Accueil
Envoyer à un ami
Version imprimable
Partager

L'averiate aiutatu ?

Hè siguramente a faccia di l'annata. Jean-Pierre Treiber, l'omu chì fughje in un cartone è chì face quellu chì si piattava in una furesta (in fatti in un appartamentu in Melun, cun abbunamentu à Canal Sat) hè statu chjappu. Ma voi, l'averiate piattatu ?



L'averiate aiutatu ?
Hè cascatu Jean-Pierre, dopu à guasi trè mesi di piattatella. A so fughjita di a prigiò d'Auxerre l'hà resu cèlebre.

A so magagna dinù : fà crede ch'ellu campava in e fureste bughje è salvatiche pè ste Francie. "Koh-Lanta à côté c'est du pipi de chat !" scriviva quellu.

Da vede : a Treiber Map.

Pensatevi ! L'omu era à l'agrottu, tranquillu tranquillu, in un appartamentu di Melun. Cun pani à a cicculata a mane è Canal Sat a sera. A Francia sana pensava ch'ellu manghjava radighe è furmicule ?

Ellu si tichjava di Pringles davant'à Secret Story.

Appena cum'è Bear Grylls, u tontu di l'emissione Man vs. Wild, seul face à la nature chì vi spiega cumu tumbà un elefante, cumu beie u suchju di u stòmacu di beccu mortu o qualessi sò i scurpioni chì si ponu manghjà s'è vo situ persu in a natura. Da vede... Ùn si sà mai, pò sempre ghjuvà.

Dunque, n'avemu finitu cù a scappata di "L'Homme des bois". Quelli chì l'anu aiutatu à piattassi sò incarcerati dinù.

U paragonu cù a fughjita d'Yvan Colonna vene allora à mente. Ci arricurdemu di ste frase chì sò firmate : "Tutti avemu aiutatu à Yvan", "l'hospitalité n'est pas crime", "nous avons tous hébergé Yvan"...

Iè, ma si una sera vidite a chignaccia di Jean-Pierre Treiber affaccà à u purtellu è ch'ellu pichja dumandandu aiutu, l'aprite a porta o nò ?

Luni 23 Nuvembre 2009
Jean-Pierre Tribbiera



1.mandatu da piratella u 2009-11-24 09:50
Hiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

E nostre tradizione anu e so limite, nò? Vulete paragunà cù Yvan : ellu hà una faccia di ciristianu, quantunque!

S'ellu fussi affaccatu nantu à u ponte di u mo battellu, o mi muria d'un attaccu, o u lampava in mare senza altru! Una facciaccia di topu di menu nantu à sta terra...Pluffa.

2.mandatu da miccaèbastiacciuinnizza u 2009-11-24 11:20
chi dilemma!
l'ospidalità hé sacra ma avete fighjate issa FACCIA!!!!!!!
st'arechje, stu nasu!!!!!!stu sguardu!!!!!!!!!!!!!!!!
o'figlioli cari!!!!!!
anch'à vedelu in "foto" mi vene un spaventu!!!!!!!!!!!!!!!!!!!!!!!!!
troppu goffu l'omu!!!!!!!
pensu ch'averia apertu a porta pè dalli un calciu(front kick) in faccia!!
"aie aie ti chiedu l'ospidilata chi si corsu e mi sciappi u nasu!!gattivu !!maledetti i corsi chi perdenu l'antichi valori!mi n'hé ritornu a melun a disse U GOFFU"

3.mandatu da ZIU ANTO U PURCAGHIU u 2009-11-24 11:24
O JP Tribiera,in loghi méi si chiamanu, marmignati ,micca scurpioni,s'ellu si n' avessi pigliatu uni pocchi in bocca o in culu issu J P T un n'avarianu bisognu di avédu circatu st'omu .Per contu meiu l' avria aiutatu di sicuru.per falla corta l'averébbé appicatu a u castagnu qu'ellu u manghiessiu i corbi....

4.mandatu da Apple u 2009-11-24 14:56
Mela

5.mandatu da KÜG u 2009-11-24 17:19
infatti u tippu ùn s'hè micca fattu chjappà, s'hè resu da per ellu:

http://medias.lepost.fr/ill/2009/09/09/h-20-1689372-1252522105.jpg


6.mandatu da SANTUCCI u 2009-11-24 19:09
Se l'era un amicu ò un parente l'avia propostu di vene in case dè me anche se ai fattu una malfatta!

7.mandatu da fratellu ficatellu u 2009-11-24 23:49
Se A Piazzetta divenne a succursale di "Dite a vostra", si po dì, dinù, furbicetta... Eccu, cusì avanzemu...

8.mandatu da Malmignatta u 2009-11-25 19:03
Paraguna Jean Pierre Treiber cun Yvan Colonna???? Scrivite corsu ma a mente é francese,a mé mi pare chi oghje né finita di a nostra antica identita.
Ma é vera dino chi a piazzetta dié u locu di macagna,ma mi face quantunque infiara stu paragone..;

9.mandatu da fratellu ficatellu u 2009-11-25 19:24
Jean Pierre Treiber fratellu di lotta, tantu chi u braciu di Jean Pierre tennerà à nostra bandera fiera anant'a l'altare sacru di a libertà, mai u nostru populu un si spenghjerà...

10.mandatu da baygon vert u 2009-11-25 20:16
ahè, è dalli...

facia un pezzu ch'ella ci mancava a lezzione di u nostru santu militantisimu naziunale di a Patria.

quand'ellu si vede l'assenza di segondu gradu ind'è certi, ci pudemu di ch'è no semu veramente ind'a merda o malmignatta...

aio, femuci un operazione kamikaze, femu saltàcci cù a Foir'fouille è femula finita.

libertà !

11.mandatu da Ghjacintu McGowan u 2009-11-26 00:02
Aiutà un tipu piu' goffu ch'un piccatu inglesu, mancu à pinsalla!

12.mandatu da fnfg u 2009-12-17 18:35
o jean pierrre. ooooohh jean pierrrreeeeeee. o tribbieeeeeeerrrrrraaa oohhh tribieeeerrrraaaaa!! e voi vi ripusate oooohhhhh!!!! VOL/ TE/ GI / RA / E / VO / GA TON / DU / CHI / LU / TRI/ BBIU / PIGLI / FONDU/ OHHHH

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter