Accueil
Envoyer à un ami
Version imprimable
Partager

"Keurses, n'importunez pas les peoples"

À u pippulacciu riccu ùn li piace tantu u pupulacciu corsu. Avemu avutu a spiegazione nant'à TF1.



"Keurses, n'importunez pas les peoples"
Quandu si parla di a Corsica in l'emissioni di TF1, ùn hè micca bon segnu. Allora quand'ellu hè "50 minutes inside", chì si n'occupa ci hè da trimà.

U sugettu di l'emissione si chjama La Corse, paradis caché des stars.

Ùn si parla micca di A Corsica, u nostru paese. Ma di "la Keurse". Quella di i peoples chì vènenu à cumprà e case chì i Corsi li vèndenu.

Vi pudete di siguru passà di fidighjà sta videò micca francamente interessante. Ma s'ampara quantunque qualcosa cù Frédéric, un giovanu è simpàticu agente immubiliare. U so rollu : vende palazzi di lussu pè ricconi (10 milioni d'eurò, solu), luntanu da i Corsi. Ci spiega perchè :

"La requête principale de nos clients c'est la vue et le coté sauvage... le manque de vis à vis, pas de promiscuité. Une personne connue peut se balader en centre ville, faire son shopping, sans se faire importuner par les Keurses"

Perchè i lascemu tranquilli, i peoples si sèntenu bè. "C'est une destination de premier ordre et de choix aujourd'hui" ci dice u nostru amicu, tuttu fieru di u bonu cumpurtamentu di i bravi indigeni civilizati.

I ricchi còmpranu, i maligni facenu i so affari, è i poveri conni chè no simu si facenu piglià in fottò à cantu à i pippulacci (spessu has been in mancanza di ricunniscenza, cum'è Cauet o Jean-Luc Lahaye) quand'elli i crocianu in carrughju o in buatta.

Postu chì tuttu u mondu hè cuntentu, cuntinuvemu cusì.

"U mo paese o ghjente care, ùn hè solu sole è mare... Nè à cumprà nè à vende" scrivia Ghjuvanteramu Rocchi trent'anni fà in una canzona di I Muvrini. Face un'eternità...


u 7 d'Aostu 2012



1.mandatu da BUM BUM BUM BUM u 08/08/2012 00:04
CRISTONE !!!!

Avete vistu sta faccia à pulenda di Montanaro ? bellu techju dopu à avè vindutu quantu case ?

2.mandatu da La france a peur u 08/08/2012 01:11
In più, avemu peoples à bon pattu, di l'anni 70 o 80. Goffi, vechji, passati di moda... E ne simu fieri

3.mandatu da Cuntentone d'Alisgiani u 08/08/2012 01:54
Stu disgraziatu d'agente immubiliare rapresenta bè a Corsica d'oghje. Tratechju in u so 4x4, baullu, cuntentu d'ellu stessu, cuntentu di i soldi ch'ellu vince vindendu a terra corsa à peoples di merda, fieru di mustrà a so chignaccia è a so cunneria à u mondu sanu nant'à TF1...

"j' vends la terre keurse à des connards pleins de fric et j'en suis fier, je vous emmerde dans mon 4x4 et vous êtes bien contents que des bouseux de corses torchent le cul à des peoples, sans eux vous boufferez des chataignes"

tristu destinu

quand'ellu sunnerà u chjoccu di a rivolta, à certi li ferà male...

4.mandatu da Tesoru u 08/08/2012 05:07
E parolle di GTR sò ava luntanu per noi... Ai raghjò... Simu, noi "I Corsi", cumu si dice in francese "une espèce en voie de disparition"... Milou è Jean-Jean so assai cuntenti mi pare... Avemu assai travagliu tornà per u nostru populu, a nostra terra è a nostra salvezza... "E poi l'eterna gloria, in paradisu." Pensemu chi ùn pianteremu mai... Hè scrittu ind'è u Diu... Pè l'eterna gloria!

5.mandatu da Pium'in'culu u 08/08/2012 07:49
Un ci capite nunda mansa di ghjelosi, ghjè què u nostru avvene ! Pruvate à apre u vostru core è andà versu l'altri...

U Corsu hè un populu bravu è danciu, l'altri sò ind'è elli (è i nostri ind'è l'altri :), si chjama Tullerenza i mo fratellu...

