Accueil
Envoyer à un ami
Version imprimable
Partager

L’epupea di Raymond Domenech

Dopu à parechje bastunate per via di a disfata francesa contru à a Squatra Azura (0-2) in primu giru di l’Euro 2008, u selezziunadore Raymond Domenech, 55 anni, cuntinueghja u so caminu di croce.



Durante una intervista, à a fine di u scontru, invece di parlà di u so avvene prufessiunale, hà preferitu dumandà in matrimoniu a so cumpagna Estelle Denis, 32 anni, presentatrice di l’emissione 100% Foot (M6) è mama di i so dui figlioli.

« La seule chose à laquelle je pense maintenant c'est de me marier avec Estelle. Je lui demande sa main » avia rispostu à u ghjurnalista.

U lindumane, Raymond Domenech s’hè puru scusatu di u so « manque de sérieux ». Ghjera, secondu ellu, un mumentu « d'humaine faiblesse » è un sbagliu di cumunicazione…

Estelle Denis, per contu sogliu, ùn hà tantu appreziatu sta quistione « peu romantique » davanti à millioni di telespettatori. D’altronde, hà fattu sapè ch’ella ùn li rispunderà micca publicamente.

Ritornu annantu à st’affare ghjudicatu di buffunescu da i media è numerosi ghjucadori di ballò, trà e duie videò principale, aspettendu i vostri cumenti :

A videò di a dumanda di matrimoniu in diretta
A risposta d'Estelle Denis, chì ùn hà dettu di sì...

u 27 di Ghjugnu 2008
L'Alisgianincu



1.mandatu da Tony Montana u 27/06/2008 09:40
Chì bellu mustacciutu ! Aghju trovu u so picciu… Appughjendu quì: http://www.clickhere.gr/pictures/images/pics/moustache.jpg

2.mandatu da Stavroguine u 27/06/2008 13:47
Ma subratuttu chì lu si tinissini sin'à 2010 !

3.mandatu da l'animale u 27/06/2008 18:58
ci vole chi Domeneccu sia mantenutu cume selezziunadore.

cusi, da qui à 2 anni, u futbol francese ùn esisterà più !


FORZA DOMENECCU !!!

4.mandatu da domeleccu u 03/07/2008 14:21
ALLELUIA ! sta closcia si stà, gloria à a FFF !

5.mandatu da france1 autriche3 u 07/09/2008 12:24
eccu ! a francia pianu pianu ritrova a piazza ch'hè a soia in u mondu di u futbol : IN I STRAFONDI

Novu cumentu :