Accueil
Envoyer à un ami
Version imprimable
Partager

L'aviò di Sarkozy contr'à u PEI

U PEI duvia fà sorte a Corsica da u Medievu. Per appena di più, avete l'aviò di Sarkozy.



L'aviò di Sarkozy contr'à u PEI
U PEI, vi n'arricurdate ? U "Programme Exceptionnel d'Investissement" duvia aiutà a Corsica à sorte di u terzu mondu è à richjappà u so ritardu in materia d'infrastrutture.

À l'epica TUTTI l'eletti (fora di Toussaint Luciani...) avianu sciaccamanatu. Tutti si felicitavanu davant'à a generosità di u Statu.

Ùn ridite micca, ma u PEI avia cum'è ambizione di : "résorber son déficit en équipements et services collectifs" (lege di u 22 ghjennaghju 2002). Strade, trenu, stadii, elettricità, a Corsica avia da entre infine in u 21esimu seculu !

U Statu avia surtitu à scatula à prumesse (peghju per quelli chì ci anu cridutu !) : u PEI duvia custà 627 milioni d'eurò. Hè bastatu per impressiunà i disgraziati ch'è no semu.

Fora chì in u PEI era previstu chì u Statu ùn finanzava ch'è à altura di 70%. I 30% chì fermanu eranu à carica di a CTC, i cunsiglii generali, e cumune... ma era digià assai troppu per e cullettività d'un'isula troppu pòvera. In qualchì annu, e cullettività ùn puderanu seguità è si sò tutte indebbitate.

Di "prugetti strutturanti" forti ùn ci ne serà, i nostri pulitichi anu preferitu suminà à diritta è à manca per custruisce giratoghji è muragliette à longu à a strada. In quant'à u trenu, cunniscite a fine di a magagna. L'AMG ùn viaghja sempre micca è u vechju trinichellu di 1950 hè statu rimessu in circulazione.

Oghje, u Statu hà spesu 312 milioni d'€ pè u PEI chì à l'epica paria strasordinariu è chì duvia sorte a Corsica di a miseria. A dice u situ di u PEI.

In fine di contu, ùn hè ch'è appena di più ch'è l'ultimu gadget di u presidente : Air Sarko One hè custatu 180 milioni d'€.

È quale hè chì s'hè fattu burlà, una volta di più ?

u 22 di Nuvembre 2010
U Sgaiuffu



1.mandatu da ATR u 23/11/2010 09:14
A quandu un "Air Corse One" pè u prussimu generale di a nazione ?

2.mandatu da naziunali u 23/11/2010 09:51
a quandu naziunalisti chi dinunciaranu e manghjerie invece di lagnassi di a cumpagnia rigiunale maritima per ch'ella sia amaestrata da mosconi issu falzu rivuluziunariu in converse o fa caga incu a spiculazione allora chi cunstruiscenu anch'elli alberghi e ustaria per fa ghjente ghhjungje a scopre rughjoni induve anu da custruisce un ghjornu
POVERA A NOI

3.mandatu da estrimei u 23/11/2010 10:13
per contu meiu , una cumpagnia corsa maritima -chi he a suluzione per ch'o ci sortimu a bè - un deve esse ammaestrata da nimu.
u direttore generale deve fa e so pruposte e rende contu tutti l'anni a un cunsigliu d'aministrazione chi cuntrulleghja u rispettu di a strada insignata da l'assemblea di Corsica . Stu cunsigliu d'aministrazione averia da fà , ogni annu , un contu resu a a l'assemblea di Corsica .
specificheghju chi l'aministratori , cume i capi di l'assemblea di Corsica un averianu ne piezze gratisi , ne pagga , ne u dirittu di sceglie l'impieggati .
avà , so ch'ell 'he Mosconi nu a so, chi nu u cunoscu micca .ma pe a cumpagnia corsa, ancu di grazia ch'ellu c'he , ELLU .

4.mandatu da ghjuvan michele aulas assinu u 23/11/2010 15:37
Una cumpagnia regiunale marittima seria a suluzione? S'ellu hè per fà cum'è a CCM, induve l'eletti piazzanu tutti i soii, cun "deficits" enormi; è induv'ellu ci hè trè impiecati induve ùn ci n'averebbe da esse chè unu, ùn sò s'ella hè a vera suluzione

5.mandatu da estrimei u 23/11/2010 17:15
a ghjuvan michele aulas assinu ,
he per quessa ch'o a mi so allungata 'nu e spieggazioni.
forse ci vulerà a fà listessu a a CCM .
una sucietà publica un deve micca esse un ghjoculu per nepochi d'eletti . (o forse tutti ? chi un si sente un ansciu)
ma custi dinnù u Populu deve piglià e so rispunsabilità !

6.mandatu da Pesciu Power u 23/11/2010 17:32
Tengu à dì ch'eo sò un uppunente decisu à a moda di i sushis !
Preciseraghju ancu ch'eo cunsidereghju i cunsumadori di sushis cum'è ghjente senza nisunu interessu.




À bona sera.

7.mandatu da ZARA u 23/11/2010 19:12
"Zara 126" po diventà u nostru aeruportu internaziule, megliu piazzattu che quelli di bastia o d'aiacciu...un Top Gun nustrale..


a prestu amicacci

8.mandatu da Per ride u 23/11/2010 19:13
Possu aghjunghje à ciò ch'elllu dice Pesciu Power, in seguita à Saveriu VALENTINI,
"I pesci in l'acqua...I pesci in l'acqua..."

9.mandatu da Urfanella.... u 23/11/2010 22:19
Mà chi so 312 millioni d'euro....

10.mandatu da ettore parodi u 23/11/2010 22:26
Ma perchè vi meravigliate tanto! Qui in Italia abbiamo Berlusconi che due anni fa ha promesso di tutto e ora siamo con Napoli piena di spazzatura, le fabbriche che chiudono e lui che se la spassa con le escort (puttane)

11.mandatu da anto u 24/11/2010 07:08
Pè a manghjeria di l'avio e quella di u PEI ,un solu rispunsèvulè :l'UMP !( Unione di Manghjoni Prufeziunali ).

12.mandatu da estrimei u 24/11/2010 08:00
innò o 'nto' ,
i rispunsevulli so tutti l'elletti di a ctc .
hanu vulsutu esse elletti per piglià e nostre pratese .
in tempi d'ellezzioni facenu e critiche di l'astri , prumettenu e quand'elli so ellettisi stanu zitti e muti: o un s'interressanu , o so sumeri , o so complici -e i complici ci vincenu sempre qualcosa !-

13.mandatu da Venachese u 25/11/2010 21:01
@ ai capitu tuttu o Estrimè..... simu l'imbecile chi votanu.!!

14.mandatu da Dume u 28/11/2010 17:48
@Pesciu power
Centu per centu d'accordu !

O sgaiù, a quandu un articulu annant'a a moda di i sushi ?

Novu cumentu :