Accueil
Envoyer à un ami
Version imprimable
Partager

Jurassic Park di Corsica

Si dice sempre chì u clanu in Corsica esiste dapoi Filitosa. Camille de Rocca Serra hà dettu chì a so famiglia regna nant'à Portivechju dapoi 2000 anni. I dinosauri elli sò ancu più vechji.



Jurassic Park di Corsica
Cunniscite l'edmontosaure ? Hà esistitu parechji millioni d'anni fà.

È voi chì pensavate chì i dinosauri eranu smariti di u nostru pianeta !

D'altronde ci n'hè pienu d'altri à a CTC, u nostru Jurassic Park à noi.

Di u Roccaserrosauru si dice ch'ellu li ferma pochi anni à campà. Ma sò di razza solida, cun questi quì ùn si sà mai. Ùn ci hè ch'è da vede u Bucchinosaure chì era annunziatu cum'è persu è ch'è no ritruvemu in piena forma.

U Polnatalosaure cuntinuveghja stà bè, hà sempre l'appitittu. Malgradu i so anni li piace sempre di viaghjà. Per una scàtula di cicculate hè prontu à fà chilòmetri.

Invece, e nutizie sò gattive pè u Jérômepolverinator è l'Antoinegiorgiosaure. Avemu persu a so traccia à a CTC. Listessu pè u Jeanclaudeguazzellaudon.

Attenti à u Zuccarellosaurus Junior chì pare esse partutu pè una carriera cusì longa ch'è u Zuccarellosaurus Senior Bleu-blanc-rougurum.

U Nicolalfonsator Antipaticum hè sempre cusì feroce, cuntinuveghja d'abbaghjà è di fraià. In quant'à u Fanfanvendasum Frigidarius anch'ellu stà bè, u pelu luce sempre.

Dopu à una cura di Juvamine u Jeanguynosaure hà ritruvatu a forma.

Ma u sceffu di i dinosauri corsi hè u Giacobbosaurus Rex. Hè partutu pè regnà nant'à a Corsica per qualchì millaia d'anni torna...

u 28 di Marzu 2010
u webmaestru



1.mandatu da Spielbergu.. u 28/03/2010 13:42
Eo aghju ancu più paura di l' AngeliniTyrex..e di u SimeoniRaptor, anu dà difende a "Corsica" (Cusi dicenu..) mà accetteranu chi i corsi sianu manghjati cume preda pè a storia...e u culunislismu..!!

2.mandatu da anto u 28/03/2010 15:37
In cù tutti l'éléfanti ch'ell' ha a u so capu ,chi pudia purtacci d'altru u partitu di a rosula ?

3.mandatu da U Spettatore u 28/03/2010 19:25
E di u Buchinodon Sartenirex, ùn ne parlemu micca? Si po parlà ancu di u Talamonosaurus, chi tutti i scientifichi pensavanu smaritu, mà chi hè sempre qui!!

4.mandatu da OMsempreinlotta u 28/03/2010 20:03
Cumu Cumu hè digià sparitu u Dian Martinous Mondolonosorex; purtantu paria di razza, almenu chi stu ghuvellu di a scenza fussi digià pe d'altri cuntinenti ??!!!

5.mandatu da OMsempreinlotta u 28/03/2010 20:03
scusate "ghjuvellu"

6.mandatu da Küg u 28/03/2010 21:03
ha da cascà, un pintone di tippu "sterpamentu K-T" trafalatu da u celu, cum'è 65 millioni d'anni fà ?

7.mandatu da Spielbergu.. u 28/03/2010 21:23
U pentone Cascherà nant'à Corsica, è u mondu sarà sbarazzatu di noi altri....!!!!

8.mandatu da Annalivia u 29/03/2010 12:10
Vi scurdate di e dinosoresse di u seculu?

l'Annamarisora Inamuvibile tantu ch'ella pesa (voti), a Stefanosora Graziosa pronta à manghjà in tutte e trove pè sopravive, ma quelle sò minacciate da nove razze predatoghje accanite : a Josefosora , a Vanninasora, quesse ùn le lentaranu mì.
A Casaltasora Antica pare mansa ma ùn vi fidate troppu...

Infine, u Franciscisorus Ferocisus marchja in u solcu fattu da i so antichi pè a ferucità (hà ghjà eliminatu da l'Assemblea qualchì pesu lurdu di u so clanu)

9.mandatu da stefanu spielbergu u 29/03/2010 14:55
E u balthazarus Rex magni , induve u mettite?

10.mandatu da GWM u 29/03/2010 16:04
à 0:45, u tippu ci parla di un elettu famosu

11.mandatu da denver u 29/03/2010 16:12
è u Jean Baggionus Diplodocus Petrabugnum ?

12.mandatu da ustafilè u 30/03/2010 11:53
Hé a Joselynefazzidorrus chi n'avemu da fà,a chiamavanu "l'incontournable"a puveretta si ne starà aguatatta in lu so ruttoné di Rennosurarium in cu i so antichi cumpagni di a corcia assemblea di corsica;

13.mandatu da ortifocu briziu u 01/04/2010 08:58
Ripresu da Petru Mari stamane ind'è a so cronica,
nanzu france3 corsica è ancu Torche matin, da quì à pocu v'ete da fà maccagna voi, primu media seriu di a Corsica, da quì à pocu ùn si puderà più dì cunnarii è vi lamparete ind'a pulitica suvitendu u filu di i "mous" versus"durs".
Fate parechje dumande di subvenzione è cummenciate puru à dacci lezzione di murale!

Novu cumentu :