Accueil
Envoyer à un ami
Version imprimable
Partager

L'università di Corsica in u top 10 di quelle chì facenu riesce i so studienti

L'articulu hè statu publicatu nant'à u situ di u Mondu è hè intitulatu "Les universités qui font le mieux réussir leurs étudiants".



L'università di Corsica in u top 10 di quelle chì facenu riesce i so studienti
Hè forse quessa a più bella risposta à u Statu chì blocca a signatura di a cunvenzione cù l'università (à u prefettu ùn li piace a parolla "cuufficialità").

In Corti a percentuale di riescita pè i studienti di prima annata hè di 50,6 %, ciò chì porta l'Università à l'ottesima piazza di a classifica.

Da leghje nant'à Le Monde : Les universités qui font le mieux réussir leurs étudiants.

L'università di Corsica in u top 10 di quelle chì facenu riesce i so studienti

Hè forse segnu chì in e piccule università (a prima di a classifica hè Albi), i studienti sò megliu accumpagnati ch'è in l'anonimatu di e grande università è i grandi amphis.

Ben intesu, l'azezi truveranu sempre à dì. Si senterà chì in Corti si danu l'annate à i studienti, senza fà troppu casu à u livellu.

Invece, si pò pensà chì l'inquatramentu di l'insignanti hè forse più forte ch'è in altrò. Si puderia parlà dinù di e filere cum'è a PACES (Première Année Commune des Etudes de Santé) per quelli chì volenu fà medicina, o a scola d'ingenieri Paoli Tech. Si ne parla pocu ma sò piuttostu riescite.

Invece, puderia dumandassi omu ciò ch'ellu si face di i nostri giovani chì sortenu da a scola micca diplumati. A Corsica hè una di e regione chì hà a prupurzione a più forte di 20-24 anni senza diplomi è quessa hè inchietante in veru.

Quelli chì piantanu i so studii in fine di prima annata sò 24,8 %.

Una sucetà chì ùn incuragisce micca a cunniscenza è i studii hè una sucetà chì và male.

"Da rifletteci", dicia quellu...

u 22 di Sittembre 2014



1.mandatu da sardu u 22/09/2014 21:02
eccu si dice uttavu...ottesimu un sì pò sentì...scusate

2.mandatu da bonnetrouge u 22/09/2014 21:21
senza o cù "piston" ?

3.mandatu da bonnetvert u 23/09/2014 09:51
hè stu prefettu di merda chi ha da decide di a sorte di a giuventù corsa ?

4.mandatu da bonnetrouge u 23/09/2014 12:45
ùn anu micca avutu abbastanza i prefetti quì ?

5.mandatu da ANTO u 23/09/2014 12:55
n'avemu bisognu di a nostra università.
ùn vi scurdate chi certi anu sacrificatu a so vita per ella.

6.mandatu da u turcu u 23/09/2014 16:10
si dice niente o nudda o nundda ?

7.mandatu da sardu u 23/09/2014 21:10
rilassati u turcu...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta