Accueil
Envoyer à un ami
Version imprimable
Partager

Johnny, cantami in corsu !

ùn hè micca una magagna, Johnny Halliday s'hè messu à cantà in corsu...



Johnny, cantami in corsu !
Pare una burla ma nò, u cantadore preferitu di i francesi di più di 50 anni s'hè messu à u corsu ! A canzona (un "duo") hè esciuta nant'à l'ultimu dischettu di Michel Mallory, Sentimenti, arresgistratu in Corsica. U titulu hè L'amore solu, è per avà ùn aghju pussutu truvà stu pezzu nant'à u net...

Di st'evenimentu ne parlanu sopr'à tuttu i fanàtichi di Johnny nant'à i forum di discussione d'internet. È siguramente chì i numerosi cullezziunadori di tuttu ciò chì tocca à Jean-Philippe Smet u si l'anu da strappà.

È sì sta nutizia face surride in un primu tempu, tantu pare stranu u mischju trà a musica di Johnny Halliday è a canzona corsa, cumu a dice Michel Mallory hè una manera furmidevule di mette in lume a nostra lingua... è perchè micca ?

A prussima tappa : a dumanda di naziunalità corsa di Johnny Halliday ?

In tutti i casi aspettemu vulenteri una canzona in corsu di Madonna, di Bruce Springsteen o di Shakira ! U ghjornu induve TF1 surterà un dischettu "Les plus grands tubes de Jean-Paul Poletti interprétés par la Star'Academy" serà forse u segnu chì a nostra lingua serà preparata à l'assalti di a mundializazione...


È voi, chì ne pensati ? Lasciate puru i vostri cummenti !

u 16 di Ghjenaghju 2008
u webmaestru



1.mandatu da estrimei u 16/01/2008 17:18
Eu oghje,aghju intesu a "dite a vostra"(2 o a 3 o di u dopu mezziornu, rcfm )
Ghjuvan Santu chi a fattu una risposta a i Mantini , e mi so campatu ! nu a so puesia c'era l'estru pueticu,e n'epoche di verità dette 'ncu assai finezza.
aghju intesu dinnu u picculu Lisandru chi parla u corsu sputicu e chi canta benissimu.
penserete ch'ell ' he niscentria ? ma a mè so fatti chi mi dannu a sperenza

2.mandatu da johnny walker u 16/01/2008 18:24
ai raggiò o estrimei ! face piacè di sente affari simuli. a lingua corsa ùn hè ancu morta, giovani chi parlanu ci so sempre, ancu s'elli so di menu in menu numerosi...

3.mandatu da Benghjè u 16/01/2008 18:53
Ghjè a prova chì a lingua ùn hè ancu morta, dunque ghjè piuttostu bè st'affare !
Ci hè dinò l'astra lofia di Tina Arena chì hà cantatu in corsu nant'à u novu discu di i Muvrini. Difatti canta "À voce rivolta" cù i fratelli Bernardini...
Chì chjavò stu Ghjuvan Francescu !

4.mandatu da santu u 21/01/2008 09:25
bientot la maison en balagne pour jhonny??il suffit de deux paroles corses pour que l'on délivre un permis a jhonny
heureusement que tous les corses ne sont pas crédules
poveri di noi

5.mandatu da dumè u 21/01/2008 13:56
ai raggio o santu...

stu connu ferà quessa per interessu è per pudè fassi a so casa in bor di mare in portivechju o in balagna...

chi techja di sti "pipol" di merda !

6.mandatu da jarloo u 08/04/2008 21:07
o piccatu!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta