Accueil
Envoyer à un ami
Version imprimable
Partager

L'ultima cacciata d'EDF

Ùn ridite micca, a campagna publicitaria d'EDF dice : "Pour les générations futures, nous développons les énergies de demain".



L'ultima cacciata d'EDF
Era à l'epica di i grandi discorsi nant'à u "développement durable". Sapete, si parlava di u "Grenelle de l'Environnement" è tandu Jean-Louis Borloo mettia una cruvata verde. Pare ch'ellu era à u seculu passatu.

Era "tendance" di fà quellu chì era primurosu di l'ambiu, facia bè. EDF avia dunque sceltu cum'è slogan publicitariu : "Pour les générations futures, nous développons les énergies de demain"... ùn ridite micca, hè a verità.

Si ne puderia ride, si EDF ùn avia micca sceltu d'impuzzicacci cù una centrale à u fiul pisivu, siguramente ciò ch'ellu si face di peghju pè a salute.

Ùn parlemu mancu di u prezzu di l'elettricità in l'anni à vene, u costu di u petroliu risicherà di flambà torna appena. L'elettricità corsa diventerà forse a più cara di u mondu in più d'esse a più impuzzicante.

A CGT ella hè cuntenta, l'avia digià detta annu chì u fiul era a sola suluzione.

Trà u GALSI chì ùn si ferà, a CTC chì ùn hà u putere di decide, a crisa energètica chì vene, a minaccia di e tagliature d'elettricità di l'inguernu 2005, u puzzicheghju di u fiul, EDF chì si ne impippa di i Corsi, chì hè a suluzione ?

"Le plan énergétique de la Corse, un plan d’économie assistée ?" dicia u blog Corse Durable. Ùn semu ancu à sortecine...

u 27 di Sittembre 2010
u webmaestru



1.mandatu da Pantalone biancu u 27/09/2010 07:54
Mà o Webmaetru chi ci hè di periculosu incu sta centrale ? ùn hè cusi dipoi quasi 40 anni..simu cume in Cina...stu paese serà a prima putenza mundiale..!!


2.mandatu da Pantalone biancu u 27/09/2010 07:56
ùn sarà fattu pè tumbà pinau pianu tutti i corsi, incu u tiliu o u cesium 135 di cernobil ??


3.mandatu da estrimei u 27/09/2010 08:15
l'eseccuttivu di l'assemblea e a diritta sò d'accunsentu - ancu M.Guidicelli un dubbiteghja di e prumesse di stu guvernu (????) - : u galsi he sicuru !
he vera chi custi simu tutti a paru : l'intusichime di u Vaziu e di Lucciana si sperghje in ogni locu.

4.mandatu da anto u 27/09/2010 09:01
L'affare era prévistu ,ci hannu burlatu un'altra volta !Chi po spiéga perchè i mutori a fioul pisante erranu cumandati da u 2008 ,nanzu a u cinama di Borloo et Niculau !!Ci piglianu veramente pè buchjè di pomi (venachèsi?).

5.mandatu da I PRATALI u 27/09/2010 12:36
E dì chì si in 92 avessimu accettatu a centrale à u GPL in Fulelli, ùn si parleria micca oghje di Fiul zeppu.... Ma tandu tuttu u mondu s'hè oppostu, allora, i nostri eletti, curagiosi cume sempre, anu pigliatu a decisione di falla in Fium'orbu (perchè micca in Calasima) allora chì u GPL duvia dinù alimentà à Bastia....a seguita a cunniscite....
Ma di quessa oghje, piu nimu ùn ne parla, sopratutti l'eculugisti chì elli dinù s'eranu opposti tandu.... A senteli, eri u gaz era polluzione, oghje saria a soluzione .....

6.mandatu da per ride u 27/09/2010 20:06
O amicu I PRATALI, quelli chì anu puntatu u più pà fà a centrale in Fiumorbu sò...I naziunalisti,Pierrot POGGIOLI èJo SISTI i primi, chì vulianu sviluppà u Fiumorbu (circate l'articuli di u RIBOMBU di tandu), è po eranu cusì fieri.

Hè stata un'altra forma di "campanilisimu" à l'usu naziunalo-corsu, è postu ch'ellu avia da custà assai più caru cà di falla in Fulelli, chì ci ne impippavamu HE A FRANCIA CHÌ AVIA DA PAGÀ!

Ma hè sempre colpa di a ghjatta s'è a patrona hè tonta!

7.mandatu da Gazelecu u 27/09/2010 21:57
Vera tuttu què o ghjente mà oghje à ci ficanu, ghjustu una quistione sarebbe stata pussibule sta centrale à "fuel pisiu" in i principii di l'anni 90 incu dui "Fronte" chi a si lottavanu nant'èà tutti i terreni... sicuramente di no !!

Mà oghje a pace si prepara ( dipoi più di 11 anni) incu u culunialisimu.. Pariggi hà capitu chi qui farà avae cio ch'ellu vole...è ùn so micca l'eletti chi ci cambiaranu qualcosa.......eviva a ripublica francese in Corsica (Soia..) a bonna sera cari cumpatriotti..

8.mandatu da appinzapalu u 28/09/2010 00:06
è u famosu "cable i-co", vi n'arricurdate ? durante anni è anni i naziunalisti ci spiegavanu ch'ellu era un scandalu, ch'ellu ci vulia à cumbatte.....

cunniscite u risultatu ; 20 anni dopu, so i primi à dumandà u galsi.

logicu ?

perche seremu cusi baulli ?

9.mandatu da U Gaz hè lecu.. u 28/09/2010 07:01
Un "câble" tesu trà l'italia è a corsica o trà a francia è a corsica ùn hè a megliu di e soluzione ?? U galzi costa caru è l'Algeria ùn hè un mudellu di stabilità pulitica, un ghjornu o l'altru i "barbuti" ghjunghjeranu a u putere è tandu faranu pressione nant'à i paesi d'auropa..... serà megliu di esse dipendente di una francia (pocu a pocu islamizatta..) o di un paese islamistu....?? tTorna incurenze ideulogica di i naziunalisti "troppu appassiunati" dà u mediterraniu....!!

10.mandatu da U Rossu... u 03/10/2010 18:42
A l'Ebrei e camere à gazu, è a noi altri Corsi u diossidIu di carbone...mà a sorte serà à listessa ??

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta