Accueil
Envoyer à un ami
Version imprimable
Partager

L'agricultura corsa sott'à perfusione

14 milioni d'€. Hè ciò chì u Statu, s'ellu tene e so prumesse, darà à l'agricultura corsa per u periudu 2008/2010. Un anestesicu da curà un male più fundivu. Serà realista?



L'agricultura corsa sott'à perfusione
Dopu a vista di u ministru di l'internu, hè tempu di festa. 14 milioni d'€, face assai per risponde à prublemi puntuali.

Eppuru ci hè da dumandà si s'è a perfusione posta di modu regulare à l'agricultura corsa serà capace à curà la? Pare di nò! U prublema fundivu ferma sempre acutu (in 2007 : 1 stallazione per 22 partenze in ritirata). A quistione di u debbitu bancariu è suciale ferma posta sana sana. U PADDUC hè statu cuncepitu à prò di u tuttu turisimu è i prudutti corsi sò cuntrafatti (impurtazione massiva di latte per pruduce un casgiu chì di corsu ùn hà chè u nome è solu 5% di u salame hè veradimente casana)...

È quandu l'agricultori corsi turneranu à lagnà si, li diceranu : "li ci ne vole sempre di più!". Eppuru, u ministru Barnier ùn cuntrastava micca incù agricultori ingordi, manghjoni di prime. Di punta à u ministru, ci eranu ghjente chì sanu ch'ella hè pussibile di travaglià è di campà incù dignità di a so pruduzzione in Corsica.

Medicina miraculosa, ùn ci n'hè. Ma a faranu sti soldi à rifiatà l'agricultura corsa? Tenite l'esempiu di a sicchia. Cunniscimu a prublematica di u scambiu climaticu à u livellu mundiale. A sapimu chì a Corsica serà sottumessa ogni annu à a sicchia o à u timpacciu. Quantu tempu averemu da risponde à sti capatoghji incù una manata di soldi? Ùn ci invita u ghjudiziu à trattà u fondu incù metudi preventivi? Eppò l'agricultura corsa ùn averà micca bisognu, anzi tuttu, d'un pianu di sviluppu durevule, realista è di prima trinca?

Per u particulare di l'agricultura, quant'è per l'altre quistione, a suluzione, ci vole ch'ella fussi pensata è messa in ballu quì. Ci vole ch'ella fussi capace a Corsica, à anticipà i prublemi è à arregulà li capunanzu. Per ch'ella campi l'agricultura corsa, ci vole ch'ella pensi oramai à primurà più chè à curà.

u 27 d'Aostu 2008
A strega



1.mandatu da Black Block u 27/08/2008 10:10
Ò Strega, à me sinnatedda, dani appena di u to sennu à quiddi quattru chi posani à a tribuna à mani manca di u sgiò Barnier.
Sò iddi chi ci mandani à caterna incu l'aiutu di calchi sbirri chi li stà à senta !
14 milioni parch'iddi poscani cuntinuvà à calà i sò pàffi 'ni carrigoni !


2.mandatu da estrimei u 27/08/2008 11:51
o Black Block ,
scuserai so ti curreggiu, ma so troppu numerosi quelli chi facenu u sbagliu:

sgio ,e signora un si mettenu micca davanti a casata, u s'adopranu che davanti a u nome , u tittulu o u cugnome:
u sgio ministru, u sgio Michele, u sgio Michel Barnier , u sgio rompi stacche.
senza prutenssione e cuscente di i mio sbaglii numerosi ti salutu


3.mandatu da Ziu Dumè u 27/08/2008 11:59
Da leghje u caertulare nant'à e partenze in ritirata di l'agricultori... http://www.viacampagnola.com/dossiers/2008_rapportretraite.pdf

4.mandatu da Black Block u 27/08/2008 12:43
Ùn ci vicu alcuna pratensioni qui, ò sgiò estrimei. !
"A chi teme d'ùn fà sbagliu, faccia u scrittu di u duttori"
Ti salutu anch'eu

5.mandatu da isiè u 30/08/2008 23:28
in 2007 : 1 stallazione per 22 partenze in ritirata

tuttu hè riassuntu quì, hè una catastrofa per u nostru paese...

6.mandatu da campagnolu u 01/09/2008 18:35
U riassuntu pare sinceru, mà cume cuncepisce qui quelli chi cherenu sempre limosina, sianu dinù quelli si volenu raprisentanti di u muvimentu naziunale.
Ci vulerebbi dà dumandà à quelli chi hanu fattu cena in prefettura incu barnier a sera nanzu di u so passeghju in corsica.
Di sicuru vulemu un' agricultura pruduttrice chi campa di i so valori é micca di robba chi vene dà altrò é chi ghjé dopu venduta cume robba corsa tradiziunale.
Issu spaziu puderia esse dinù quellu induve certi si spiegarianu annantu à l'impurtazione di u latte o di a carne...cumu hé chi hanu un discorsu cuntrarui à ciò ch'elli facenu, ùn c'hé che dà vede ciò ch'eeli facenu per i pecuraghji..vai puru quelli chi si dicenu contra à l'impurtazione so i primi à cimprà à 6 é à rivende à 18. Eppuru si dicenu elli i nuvelli raprisantanti...l'UMP incù l'indinpendentisti...Ohiméla !

7.mandatu da moussor light u 02/09/2008 19:20
l'agricultura corsa si ne và à caternu in l'indifferenza generale

e terre agricole so reste custruttibili sott'à a pressione di l'eletti è di i speculatori

si manca di sciarcutteria di qualità, di latte, di pastori... è ghjè una catastrofa pè issu paese !

cumu fà pè salvà a prufessione ? hè più faciule di vince i soldi aprendu una pizzeria è un bungalow 2 mesi d'estate ch'è di piglià una banda di pecure...

8.mandatu da RESISTENTE u 09/09/2008 18:58
late sardu ,porci chinesi e ..........torna a vignale , I soldi annu sterpu l'anima corsa . Razza imbastardita , i pinzuti si stallanu tutti i ghjorni e rinsegnanu a pulizza francese

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta