Accueil
Envoyer à un ami
Version imprimable
Partager

L'ACA ghjoca in Prada !

Hè stata annunziata eri da u presidente di l'ACA. Hè à u principiu di u mese di ghjennaghju chì a famosa marca taliana vesterà i ghjucadori di l'ACA.



L'ACA ghjoca in Prada !
Sbanditu L'ACA hà un partinariu famosu in Londra, New-York, Tokyo, Parigi quant'è in Aiacciu. Perchè vi site assuciati à sta tocca di marca ?
ACA Hè stata dilicata sta scelta. Hè vera. Aviamu pensatu ancu à Gucci, Boss o à Dolce Gabbana. Ma Prada, hè propiu a scelta di u core. Hè a scelta di l'identità di u populu. Quale hè chì in Aiacciu ùn hà micca un paghju di scarpi o di spichjetti Prada? In u cuntestu aiaccinu, u spunsuringu Prada, hè una scelta suciale chì permette l'identificazione di u populu rossu à l'ACA!
Sbanditu Era ancu una dumanda di i ghjucatori?
ACA Sicura! A sapite quant'elli sò avvezzi i nostri ghjovani à fà u colla è fala nant'à u corsu Napuliò incù i so vechji scarpi Prada. Quandu elli falavanu nant'à u terrenu, i scarpacci Nike li flagellavanu i pedi. Ùn la facianu mancu à marchjà. Eppò passavanu à a risa. Legea? Chì scumpientu! Ancu Nike face ride. Hè cum'è Reebok o Adidas, hè a marca di i paisanoni o di i scalati, micca di l'Aiaccini!
Sbanditu Hè dunque una scelta identitaria è prammatica. Chì ne dice José Pasqualetti, l'alenatore di a squadra?
ACA Hè cuntentu cum'è un pichju! I nostri giovani puderanu infine ghjucà à u ballò! Vistu a nostra classifica à u campiunatu, era ora! Nanzu, eranu più impenseriti da e reazzione di e sustenitrice feminile chè da l'assalti di e squadre nemiche. Oramai, sò assicurati d'esse nant'à u terrenu cum'è in cità...

u 20 di Nuvembre 2008
Sbanditu



1.mandatu da livisanu u 20/11/2008 15:07
eccu una nutizia chì faci piaceri.... era ora chì l'aiaccini avessini una squadra riprisentativa di a mintalità soia...
hè priscilia ch'hà da essa cuntenta!!!!

2.mandatu da Cuttulesa !! u 20/11/2008 19:26
ha ha ha !!! Beddu articulu !

3.mandatu da zighizon u 20/11/2008 20:59
L'ACA in Prada cù un stadu in traccia di cambià
Pudimu criticà u so presidente o a mentalità aiaccina
ma qualcosa facenu quassù
Ma noi
in Bastia
U Sporting
scalzu spugliatu è famitu
sin'à quandu o zitè?

4.mandatu da Blaccu Bloccu u 21/11/2008 07:56
À ghjuca incù scarpi fini ò ancu scalzi à l'usu favella, a misura ùn l'hani micca par avali. Puntu è virgula !!

5.mandatu da Cuttulesa !! u 21/11/2008 14:15
zighizon, bè parlatu !!

6.mandatu da omu seriu u 23/11/2008 11:47
Eù sò felice d'annuncià a tutti chi a nostra vera squadra Aiaccina : G.F.C.O.A hè a partesi di u primu ghjenaghju di u 2009 partinariu incù a grande squadre di sportwear : Spring Court ....

7.mandatu da zighizon u 23/11/2008 19:14
Siamu à pena serii per piacè !
ùn cumincemu micca cù u veru è u restu... Hè cum'è u veru corsu ... serà aiaccinu, bastiacciu o curtinese ? L'ACA hè una squatra aiaccina quant'è u CAB hè bastiaccia è basta.
Ma l'affare ùn hè micca di sapè quale hè di quì o di quallà. L'affare hè di vede chì quand'ella ci hè a vulintà - è forse ancu i soldi - , si face un bellu travagliu. U fattu si stà chì Furiani hè sempre un pulinaghju. U sporting ùn hè micca a vera squatra bastiaccia ma fin'ora hè quella chì aspetta sempre un stadu

8.mandatu da T u 28/11/2008 22:52
Ah l'aiaccini è i prada... Enfin pudemu ancu parlà di i bastiacci è i meindl... Hè quasi u listessu prezzu!

Novu cumentu :