6.mandatu da iKF u 08/08/2012 08:48
Eccu, simu diventati strangeri nanta a Nostra terra

7.mandatu da u filanciu u 08/08/2012 09:44
http://www.youtube.com/watch?v=8at-dvQvRn4

Hè di più chè cusì

U mio paese o ghjente care
Ùn hè quellu di l'affissi
Pè i muri di e gare
Di quand'hè tempu à turisti

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più che cusì
U mio paese sì

U spechjanu e so case
Longu e quattru stagioni
Marine valle è muntagne
Da fiurimi à nivaghjoni

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

U cantanu omi è donne
Sempre in lotta pè u so pane
Per fà valè u dirittu
D'inventassilu un dumane

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

U dicenu i pueti
Terra è ghjente inghjumelati
Nè à cumprà nè à vende
Locu di i nostri fiati

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

Hè dettu è ancu à dì
U mio paese sì...

(Ghjuvanteramu Rocchi)

8.mandatu da ANTO u 08/08/2012 11:19
Un so micca l'agenti chi vendenu è case o i loghi chi so culpevuli ,so i pruprietari chi vendenu chi so traditori a u nostru paèse .

9.mandatu da ucutulesuculuapesu u 08/08/2012 11:24
tristu destinu

10.mandatu da annie u 08/08/2012 11:29
mi da voglie di rende,ma u piu terribule he che ''chi fa chi si si po fa''u plasticu a daddu cio che no sapemu ancu tutte e so cunsequenze di viulenza per u soldu,anche s'ellu a limitatu ste casacce. Chi fa?

11.mandatu da Montalbano u 08/08/2012 11:44
Dui pattoni à stu connu d'agente immubiliare per cummincià...

12.mandatu da GHJEIU u 08/08/2012 13:50
Le plastic C'ETAIT fantastique...

13.mandatu da n'u u fondu di a Valle u 08/08/2012 15:03
U peghju ghjé a parolla di l'agente:"par les corses"!! Capite,l'ollandese po scuzzula a Muriel robin in calvi ma "les corses" no!!
Noi simu goffi,brutti,azezi e tuttu cio ch'elli volenu.....

14.mandatu da Selby u 08/08/2012 15:09
J'ai fait un rêve.....
Que nous limitions l'afflux touristique en Corse Et que l'on fasse venir tous ces beaufs au mois de février , Que nous votions comme les Suisses l'arrêt des constructions des résidences secondaires Que l'on taxe très très lourdement toutes ces agences immobilières de m..... En les obligeant , je sais pas moi , à nettoyer le bord des routes que tous ces coghji * pourrissent , la seule offrande qu'ils déposent pour saluer la beauté de notre pays NB : en écrivant "coghji " ( j espère ne pas m'être trompée) l'écriture intuitive de mon tel. a trouvé "cochon " rigolo non?


15.mandatu da Selby u 08/08/2012 15:12
Oui le plastic c était fantastique

16.mandatu da annie u 08/08/2012 16:27
o Selby duie cose
u bord di strade un so mica sicura che so sti coghji che l'imbruttanu aghju nittadu ancantu a inde me, nantu una stradetta, duie sachi di ''canete'' e ci ne so di nu forse piu che duie sacchi, un so mica quale he u porcu chi campa vicinu a me chi lampa tuttu que ma sicuru che un he mica un people
u plasticu avia cuminciatu be facendu a pulizia ma a datu tante cose piu brute quandu i soldi guadagnadi facilemente so venuti

17.mandatu da Selby u 08/08/2012 17:35
Je sais tout ça Annie et j'avoue que dans mon ecoeurement j'ai tendance à mettre tout le monde dans le meme sac. Ce gout de revolte qui nait du sentiment d'impuissance....

18.mandatu da Selby u 08/08/2012 17:36
Je sais tout ça Annie et j'avoue que dans mon ecoeurement j'ai tendance à mettre tout le monde dans le meme sac. Ce gout de revolte qui nait du sentiment d'impuissance....

19.mandatu da Pseudonimu u 08/08/2012 19:38
Saria ora di svegliacci il veru...

20.mandatu da Pseudonimu u 08/08/2012 19:38
IN veru !

21.mandatu da Bisinao u 08/08/2012 23:44
Chi vergogna!!! Nikos hé una bella testa Di funzu. À nostra terra un hé micca à vende o francesu! ( o grecu!)

22.mandatu da Kyrn0s u 09/08/2012 00:12 (da un teleffuninu)
aghju vistu sta casa nanta France5 "cote maison" qualqu'anni fa - soga nimu la cumprata , ci so i topi o chi ?

23.mandatu da Capicursinu rancicu u 09/08/2012 12:23
Ae què... Chì vulete fà ? U peghju ùn hè micca stu connu di Frédéric mà u corsu chì vende.. Evviva u "soldu faciule" ghjè tantu più faciule di fà soli campendu di u turismu chì travagliendu a terra..

24.mandatu da tony ago u 09/08/2012 13:52
site ghjalosi o ché ? perchè un annu micca dirittu di vive i francesi in corsica ? cosa femu alora ? riturnemu a zappa e a coglie e castagne ? Perche pensate chi i corsi senza a i turisti valenu di piu ? i corsi, vogliu di, i corsi d'oghje, un valenu micca di piu chi stu tipu chi vende é case. A mè mi pare che di vende una pizza a 14 euro e un coca a 4 euros ghje listessa affare che di vende una casa a 1O Mll di euros ! U tuttu ghjè di sapè ind'elli vanu i soli ... impiegui corsi ? tasse pagate ? imposi ? Què si chi ghje impurtentu per l'isula é u sviluppu. Anch'assai ché i francese venenu a verici perchè si no cosa diventeremu ? une mansa di zucche arrabiati !
So belli bravi a bene a fassi guarda di traversu per una mansa di pitochjioni.
I corsi farrebenu megliu di pensa cun simu micca una razza superiore é chi l'altri rapresentanu une razza di merda ! So i corsi i primi chi spoglianu a corsica... a dicu franche é chiara. So corsu é ogni tantu un né so micca fieru..

25.mandatu da circinelludiguagnenativupèliguagnesusosanguaversatu u 09/08/2012 14:34
"U peghju ùn hè micca stu connu di Frédéric mà u corsu chì vende"

INNÒ ! u peghju hè di ùn vulè esse "importuner par les keurses"...

26.mandatu da Nè di Drì nè di Man' u 10/08/2012 00:44
Ci stà bè... com' un ditu in culu ci stà. Ch'aspittaiati di i prupitarii? una ridistribuzzioni di i so richezzi? U batellu si ne falla....eiu mi salvu!
.U cumunu in Corsica? UN CORNU!

27.mandatu da Pumata u 10/08/2012 11:44
Un ghjornu quantunque ci vulera a falli pagà quelli chi annu svilluppatu l'economie résidentielle! Evviva u turisimu di massa o di lussu! Quessu si chi ghjè un bellu svilluppu ecunomicu!

28.mandatu da blablabla u 10/08/2012 13:37
rachjate rachjate ma avete un altra suluzione à prupone per sviluppà a nostra economia ? e po pensu chi quelli chi facenu e so cumedie qui hè solu perche chi un hanu nulla à vende chi altrimente(i vostri babboni eranu malavviati e un vi hanu micca lasciatu lochi forse ?) sariani elli primi , mansa di ghjelosi ...
à quellu più sopra chi aspettava " u ventu di a rivolta" , l'hai à aspettà ancu una stonda o amicu ...(o si veramente giovanu o si niscente )

29.mandatu da Pseudonimu u 10/08/2012 15:08
O blablabla, eccu l'ai detta.

Nimu in Corsica si pone a dumanda di sapè s'ellu si pò campà d'altre cose chè di u turisimu.

"hé keskon s'en fout, on fait des bungalows..."

Ma u ghjornu Induve a crisa hà da pichjà forte (peak oil + crisa economica à vene), anderai tù à circalli in jet-ski i to turisti !

Digià quist'annu un ci hé piu taliani.

E in 2013, serà peghju !

30.mandatu da Rantanplanu u 10/08/2012 18:15
O Blabla, si sente appena d'animosità in u to cummentu

Avemu u drittu di pensà chi u turismu un hé micca a soluzione, ma una facilità ? Ch'ellu po esse dannificu dinu ?

Ghjelosi ? No. Tristi di vede ssu paese diventa un "Ibiza français"

31.mandatu da Capicursinu rancicu u 10/08/2012 20:55
Scusammi o blabla mà eiu ùn campu micca di u turismu..

32.mandatu da annie u 11/08/2012 22:21
manch'eu, un campu micca di u turismu, ma disgraziamente,he ellu che facce gira l'ecumumia di a Corsica, ai raggione he piu facile di vende a so terra o di fa bungalo che di valorisa a nostra agricultura i nostri prudutti, i veri, che so bonnissimi,ma ci vole a travaglia tuttu l'annu per ave mele o porchi o legumi bio....o ave turisti ''nurmali'' quelli che vennenu per vede aCorsica e i corsi i paesi a nostra cultura che so interressati e micca solu abbruzassi u culu, ie ci ne so!!!

33.mandatu da Suttanacciu u 14/08/2012 16:45
T'aspittaiamu ò blabla par daci una suluzioni... à u minimu, ci pensi tu, à l'agricultura?

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta