Accueil
Envoyer à un ami
Version imprimable
Partager

L'attualità à corri corri

Tuttu ciò ch'ellu ci vole à sapè sta settimana, d'impurtante o nò...



L'attualità à corri corri
San Ghjisè, Panzarotti è 'mousse à raser'
U 19 di marzu hè ghjornu di festa in Bastia : hè a San Ghjisè. L'abitanti di u vechju è pupulare quartieru bastiacciu fermanu attaccati à u so santu patrone. Quist'annu a festa hè stata avanzata à u 15 di marzu. Imbuleghju di sacru è di prufanu, a festa và al dilà di a religione è sempre avà i zitelli si ghjocanu à lampassi a schjuma pè sbarbassi. Allora ancu s'è vo ùn cridite micca, ùn vi sminticate di manghjavvi dui panzarotti pè a divuzione.

Per vede i nostri ritratti, andate à vede quì.


Martinon eliminatu
Cuntinuveghjanu i guai di u poveru David Martinon. Hè Le Monde chì a dice, l'anzianu preferitu di Sarko & Cécilia ùn "face più parte di u dispusitivu". Sempre cusì duru, u mondu di a diritta...

U Tibet s'infiara
À qualchì settimana di i Ghjochi Olìmpichi, u Tibet cunnosce grave evenimenti chì anu fattu parechji morti. Sò entrati in rebellione i tibettani contr'à a duminazione chinese. Ma ùn v'inchietate, da quì à qualchì mese ùn si ne parlerà più è u calmu serà vultatu pè pudè seguità tranquillamente i JO.

Simone Veil vs Carla Bruni
I giovani dicerianu chì Simone Veil hà messu "un vent" o "une grue" à Caral Bruni. È poca grue ! Fidighjate e fiure, Carla ùn si n'hè ancu rimessa... Sempre cusì penìbule, u mondu di a diritta...

U maccione di a dumenicata
I taliani chjamanu quessa un big match. Sabatu sera si ghjoca Roma - Milan ! Cù i romanisti chì praticheghjanu u più bellu ghjocu d'Italia è i rossoneri appena invechjati ma cù i so ghjucatori mìtichi, u spetaculu ci serà. Hè à u cuntrariu di e municipali in Bastia è in Aiacciu, ùn si sà micca qual'hè chì hà da vince.

Bluccata dui anni nant'à i so cabinetti
Hè un blog chì conta a storia : una donna s'hè chjosa durante dui anni nù i so cabinetti senza sortene è ci hè vulsutu à chjamà i pumpieri pè caccialla. Sempre cusì stranu, u mondu di a diritta...


u 15 di Marzu 2008
u webmaestru



1.mandatu da Mazzone u 15/03/2008 17:22
Di mimoria di sanghjisippani si sarà dighjà fistighjta à una data altra ch'u 19 di marzu ?
Alè, un'ichiesta per a squadra di a piazzetta : vulemu sapè tuttu ! Quantu volte, stalvatoghji, testimunianza...

(Bon, in casu mai, muntateci a sega, cuntatelu...)

2.mandatu da u WBM u 16/03/2008 01:52
eccu digià une pochi di ritratti di a festa :

3.mandatu da u WBM u 16/03/2008 02:06
grande partita à l'olimpicu :

4.mandatu da estrimei u 16/03/2008 09:46
aghju vistu a a televisio ,Veil salutà tutti l'altri e micca a moglia di u presidente francese.
stu pattone publicu-postu ch'ell' he datu 'nu una ceremonia officiale - 'un he statu ammentatu da nisuna televisio???? eviva u ghjurnalisimu ! di sicuru so ghjente onesta e rispettuosi di u so duvere d'infurmazione!!!

Novu cumentu :