sino un ci ne surtimu piu !!!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter