Accueil
Envoyer à un ami
Version imprimable
Partager

L'articuli i più letti in u 2014 sò...



1. U zappingu

È sì a nostra tv parlava corsu ? ci dumandavamu di maghju. Avemu fattu stu filmettu per a manifestazione di Parlemu Corsu, in Aiacciu. Hè stata cusì l'articulu u più vistu di l'annu.



L'articuli i più letti in u 2014 sò...


2. Caroline Bartoli

L'altru grande successu di l'annu hè stata l'intervista di Jean-Vitus è di Caroline Bartoli. Peccatu chì a povera Carulina ùn appia tenutu a merria è lampatu fora u maritu per vindicassi.
L'articuli i più letti in u 2014 sò...

3. Nabilla

Nabilla s'hè vista in ogni locu in u 2014. Ancu nant'à A Piazzetta, quand'ella hà dettu ch'ella era corsa. Prumessa, a lasceremu in pace in u 2015.
L'articuli i più letti in u 2014 sò...

4. Adèle Exarchopoulos chì trova ch'ellu ci hè troppu Francesi l'estate

L'attrice Adèle Exarchopoulos (La Rafle, La vie d'Adèle) hà dettu chì in Corsica l'estate, ci hè troppu Francesi. L'avemu prupostu di falli scopre u Boziu di dicembre. Per avà ùn avemu risposta.
L'articuli i più letti in u 2014 sò...

5. #ParlecommeRiolacci

A frasa di a campagna in Bastia : "le simeonisme prend sa source dans la collaboration avec l'Italie mussolinienne". 24 ore dopu, 2000 tweets...
L'articuli i più letti in u 2014 sò...

6. U certificatu medicale per ùn avè corsu

U ritrattu circulava nant'à Facebook, è avemu cacciatu i nomi nant'à sta dispensa di corsi di Lingua è cultura corsa. Si n'hè parlatu assai.

Ma u fondu di prublema hè u listessu dapoi anni è anni : cumu sorte da l'uzziunalità di a lingua corsa ? S'ellu si dà a scelta, cumu vulete chì i sculari ricusinu d'avè trè ore in menu in u so spartitempu digià carcu ?

L'articuli i più letti in u 2014 sò...

7. Le Pen

Trent'anni fà, Jean-Marie Le Pen dicia di i naziunalisti corsi : "c'est la trique qu'il faut à ces gens-là !" Dapoi, u FN hà "regiunalizatu" u so discorsu, ma u fondu ùn hè cambiatu. A Corsica appartene à i Francesi, è ùn vole cappià.
L'articuli i più letti in u 2014 sò...

8. U test "site un veru Corsu ?"

Per fallu, si passa quì.
L'articuli i più letti in u 2014 sò...

9. I nomi di lochi di l'innundazioni

Si chjama l'empiifondu, a fiumara, a piena o l'innondazioni. Si perde a memoria di i lochi, è purtantu i nomi di lochi ci dicianu ch'ellu ùn ci vulia à custruisce custì. Hè ciò ch'elli ci dicenu i nomi di lochi...
L'articuli i più letti in u 2014 sò...

10. A lingua corsa ricunnisciuta da Facebook

A Francia ùn vole micca. Mark Zuckerberg iè.
L'articuli i più letti in u 2014 sò...

11. A carta di a resistenza à i Kévin

Hè una carta di Le Monde. In u 1992, u nome u più datu in Francia hè Kévin. A Corsica resiste. Ma ùn hè micca una ragione per quelli chì si chjamanu Anthony di fà i macchi.
L'articuli i più letti in u 2014 sò...

12. U ghjocu di i pezzi di carta

Hè statu u grande ghjocu di u principiu di l'annata 2014. Ùn avemu micca pussutu metteli tutti chì n'avemu ricevutu assai, ma ci n'hè chì ci anu fattu veramente ride...
L'articuli i più letti in u 2014 sò...

13. Un scumpientu

Si ne trova sempre unu per vendeci n'importa chè. Sta volta hè una maglietta chì hà pruvucatu assai reazzioni. Ma viderete, truveremu peghju quist'annu chì vene.

14. I Corsi ùn sustenenu micca l'Equipe de France

Per quale sò i Corsi à u mundiale ? Thomas Andrei, giurnalistu à So Foot, hà fattu a so inchiesta. Risultatu : 84% dicenu sustene un'altra squadra ch'è a Francia.
L'articuli i più letti in u 2014 sò...

15. U CRS

"Vous voulez jouer encore ?" Cunnacciu di l'annu 2014.
L'articuli i più letti in u 2014 sò...

16. Anne-Marie Natali

L'articuli i più letti in u 2014 sò...
Ùn hè micca stata sustenuta da a diritta à l'elezzione senaturiale, allora a dice à RCFM : "il y aura des retours de manivelles".

U prublema, hè chì qualsiasi l'etichetta pulitica, sò numerosi l'eletti à pensà cusì. Ùn a dicenu micca, ma Anne-Marie Natali, sì.

17. A storia di a bandera corsa

L'affare detta di "a bandera", principiata una sera à l'Allianz Riviera di Nizza averà avutu un meritu : fà piglià cuscenza à certi chì d'Aiacciu à Bastia, hè listessu populu. È forse chì cusì, certi si sò dinù appena interessati à a storia. Quella di a vechja testa di moru principia luntanu à u Medievu, in Aragone...
L'articuli i più letti in u 2014 sò...

18. A tv realità, basta !

Ci sò quelli, numerosi, chì fideghjanu. Ci sò dinù quelli chì si n'inchietenu. È ci hè peghju : i patroni di discuteche chì facenu vene i candidati di st'emissioni per fà cunsumà quelli chì fideghjanu.

D'ottobre, i studienti di a CGC anu riesciutu à fà passà cusì u so messagiu nant'à a rete.

Di lugliu, speravamu chì certi ferminu bluccati in Marseglia.

Surpresa, sti dui articuli anu avutu un certu successu. Un bon segnu ?
L'articuli i più letti in u 2014 sò...

19. L'effettu Streisand di Georges Mela

"Bétonnage : pourquoi l'état laisse faire" era intitulatu cusì u filmu di Canal+. U merre di Portivechju hà purtatu una lagnanza in ghjustizia contr'à ellu. Risultatu : u buzz... Ecculu quì.
L'articuli i più letti in u 2014 sò...

u 2ndu di Ghjenaghju 2015
U Webmaestru



1.mandatu da estrimei u 31/12/2014 10:21
incù tutti i so difetti A Piezzatta zinga induv'ellu ci 'ole per facci apre l'ochji ;
ch'ella campi cent'anni e più

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta