Accueil
Envoyer à un ami
Version imprimable
Partager

L'Amore : una Storia di Geni? Parolle, Parolle...

Andate puru à brusgià e puesie di Ronsart, u ridiculu sirinatu di Scappinu è lasciate corre "Brunetta" o "Cun voi o Madamicella"... Sò belle è bone ste puesie ma in fatti d'amore, più chè l'assestu pueticu di e parolle, premerebbe l'assestu geneticu...



L'Amore : una Storia di Geni? Parolle, Parolle...
L'amore à parolle, sguardi è ... geni

Cusì, pare chì in core, ùn ci avete à nimu. Da quì a pocu, vi tuccherà forse à fà tamante dichjarazione : "o cocca, mi piaci tù, scumettu chì t'aghju in i mo geni...".

Hè cusì ch'elli dicenu, senza ride, una manata di scentifichi, in un studiu publicatu pocu fà. À sente li, i geni serianu impurtanti quant'è a cultura in a scelta d'una femina o d'un masciu.

Di fatti sta particularità ùn seria micca umana. D'altri vertebrati averianu listessu cumpurtamentu. Per figliulà si, u partinariu circherebbe qualchissia chì abbia geni CMH sfarenti da i soi. S'assicureghja cusì una pulleva arricchita da un casale immunitariu riccu assai, da fà fronte à l'infezzione à vene.

Mi piace u to sudu...

Megliu, una sperienza hà prupostu à una manata di donne di sceglie trà parechje, una sola maglietta insudata da un masciu. Di modu generale, a maglietta scelta currispundia à quella purtata da l'omu chì avia i geni i più alluntanati da quelli di a donna. In più di mutivazione suciale, l'amore diventa u risultatu d'una mutivazione genetica. Fatt'è fine chì quand'è vo fate l'amore, hè megliu à sudà!

Hè vera chì pueti cum'è Byron, Novalis o Puschinu sò sepelliti dipoi un bellu pezzu ma ci vulia à pensà ci à rimpiazzà u rumantisimu da u genetisimu!

u 13 di Sittembre 2008
Sbanditu



1.mandatu da renusinca u 13/09/2008 10:54
bah allora avà so cio chi mi resta à fà!!!

2.mandatu da Stavroguine u 13/09/2008 13:39
Prupongu à a ghjenti fiminili di stu situ di pudè annasà camisgi di travaddu è vechji slippi di meu. U costu di u trasportu hè minimu. I sinsazioni assicurati. I geni di quiddi muscatosi.

3.mandatu da Elvira u 13/09/2008 19:05
Stu muscu geneticu postu ch'idd'hè sottumissu à una qualsiasi mutazioni ùn pari micca tantu "sicuru", in a scelta di "l'altru", chì u criteriu culturali, un pò menu cambiarinu....ma talmenti menu rumanticu...(????)

4.mandatu da luna rossa u 14/09/2008 01:22
Hum...'sse teurie troppu "mecaniche" mi parenu dubbitose, ogni tantu i scentifichi sortenu una teuria cusì, per mustrà chè no simu tutti baulli à crede à altri affari cà a scienza : u sonniu, u spiritu, a cultura, ecc

Cumu hè chì certi coppii s'innamoranu dopu à essesi cunnisciuti un bellu tempu da "amichi"? Avianu i nadili tappati tuttu u tempu?

Cumu hè chì certi, oghje, s'innamoranu per Internet senza essesi annasati? U virtuale ùn sà ancu arricà i muschi...

È quandu u coppiu si spicca, hè chì ci hè statu una mutazione di geni?

5.mandatu da piratella u 14/09/2008 01:35

Uffa! o masci, fate annasà una bella soma di biglietti piuttostu, site sicuri chì e donne s'anu da primurà pocu di i vostri geni...hihi...


6.mandatu da in cauda venenum u 14/09/2008 10:09
MUSCU O MICCA MUSCU QUANDU L'AFARI S'INCASTRANU A SENSU CI VOLE A PRUFITA DI E STONDE DI DOLCEZZA OFERTE PER A VITA E PER A NATURA L'OMU HE OMU E QUANTE E DEBULE A NATURA UMANA OGNUNU ANNASA A A SO MANERA E E PENE DI L'AMORE UN'LE SA CHE CHI LE PROVA
MA DINU CHI L'AMORE A PALESU UN'A VALORE ACQUA IN BOCCA E FICA MATURA U PIACE UN'A PREZZI

7.mandatu da Mirvella u 14/09/2008 12:38
È l'amori trà sodumiti, hè geneticu o culturali ?

8.mandatu da Colomba u 14/09/2008 14:27

Issi scientifichi, seria bè di sapè cum'elli facenu l'amore, cù e "pippette"?

9.mandatu da Elvira u 14/09/2008 16:01
eccu! Cù pippetti carc'à suchju di fica....sarà cussì

10.mandatu da Black Block u 14/09/2008 18:12
V'aghju dà cuntà una passata vera. Un amicu avia fatu entra in una boata di notti, prima di a so apartura, un beccu livatu chi puzzaia rittu (postu ch'e d'era livatu ,,,ùn'hè?).
U liò à u "contuaru" è à u capu di una mezuretta si n'andoni.
Cinqui ori dopu, in 'ssu locu pricisu 'dùva era liatu l'animali puzzinosu, locu quantu masculinizatu di a noscia sucità, s'hè vistu un'arrimbata smisurata pà cunquistà 'ssu tarritoriu nosciu...... dà a feminiccia !!
È Fanfan fieru com'e un sgiò, addaretu à u so contuaru lampò: "C'est chimique !"

11.mandatu da Cagarella u 15/09/2008 12:26
Cio chi hè chjamatu "l'amore" un hè altru ch'u stintu di riproduzzione :)
Simu tutti roba viva !

12.mandatu da Colomba u 15/09/2008 23:39

popopo aiò ùn simu cunigliuli!

13.mandatu da Cagarella u 17/09/2008 12:09
Un so micca sicuru pè certi ... :D

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta