Accueil
Envoyer à un ami
Version imprimable
Partager

"L'image de la Corse"

Cinque minuti d'una piccula baruffa in u derby facenu parlà di più chè 500 morti in vint'anni.



"L'image de la Corse"
I picculi incidenti di u derby anu un meritu : i Francesi sò cuntenti di vede chì i Corsi ùn sò micca cum'è elli è ch'elli sò sempre salvatichi è viulenti. Avemu rassiguratu à Pierre Menès è à Jean-Pierre Chevènvement. Ùn ci hè chè da leghje st'articulu : Ajaccio-Bastia : le scandale du foot corse.

Cinque minuti d'una micro-baruffa trà trenta persone (nant'à 11.000), dui fumìgeni è una bomba agrìcula anu rilanciatu un vechju dibbattitu : "quelle image on va donner de la Corse ?"

Purtantu, in termine di "fiura chè no demu" di u nostru paese, ci hè forse peghju :

  • Un paese induve i "voyous" sò rispettati è mai inchietati.
  • Un paese induve i malfattori riescenu sempre a so reinserzione prufessiunale dop'à a prigiò.
  • Un paese induve certi eletti sò più o menu ligati à i malfattori... è cuntinuveghjanu à esse eletti.
  • Un paese induve u soldu hè rè è induve ci vole à mustrà a so riescita à colpi di grossi 4x4.
  • Un paese chì abanduneghja i so zitelli : a giuventù corsa hè quella chì hà u più di giovani micca inseriti, senza diplomu è senza travagliu.
  • Un paese induve a sola perspettiva ecunomica hè quella di u turìsimu, di l'immubiliare, di vende i so terreni.
  • Un paese abbandunatu à i speculatori è à i scrucconi.
  • Un paese induve l'obesità di i 5-7 anni hè a più forte di Francia.
  • Un paese chì si taglia di e so radighe, di a so lingua, di a so cultura.
  • Un paese chì hà vistu più di 500 assassinii in vint'anni.
  • Un paese fatalistu : "iè ma chì voli fà, contr'à i voyous ùn si pò fà nunda".
  • Un paese chì diventa goffu, cù un paisaghju imbruttatu à colpi di cantieri, di lotissements, di residenze orrìbile è di zone cummerciale chì crescenu in ogni locu.

È averiamu da inchietacci per una bomba agrìcola durante un macciacciu di futbol?

Piuttostu chè d'inchietassi di "l'image qu'on donne aux Français", saria ora d'inchietassi di a fiura di stu paese chè no demu à i nostri figlioli.

u 23 d'Utrovi 2012



1.mandatu da aiotuttifratelli u 23/10/2012 16:54
Aio tutti fratelli ch'he ora di stirpa sta rimigna !

2.mandatu da GhjuvanPetru Cavanimentu u 23/10/2012 16:57
Era ora ch'elli fussini detti cosi simuli!

3.mandatu da KüG u 23/10/2012 17:27
prestu, prestu, un assassiniu ! per smenticà quella dumenica odiosa in a storia di Corsica...

4.mandatu da ANTO u 23/10/2012 17:46
Un ci vole micca a da capu a quelli chi parlanu male di a Corsica ,si nisunu i sta assente annu da stassi zitti .Cum'ellu dice Sgaiuffu demuci capu pè lascia a quelli chi venenu doppu a noi une Corsica micca troppu ruvinata .

5.mandatu da Minestrone u 23/10/2012 18:04
Un sapia micca chì l'orsi currianu cusì in furia.

6.mandatu da ghjuva u 23/10/2012 18:07
ai rasgio l'image que lon donne aux gaulois ci ne cagemu !!!! feriamu megliu di figghja l' esempiu di i resultati eleturali in Paese Bascu !!! A di sicuru elli un si tumbanu mic ca per una partida di ballo.

7.mandatu da maffia fora u 23/10/2012 18:28
A Corsica : un paese induve i truands tombanu, vendenu a droga, facenu u rackett è si spartenu u biscottu di l'immobilier.

ma hè peghju "l'image qu'on donne à TF1"...

saria ora chi a sucetà civile corsa (vale à di NOI TUTTI) si disceti contra a MAFFIA

8.mandatu da fatelivra15pizzeàmenez u 23/10/2012 18:34
simu cum'è u castagnu ci fermanu 5 cinque anni, eccu ne a prova: dumanda fatta à un gruppu di giovani d'una vintina d'anni ( studienti, micca ghjucadori di ballò!), vi lasciu in casa à tene mi pè una nuttata 1chilò di cocaine, vi do 20.000€, nant'à 16 solu 3 ricusanu l'offerta di manera quasi viulente!!! hè detta a messa!!

