Accueil
Envoyer à un ami
Version imprimable
Partager

L'avete u numeru di Mel Gibson?

Braveheart, "Core in fronte"...



Braveheart
Braveheart
L'avete vistu stu filmu di Mel Gibson? Hè passatu à a televisiò nant'à France 2. Peccatu s'è vo l'avete mancatu!

Hè un filmu storicu chì ammenta e battaglie di i Scuzzesi contru à l'Inglesi ind'è u 14u seculu. A viulenza pò ci hè. Ma l'amore è a puesia dinù incù Sophie Marceau, Ma ciò ch'omu ritene sopratuttu, hè a leia forte ch'ellu tesse Mel Gibson trà u particulare di a lotta di i Scuzzesi è l'universale di a situazione.

À noi altri Corsi, ci venenu in capu paragoni trà l'omi (i nobili sò à prò di u rè d'Inghilterra), e battaglie (vinte da i Scuzzesi contru à un armata preputente), l'infrasate è e parullacce cappiate da certi capizzoni (William Wallace, u capimachja di a rivolta hè pigliatu per un ladrone)...

Quandu ellu hè esciutu, stu filmu hà avutu subitu subitu un successu tremendu. Hà racoltu cinque Oscari è ancu puru s'ellu hà custatu 53 millioni di dollari, hà permessu di vince 202 600 000 $ !

Allora, vi dumandu, à quandu un filmu nant'à Pasquale Paoli o Sambucucciu d'Alandu? Aiò, l'avete u numeru di Mel Gibson?

Braveheart nant'à Wikipedia
William Wallace
A presentazione di u filmu

u 21 di Ghjenaghju 2008
Sbanditu



1.mandatu da dumè u 21/01/2008 13:58
cun Christian Clavier in u rollu di Sambucucciu ?

2.mandatu da Sbanditu u 21/01/2008 15:12
Innò, ellu sarebe piuttostu, sia Napuliò (l'hà fatta digià) o le Comte de Vaux, le marquis de Cursay o ancu puru Marboeuf?

Anu ancu fattu un filmu "Bloody sunday", si puderebbe fà "Aleria 1975" o "maghju 1976"... Bastelica... Ci n'hè pochi filmi da fà nant'à a storia di a Corsica. Chjamate à Mel Gibson!!!! Ellu sì chì u ci pò fà u filmu!

3.mandatu da davide u 22/01/2008 03:17
iè ci vole un film nant'au storia corsa pè fa vede a lum mondu un altru populu chi merita ghjustizia
salla sicilia con affetto davide

4.mandatu da greg limone u 23/01/2008 23:57
ALERIA 1975 cun quale in u rollu d'Edmond ?

5.mandatu da Resistenza u 25/01/2008 12:20
Tralonca 96.
Ùn ci sarà bisognu di cumedienti tracunnisciuti, saranu i vistiti è l'ambiu ch'hà da custà bonbon.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta