L'attentati di Parigi visti da a Corsica

Venneri sera : da "bien fé pour eux" à "Je suis Parigi"

Venneri, dece ore di sera. E nutizie cascanu, ci sò stati parechji morti in Parigi. Si sà pochi affari, ma ancu di grazia cascanu subbitu e prime analise interessante nant'à e rete suciale :

"Li stà bè, peghju per elli... ciò chì si passa in Francia ùn ci cuncerna micca... ùn hè micca u nostru paese... "

O piuttostu : "sa leur va bien aux parisien... sa nou conserne pa... cé pa notre pays..."

Ma amparemu u lindumane chì parechji Corsi facenu parte di e vìttime. Tandu i sapientoni scambianu i so statuti è passanu da "bien fait pour les français" à "Sò Paris" è "Je suis Parigi".

Andate à circà à capisce...

L'attentati di Parigi visti da a Corsica

Hè cun piacè ch'è no ritruvemu i grandi amichi di a Corsica dà e so lezzione

Nant'à e BFM è iTélé, sfilanu i capizzoni di "l'anti terrurisimu" : Gilbert Thiel, Jean-Louis Bruguière, Roger Marion, è ancu Claude Guéant... Chì piacè di ritruvà sti grandi amichi di a Corsica recità e so lezzioni è dà i so cunsigli. Ci anu mancatu. Veramente.

L'isteria cullettiva : tutti bleu-blanc-rouge

Site passiunati di bandera bleu-blanc-rouge ? Casca bè, sò à a moda nant'à Facebook. I ritratti di prufilu diventanu triculori. Ci hè ancu un'appiegazione per quessa.

A bandera francese, sìmbulu d'amore universale è di pace ? Ah iè ? Bon perchè micca.

Cunvene quantunque d'interrugacci nant'à sti cumportamenti è cumu Facebook c'influenzeghja. A suggestione « Changez votre photo de profil » sona ancu cum'è un ordine.

I nostalgichi di quell'epica ponu esse felici.

O guasi.

Ancu di grazia ch'è no avemu l'occasione di ride. Cunniscite a mudella inglese Cara Delevingne ? Bon è bè ella, ùn cunnosce micca a bandera francese.

Ben'intesa, hè dinù l'occasione d'un grande n'importa chè.

Megliu ch'è "changez votre profil..."

Scambiate di faccia ! Cummandate subbitu a vostra banda "Mulet Bleu blanc rouge" : 13,94 € nant'à Amazon

È chì diventa l'omu à u zglip ?

In tutti i casi ci n'hè unu chì deve esse cuntentu, ùn si parla più d'ellu.

"Qu'un sang impur..."

In Corsica, u primu à craccà hè Jean-Charles Orsucci.

Le général Morand like this !

A mubilizazione

Dop'à l'emuzione, eccu u tempu di a mubilizazione. E chjame à parte in guerra si generalizeghjanu. Casca bè, i custume di cruciati sò in prumuzione.

U tempu di e grande analise di geostrategia

Ghjucate à u bingò di e discussione di comptoir. Di regula, quesse e frase l'avete tutte intese.

A pastizzata cum'è attu di resistenza

Dui ghjorni dopu, un mottu novu fiurisce : « je suis en terrasse ».

L'apperitivu, un attu di resistenza ?

A ricuperazione

Di regula, un evenimentu tale ùn si face senza ricuperazione.

In Bastia, un'addunita chì duvia esse quella di l'omagiu, di u ricordu, di a sulidarità hè trasfurmatu in manifestazione anti-immigrazione.

Interrugati, dicenu vulè difende « le peup'keurse » è annunzianu ch'elli anu statu à sente u « Diaux visalvi Rédjine ».

U populu corsu avanza da veru.

U grande n'importa chè

À forza d'imbulighjà tuttu, duvia finisce per accade. Eccu u generu di cunnerie ch'ellu si pò leghje nant'à e rete suciale. È cusì, ne truverete à palittate.

Tuttu và bè.