9.mandatu da Culomba u 23/10/2012 18:36
ùn hè micca a nostra magina fora chì mi primureghja, ma l'educazione di i nostri giovani. E bombe agricule ùn anu nunda à chì fà à u stadiu : lampalle annantu à a ghjente hè un attu di viulenza, pudia fà i feriti è forse certi anu i danni à l'arechje è què ùn si vede. Ci vole à rilativizà per raportu à l'inseme, certa, ma ci vole à dì dinù chì stu mendu d'aduprà e bombe agricule ci n'hè una techja, hè u principiu di a viulenza què, ùn ci vole à minimizà troppu

10.mandatu da pistone u 23/10/2012 18:46
Francamente, eiu socu statu più stumacatu di vede tippi cume Alain Orsoni vultà cume s'ellu fussi nunda chè da una "bombe agricole" mandata da un giovanu imbecile nant'à d'altri imbecili.

dicu Alain Orsoni, ma Charles Pieri, Jean-Martin Verdi, Paul Natali, Domarchi, o Balthazar Federici hè LISTESSU

avà ci vulerebbi à di BASTA à STE CUNNERIE

11.mandatu da FÔSSEINFO u 23/10/2012 18:50
Ùn hè micca vera cio ch'è vo scriviti. I 500 morti facini parlà di più chi sta baruffa ch'ùn ci vole micca minurà quantunque. è ùn si parlà di i malfatti di sabbatu sera in Aiacciu.
Ci sarìa da piatà qualcosa?

12.mandatu da Antone u 23/10/2012 19:12
No o FÔSSEINFO.

Eu cio ch'o sentu hè "contru a brise de mer un pudemu fà nunda"

Marie-Jeanne Bozzi, Paul Natali, ecc sempre eletti cun piu di 90% di i voti, un hè micca più grave?!?

Hè piu grave no ?

13.mandatu da benladeni u 23/10/2012 19:23
ci vole à purtà una lagnanza à u ministeru di l'internu pè:" non asistance à personnes en danger", sanu tuttu chi simu tutti nant'à "ecoute", in tantu si rallegranu di vede è di sente cio ch'è no dimu è femu, e terre so vindute à russi, taliani, francesi è da qui à pocu u Qatar, i corsi si vendenu tra d'elli à ruspà soldi, quandu pensu chi certi so morti pè ghjunghje ne qui!!! i corci, povere famiglie, mi vene a vergogna.

14.mandatu da Pseudonimu u 23/10/2012 19:27
500 morti in 20 anni...

E a pulizza conta i punti.

"j'ai confiance en la justice de mon pays"

15.mandatu da ScortuAssai u 23/10/2012 19:34
Mà chi piacè di leghje st'articulu di Permalianu...
Ci è tuttu !

E a faccia di i nostri eletti quandu Ayrault a annunciatu chi frungnerianu u so musu indè i mercati publichi... I nostri cari eletti clanisti, brutti, buciardi e biglicchi

16.mandatu da Talavesu u 23/10/2012 20:24
Aio u porcu di menes chi ci face a lezzione.Parenu fole!

17.mandatu da menez15pizzeinbocca u 23/10/2012 21:15
ma s'elle eranu fole omancu, si puderia ancu ride ma custi o talavè, l'affare so in francese.Chevenement hè ancu sottu à a verità!

18.mandatu da Acqualacciu u 23/10/2012 21:55
Eiu sò statu veramente stumacatu da tutte e parolle ch'aghju intesu mentre stu macciu.
E un fattu assai più grave chè a cazzuttata o tuttu u restu!
Povera noi...

19.mandatu da W. u 23/10/2012 23:16
Eccu. Tutti vi lagnate d'una partita di ballo per 2 schiaffi e 4 insulte

Per indignassi di a maffia un ci hé piu nisunu

20.mandatu da henry smart u 23/10/2012 23:35
Qui a piazzetta, un ci site micca ! u paragone un tene ! allora, perche parla di i prublemi di a Corsica vistu ciò chi si passa in afganistan o in Siria ?
he capita ch'un he cusi grave stu macciacciu ...è stu cumpartumentu cusi raru !!! ma so mansi di zucche sti spetatori...è ghje per quessa che n'un pudemu reagisce à atte gravissime accaduti inde noi.
ssu match he dinu un spechju di a nostra sucieta !
ci sera sempre un baullu per di chi bombe agricule ci ne sempre state ecc...ma quandu un zitellu si fera tumba , allora...torna a vindetta ??

21.mandatu da henry smart u 23/10/2012 23:39
e po arrestemu di crede chi i francesi so primurosi di sape ciò chi si passa in Corsica !! si ne futtenu di noi quant'è i corsi si ne futtenu di l'altri !!

22.mandatu da Ciavattimentu u 24/10/2012 01:17
Micca d'accordu o Smart

Perche a ghjente s'indegna sempre di "l'image qu'on donne" per 50 baulloni à u stadiu (i baulli ci so in tutti i stadi di u mondu) ?

Per contru, per i 15 assassinati nimu s'indegna... Pè u racket nimu dice nunda... Pè l'eletti scrucconi tuttu u mondu i cunnoscu ma si vota per elli... Pè u grande banditismu nimu un dice nunda fora di "ahé on peut rien faire contre eux"...

Ci hé qualcosa chi un và

23.mandatu da henry smart u 24/10/2012 11:34
un dicu micca, ma allora mancu appena, chi un ci vole micca reagisce à ciò chi si passa, e di sicura, nunda à chi vede cu zitelli chi s'azzuffanu cu crs. qual'he chi un l'ha fatta !! eiu un mi permetteraghju di da certe lezzio !!
ma a ripetu, se un ghjornu un zitellu si face tumba ind'una azzuffa futbalistica . chi femu ? cume à l'epica di furiani ? una petizione per sustene un presidente di club ? o per una volta penseremu à e vittime ....chi so colpa nostra ! cullettivamente !

ava un mi fate micca passa per una rubbaccia di Chevènement ! quandu do u mo pare, un he micca pensendu à qualchi spezialistu di a Corsica invitatu nantu à u plateau télé.
ciò chi m'inchieta ava ghje chi certi s'anu da scatena per sse francie...scusate..per sse televisio , è noi c'emu da difende ( reazzione nurmale) è ci scurderemu torna di a nostra autocritica.

24.mandatu da henry smart u 24/10/2012 11:35
un dicu micca, ma allora mancu appena, chi un ci vole micca reagisce à ciò chi si passa, e di sicura, nunda à chi vede cu zitelli chi s'azzuffanu cu crs. qual'he chi un l'ha fatta !! eiu un mi permetteraghju di da certe lezzio !!
ma a ripetu, se un ghjornu un zitellu si face tumba ind'una azzuffa futbalistica . chi femu ? cume à l'epica di furiani ? una petizione per sustene un presidente di club ? o per una volta penseremu à e vittime ....chi so colpa nostra ! cullettivamente !

ava un mi fate micca passa per una rubbaccia di Chevènement ! quandu do u mo pare, un he micca pensendu à qualchi spezialistu di a Corsica invitatu nantu à u plateau télé.
ciò chi m'inchieta ava ghje chi certi s'anu da scatena per sse francie...scusate..per sse televisio , è noi c'emu da difende ( reazzione nurmale) è ci scurderemu torna di a nostra autocritica.

25.mandatu da Linguatorta u 24/10/2012 11:51
E bombe agricule, e cazzuttate, e parule pessime è i sputi ùn anu nunda à chì fà nant'à un stadiu ch'ella sia u tempu di a partita o puru per un minutu. S'omu principia à minurà un minimu di quessi l'affari apre tandu a porta à tuttu. Ghjè cusì ch´ella si banalizeghja a cuccaïna per esempiu. Ùn ci sbagliemu di nemichi, i nostri sò identificati è portanu un nome.

26.mandatu da aiotuttifratelli u 24/10/2012 11:56
Parchi un femu micca una manifestazione pa di cio chi no pensemu? Parchi parlemu di l'altri (pulitichi etc) senza a fa nunda? ghjè a u populu di pisa si pa mughja a so rabbia!!!!

27.mandatu da aiotuttifratelli u 24/10/2012 11:57
U populu unitu mai un sara vintu!!!

28.mandatu da hè nurmale di lampà una bomba nant'a ghjente ! Nurmale dinù e baruffe ! u 24/10/2012 18:34
Aghja scrive in francese mi scusaredde !
Minorer la violence des joueurs, de cette minorité dans les tribunes, ne consistent-ils pas se positionner sur les mêmes codes que les voyous justement dénoncés ?
è po
eiu mi ricordu di l'altre viulenze indè i terreni o e tribune in auropa, indè un mondu so trattate di a stessa manera, .... mi pare
eccu

29.mandatu da n'u u fondu di a Valle u 24/10/2012 19:17
Un hé micca solu un affare di cazzutate n'una tribuna:quand´omu lampa una bomba agricole nant´a ghjente hé fa danni ,mi pare,no???
Hé una viulenza cum´una altra postu chi si cerca a "fa male" a l'altru....
Pe l'eletti,ci so l'elezzione pe scambiane....ma si sa ch´ellu un hé cusi simplice quand´ognunu ha un cuginu,una cugnata o un amicu chi ha bisognu d'un votu....
O pe ringrazia à qualchissia pe ave datu un aiutu pe tene in casa una vechja ch´un po piu viaghja...
E pe l'impatrunita di i truands nant´a à vita lucale,c'hé una cosa chi tuttu u mondu po fa:quandu sapete chi un cummerciu (bar,paillote etc....)hé un affare duve di sottu c'he un voyou,UN C'ANDATE MICCA!!!!

30.mandatu da stumacatu u 24/10/2012 20:28
"U populu unitu mai un sara vintu."

Si dice...

31.mandatu da Paisanu u 24/10/2012 20:59 (da un teleffuninu)
Hè ditta e bè ditta.
À dà esse difficule di sbarazza ci di tutti stì banditi, anchu se à puddemu rigrittà, hè u travagliu di u statu francese, noi semu à mezzu. U peghju hè stà drugaccia chi scimisce à noscia ghjuventù. Tinta Corsica chi si ne mori

32.mandatu da Paisanu u 24/10/2012 21:10 (da un teleffuninu)
Ci vularia piantà dì creda si sempri piu Corsu che u so vicinu, in stu paesi, semu tutti bastardi !
Tuttu mondu hè ghjuntu, creditti mi puru hè ghjustu un affari di data !
(Un pinsetti micca chi sò ghjuntu sò Corsu e à me casata hè piu che Corsa)

33.mandatu da henry smart u 24/10/2012 22:42
ie que face parte di a suluzione. d'un anda micca inde i Bari tenuti da " i ladri " . serebbe faciule finalmente !!

34.mandatu da STUMACATUDAICUMENTIDIAPIAZZETTA u 24/10/2012 22:44
o Pistone dimmi un pocu travagli per i flicchi per dinunzià à ghjente senza prova altra che a to lingua piu brutta che u to culu ? o se tu sai qualcosa dilla puru cusi tuttu u mondu ne prufitterà

35.mandatu da henry smart u 24/10/2012 23:00
Di puru qualessi so i cumenti chi ti stumacanu è perche. i cumenti razzisti ? quelli chi mintuveghjanu nomi ? quelli chi parlanu di ballo ? quelli chi mettenu e parolle " populu liberu, uniti ecc "in tutte e so frase, e ghjesteme... ie falla sape !

36.mandatu da Pseudo u 24/10/2012 23:50
Cumù ? Ùn hè verità?

Tutti l eletti Corsi so onesti?

Un si po micca di quessa?!?

Basta l'ipocrisia....

37.mandatu da Joe l'indianu u 25/10/2012 11:36
U prublemu hè ch'ellu ùn si sente à NIMU per dì "les bombes agricoles sont dangereuses".

Invece, tuttu u mondu dice "mon Dieu, quelle image on donne aux Français avec nos bombes agricoles".

ci hè un prublemu pensu.

38.mandatu da Biluffinucciu u 26/10/2012 21:09
Orsoni, o Pistone , lascialu corre chì hè un bon ´ presidente. Face un stadu in 5 anni quandu ci vole omancu 20 anni in Bastia. Hé peghju quellu présidente à pusà in tribuna è chì lascia fà e tuntie à i supporters bastiacci. Contru à PSG abbaghja è po si chjina davant´à u prefettu. I dirigenti bastiacci sò incapaci di tene tutti sti giovani è videremu prestu prestu e sanzione parigine.

39.mandatu da FÔSSEINFO u 27/10/2012 18:21
Ò Antone a tinta di MJ Bozzi ùn sarà mai piu eletta pensu.
Ùn ai capitu be cio ch'aghju scrittu, piccatu.

40.mandatu da Ulongu u 02/11/2012 11:36
Parlà di què ùn li costa tantu à i media francesi.
Permette d'ùn parlà di tant'altri affari.
Hè vera chì à noi ci casca suventi.
Pigliemu un altru esempiu : seranu più impurtante e trè scumesse in Handball à a FDJ o u scandalu di a BAC di Marseglia ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta