Accueil
Envoyer à un ami
Version imprimable
Partager

Kyrnolia, una 'world company' à l'assaltu di a Corsica

Innù u 1971 u Front Régionaliste Corse escia un libru maestru : "Main basse sur une île" induve era dimustratu cumu i grandi gruppi finanziari (cù l'aiutu di u putere pariginu) s'eranu impatruniti di l'isula pè sfruttalla à contu soiu, senza lascià nunda à l'indìgeni. Più di 30 anni dopu, Veolia, à traversu a so filiale Kyrnolia, ci la face pianu pianu...



Kyrnolia, una 'world company' à l'assaltu di a Corsica
Main Basse sur île, libru maestru di l'anni settanta, merita d'esse lettu trenta anni dopu, cù u rinculu. Certi affari risortenu vechjeschi, d'astri più ch'è mai d'attualità.

Cusì ne hè di a manumessa in l'isula di i grandi gruppi fresteri chì cercanu di sfruttà a Corsica cù una sola lògica : quella d'empiesi e stacche. In l'anni sessanta i grandi gruppi cumpravanu èttare di terreni in bor'di mare ch'ùn valianu nunda. Ma sapianu ch'un ghjornu, u liturale corsu valeria assai caru.

Oghje l'oru di a Corsica si chjama l'acqua. U Mediterraniu ne manca di manera tremenda, cum'è in Spagna induve a situazione hè digià crìtica, o in Sardegna.

In Corsica acqua n'avemu à sbuzeffu, per via di l'altezza di e nostre muntagne. Oghje st'acqua hè gestita assai male, ùn ci la femu à ritenela abbastanza, ma si puderia vendela un ghjornu à a Sardegna.

In un cuntestu mundiale induve l'acqua manca di più in più allora ch'è no ne cunsumemu sempre di più, u prezzu di l'acqua ùn puderà ch'è cullà. È tutta st'acqua chì oghje parte à u mare senza esse ritenuta valerà più tardi assai caru.

A sanu bè i malignoni di a finanza. Veolia, gigante francese è vera World Company, pianu pianu s'impone in Corsica. L'intrapresa s'hè digià impatrunita di i trasporti. A so filera, Kyrnolia (chì bellu nome, cusì puèticu è nucente !) s'impone in u duminiu di l'acqua.

Corse-Matin ci ampara ancu ch'ella dà l'acqua à un terzu di a pupulazione di a Corsica.

Tuttu quessa per dimustrà "l'attachement de l'entreprise à la Corse" (sic)... Grande abituata di e campagne di cumunicazione, Kyrnolia s'hè offerta una publicità tamanta in prima pagina di u cutitianu. Cusì bravi giurnalisti chì sò cusì pocu crìtichi !

Ma lighjite à Main basse sur île. Forse daretu à "l'attachement", ci hè un'antra lògica, quella di u soldu, di a rentabilità è di u prufittu.

È serà normale chì qualcosa chì appartene à a Corsica è à u so populu, l'acqua, puderia esse privatizata da una intrapresa frestera, cù u solu scopu di guadagnà u più pussibule soldi ???



tags : kyrnolia veolia corse

u 3 di Maghju 2008
U Sgaiuffu



1.mandatu da Corsicolia u 03/05/2008 11:49
Pour faire de la Corse une réserve de stars !

Les Corses t'enkikinent mais tu aimes la Corse et tu veux un permis de construire dans un espace remarquable? Tu veux faire comme tes amis du 16e? Alors toi aussi mon poto, signe la pétition : "Nous adorons la Corse"!

Avec J Seguela, Torreton, la compagnie Kyrnolia, la société Easy Jet, A Tarralo, les amis de Sperone, les copropriétaires de la marine de Davia, A Prost, la famille Agnelli, Mylène Farmer, Christine Okrent, Bernard Kouchner et Christian Clavier... C'est Okayyyyy !


2.mandatu da Petru-Anghjulu u 03/05/2008 12:04
Un lasciemu i fresteri incettassi e nostre risorse ! Ripigliemuci...
He assai impurtante oghje che a ghjente studendu fora di Corsica vulta à u paese cu e so diplome in u scopu di ripiglia l'affari di l'isula in mani.
Siamu dispettosi di l'antichi seguitemu u so caminu !

3.mandatu da Petru-Anghjulu u 03/05/2008 12:05
rispettosi scusatemi ! ;-)

4.mandatu da in cauda venenum u 03/05/2008 12:33
tuttu si face cu l'accunsentu e l'interessi di parechji corsi he pe quessa ch'elli ghjunghjenu a fa e cumpra cio ch'elli volenu

5.mandatu da estrimei u 04/05/2008 15:08
so accettati i scritti in francese ? eu pensava chi stu foru era u nostru?

Veolia he cumme u turisimu,cumme l ' "ecunumia" ,cumme l'impieggu , cumme e merrie di Bunifaziu o di Lecci , cumme tuttu: he a culunisazione .
c'he a culunisazione incu a lingua, quessa he a culunisazione incu u soldu , e l'effettu he pudente.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta