Accueil
Envoyer à un ami
Version imprimable
Partager

L'isula chì ùn sapia pruduce mancu una "cagette"

Pare faciule à fà, una "cagette". Ma per via di a greva, l'agricultori sò obligati di ghjittà i so frutti. Ancu quessa, simu obligati di falla vene da fora.



L'isula chì ùn sapia pruduce mancu una "cagette"
A greva di i marinari di a SNCM oramai compia (sin'à quandu ?) averà avutu u meritu di fà nasce parechje interrugazioni in Corsica.

Di siguru si pone a sempiterna quistione di a maestria di i trasporti, di u rollu di u Statu, di u rollu di i sindicati marsegliesi. Tante cose sò state scritte nantu. Da leghje per esempiu in Le Monde SNCM : la Corse asphyxiée ? « l'Etat s'en fout ».

Per Marc Simeoni, e perdite sò digià impurtante : "La grève de la SNCM coûte 7 à 8 millions € par jour à l’économie corse". E riservazione sò calate, è s'elle ùn ci sò "retombées" pè u Tour de France, risicheghjanu d'esseci cunsequenze di a greva in termini di fiure è di riputazione pè i trasporti corsi.

Ma cun sta greva avemu amparatu dinù chì l'agricultori anu ghjittatu frutti è legumi, chì anu mancatu di "cagettes" per tene a so pruduzzione.

Purtantu, hè connu cum'è ogettu, una "cagette" in legnu. Ebbeh mancu quessa, ùn a sapemu fà. Simu obligati d'impurtà, è avà l'agricultori devenu ghjittà.

Volta allora u dibattitu nant'à u tippu d'ecunumia ch'è no vulemu.

Un'ecunumia fatta di grande distribuzione, d'immubiliare, di turìsimu, cundiziunata à una stagione di più in più corta è ch'ùn pruduce nunda, mancu una "cagette" semplice semplice.

O circà di fà cresce a parte di pruduzzione ? Ùn hè micca quistione d'esse contr'à u turìsimu. Ma di circà di pruduce appena di più in Corsica, chì per avà, si pruduce troppu pocu.

Certi si ponenu a dumanda. Da leghje : Conflit SNCM : sonne-t-il le glas du tout-tourisme ?.

U dibattitu hè lanciatu.

u 10 di Lugliu 2014



1.mandatu da Philippe Luciani u 10/07/2014 14:36
Aspetteremu i miraculi di sta beata di Vannina Pieri

2.mandatu da tambour u 10/07/2014 20:19
lol

3.mandatu da mmi un colpu à beie u 11/07/2014 08:21
à usu pinzutu ! cume sti vaccaghji ch' hanu lasciatu crepà i so animali quandu a timpesta avia sciappatu e ligne eletriche , perchè ùn sanu più mughje à a manu.... Invece di dalli sti frutti à i resto du coeur o altre associ d 'aiutu à i più poveri, invece di stallassi à vendelli ùn fussi ch 'à 2€ ( ghjè guasi 5 à U in Bastia !!!) elii ghjettanu : troppu techji ! Sè i nostri antichi ci vedianu, elli chì stantava a so vita à straziera , cultivendu ogni ripa di muntagna ! Ma l' acculturazione hè ghjunta sin' à quì : ùn si pensa più à a cumunità ,ùn si pensa più populu , ùn si pensa più chè à sè stessu

4.mandatu da è cusi sia u 11/07/2014 11:46
A dicia digià in 1790 Pasquale Paoli:

" L'affari di a nostra Patria anderanu sempre di male perchè i corsi ùn si dannu di rimenu à fà i so duveri chè s'elli ci ponu ricaccià un benefiziu persunnale.
Quandu vecu cusi pocu interessu per l'affari publichi, centu volte mi pendu d'esse vultatu in ssu paese duve l'omi ùn sanu chè lagnassi di i guaj è ùn pensanu à i mezi ch'll'hanu per trafrancalli."

l'affari ùn hanu scambiatu dapoi tandu

per disgrazia

ancu què hè culturale

5.mandatu da fiumurbacciu azzezu u 11/07/2014 21:11
o queddà venissi l'indipendenzza per noi ci ada vulé a dassi di rumenu,i frutti vultatti in terra per fa piaccé a sti ticchioni un si videra micca.I corsi tropu techii un so mai cuntenti da i Vaccaghi,a l'agricultori,l'osteriaghi,é tat'altri.VERGOGNA di vedé certé cosé in di nostri paési,quandellu cé ghienté a fame......

6.mandatu da J G u 12/07/2014 06:25
A nuvella génrerazione un sà micca campà cume no campavamu
O Petru Pà o Petru Pà
Zenza casgette un si po travaglià
I corsi d'avà so cume i cadelli lurghi ( caméléons )
Piglianu u culore di l'ambiente
Cu i pinzuti cantanu a marseillese
Cu i taliani cantanu o bella ciau
E quand'o i sentu
Mi scapa u pientu
Mi scapa u pientu

7.mandatu da Lotta sempre u 13/07/2014 18:20
Anu cacciatu a voglia a i corsi ;

8.mandatu da Mimia u 12/09/2014 07:55
????????????????

Novu cumentu :