Accueil
Envoyer à un ami
Version imprimable
Partager

Lascemu digià corre e "bone" risuluzione...

Induve sò passate e nostre risuluzione di capu d'annu? Ci eramu appruntati à cambià di cumpurtamentu eppuru, tuttu cuntinueghja...



Lascemu digià corre e "bone" risuluzione...
À colpi di sms, l'auguri di pace è salute m'anu datu a pena in capu... Mancu parlu di ste basgiate suchjose è longhe longhe, a sapite, quelle chì fate appena ubligatu, ogni annu, incù a risa in bocca ma u schifu in capu... Quist'annu, m'anu datu a gastrò! Iscia! A "salute", ch'elli mi dicianu... Falsacci!

Mentre aviamu sempre a riturnella " Pace è salute" in bocca, u FLNC mandava i so auguri persunalizati à Rocca Serra è Santini. Eppuru mai l'auguri di u fronte anu parsu sunà cusì forte u murtoriu di a viulenza clandestina. Incapace d'agisce à u pianu militare, l'urganisazione si perde in metafore, allitterazione è robba di literatura. Ma quale serà stu pueta chì s'hè fattu capimachja di u Fronte?

Da u dì à u fà, ci hè quant'è da u FLNC à Tsahal... Pocu impreme l'annata, a guerra cuntinueghja: rocchette è petrate contr'à carri è suldati. In Palestina, per capu d'annu, s'hè detta : Carpe Diem...

Allora serà più per galateu chè per credenza in l'auguri chè no ripetimu ogni annu stu "Pace è salute". Dipoi ch'ella esiste sta tradizione, u mondu gira sempre cusì tontu... Tutti l'auguri i più sinceri ùn basteranu à mette appena di sale in zucca à l'Omu. A m'aghju pruvata, ancu l'altra sera, incù u lugiziale Convertfile, ma u sale, nimu è nunda a face à tramutà lu in ghjudiziu...

Ancu e risuluzione e più sincere ùn venenu mai fattive. Tenite quella povera feminuccia chì ùn si pò impedì d'ingannà u so maritu. À sente la, seria troppu forte a so libidò... O quellu omu chì in u 2009, cuntava di scucinà ci piatti à l'usu Vincent Tabarani... Ancu di grazia ch'ella sò bone e pizze di Raugi...

Per contu meiu, hè detta, a mi pruveraghju d'esse menu azezu ;-( !

l'11 di Ghjenaghju 2009
Sbanditu



1.mandatu da David u 11/01/2009 09:00
À patti chjari amichi cari, allora femu i conti:
Palestina: 854 morti, frà quali 270 zitelli.
Israele : 10 suldati è 3 civili morti.

2.mandatu da circinelludiguagnenativupeliguagnesusosanguaversatu u 11/01/2009 14:52
Bon... Ma a sera di Natali, Israele s'hè presu 80 rocchetti nant'à u capu...
L'affari hè seriu, a guerra tarribuli, i ziteddi tocchi un spaventu ! Ma difenda u hamas ùn sarà a suluzioni, chì ancu i paesi àrabi ùn lu difendani micca.

3.mandatu da in cauda venenum u 11/01/2009 15:43
UN CE NIMU CHI DIFENDE U HAMAS CHI GHJE UN PARTITU DI TONTI MA QUI L'ISRAELIANI FACENU PEGHJU E PER TOMBA UN ESTREMISTU DIU HAMAS TOMBANU 100 CIVILI NUCENTI PER FA UN PARAGONE HE CUME SI UN BABBU D'UN ZITELLU DI 2 ANNI PER DIFENDE U SO FIGIOLU CONTRA UN'ALTRU ZITELLU DI 2 ANNI PIGLIESSI U CRIATURU A CALCI E A PUGNI IN BOCCA CI HE GHJENTE BE DI E DIUE PARTE MA SO I SCEMI CHI HANU U PUTERE CI VOLE A CIRCA A CHI PRUFITA A GUERRA L'ISRAELIANI HANNU DIRITTU DI CAMPA IN PACE QUANTU I PALESTINIANI
PER CONTU MEIU CI HE TERORISTI DI E DUIE PARTE SO TORNA I CHJUCHI CHI PAGANU E CUNNERIE DI I MAIO E PENSU DINU CHI PUDEREBBE ACCADE CHO NE PAGHESSIMU TUTTI E CUNSEQUENZE UN GHJORNU SERIA UNA TAMANTA DISGRAZIA SENZA CUNTA CHI PARECHJI PAESI LAMPANU OLIU PER ATTIZZA U FOCU

4.mandatu da Piratella u 11/01/2009 20:02

O Sbanditu, ùn piglia risuluzione cusì, ùn cambià nunda, ci campi cù u to "azezume"...

5.mandatu da Taravesu u 11/01/2009 21:53
tuttu u mondu pensa ch eddu he tontu u hamas parchi tirani qulchi rocchetti chi faceni pochi morti o feriti, ma se vo circheti u fondu di u prublema, qual'he chi cumencia sempri?
Oghji saria miraculosu e utopistu ,in Corsica ch edda ci fussi a listessa vulinta di cumbatta u puteri pulizeru e l opressioni francesa. Sé dumati so i corsi, i palestiniani in quant a eddi luttarani sin a morti contru a u fascisimu israelienu
PALESTINA LIBARA E ISRAELIANI IN OUGANDA

6.mandatu da Taravesu u 11/01/2009 21:53
tuttu u mondu pensa ch eddu he tontu u hamas parchi tirani qulchi rocchetti chi faceni pochi morti o feriti, ma se vo circheti u fondu di u prublema, qual'he chi cumencia sempri?
Oghji saria miraculosu e utopistu ,in Corsica ch edda ci fussi a listessa vulinta di cumbatta u puteri pulizeru e l opressioni francesa. Sé dumati so i corsi, i palestiniani in quant a eddi luttarani sin a morti contru a u fascisimu israelienu
PALESTINA LIBARA E ISRAELIANI IN OUGANDA !

7.mandatu da Heliofobu u 12/01/2009 00:05
Aspetemu appena ciò ch'a da fà oui-oui-Obama, l'eroe di li bobo è di li "ben-pensendu", annant'a a quistiona di Gaza...

8.mandatu da Un Naziunale di u XXI u 12/01/2009 14:39
A strategia di u Hamas hè di mischjassi o piattassi tramezu à i zitelli è d'attaccà e città israeliane sperendu cusi una risposta chi po dassi tumberà i so "scudi umani". Tandu, facenu futugrafie è e mandanu à e catene di televisio è dicenu "Guardate l'assassini cio ch'elli hanu fattu", ecc.
A pace, un a si po face incù una mossa fundamentalista cum'è quessa.
Trovu chi so numerose e persone chi si facenu cusi manighjà da issa prupaganda, è puru in Corsica. Chi peccatu ! Andate piuttostu à manifestà pè a pace, un sprodu bilaterale è u rispettu di i tramindui partiti, chi ùn hè micca pè a pace quellu chi riserva i so sforzi à un partitu solu
Duvemu sperà chi ci sarà à mumenti unu Statu palestinese nù i fruntieri di 1967, ma un ci pudemu ricunnosce in l'odiu di i ghjudei nè in a santificazione di u Hamas, cum'è s'elli fussenu eroi.
Pigliate per indettu à Amos Oz, un militante ricunnisciutu di a pace, a vera a pace. Ha manifestatu pè sustene u Hamas ? Puru u piu pacifistu di l'intelletuali israeliani saria dilusu di vede tamanta niscentria.

A PACE SI, L'ODIU NO.

U STATU PALESTINESE SI, KHALED MECHAL E AHMADINEJAD NO.

E ùn pensate micca chi u fattu di scrive sta specie di slugani cum'è "Israleliani in Ugandà" virtuosu : pè impurtà u cunflittu qui in Corsica, l'odiu è a tuntia, un si po fà megliu. E quandu un ghjudeu si ferà attacà in Bastia, cum'è eri in Parigi, cosa dicerete ? Un hè colpa meia ?


9.mandatu da budweiser u 12/01/2009 14:58
dopu à u Tibet, Obama, eccu a Palestina....

una nova ragione pè i bobò ben'pensenti di fassi rimarcà è di sorte in carrughju

nunda ch'è per fà cacà à Paccou è a CGT, FORZA TSAHAL !!!!


iè, è allora ?

10.mandatu da GazàSecurità u 12/01/2009 16:34
http://www.lemonde.fr/la-guerre-de-gaza/article/2009/01/12/des-medecins-evoquent-l-usage-d-un-nouveau-type-d-arme-a-gaza_1140545_1137859.html

11.mandatu da Flash Gordon u 12/01/2009 16:46
I bobo è i bè pensendu ? Hè esattamente quessa. U discorsu di Paccou un hè micca un discorsu di pace, ma un discorsu di niscentre.

12.mandatu da piratella u 13/01/2009 09:33

buweiser, faci cacà à quale tù voli, ma i crimini, l'inghjustizia, sò rialità!!

è l'elezzione d'Obama hè una bella cosa

13.mandatu da Heliofobu u 13/01/2009 14:52
Cara Piratè'. U cinisimu, a macagna è u spiritu (ancu s'ell'hè impulveritu d'un sùppulu di pruvucazione) sò belle cose dinù, di pettu à tutte e discrazie di stu mondu...
Ci n'hè quantuque abbastanza d'esse burlati da sti prufetti altieri, infangati in lu so falsu umanisimu sguttosu...

14.mandatu da estrimei u 13/01/2009 15:51
o piratella ,
eu a Obama un ci credu tantu, ma , per contu meiu ai a raggio. si quelli chi so " citadini " di sti paisacci chi pratendenu di suttumette u mondu sanu , avianu a dignità di dinunzià i crimini e l'inghjustizie chi si passanu , oghje, in Palestina cume in parechji Paesi e ancu in Corsica , l'affari cambierianu subitu subitu.
per disgrazia u "citadinu" vota a laziu,e dopu , he stunatu di piglià i colpi in capu!

15.mandatu da Un naziunale di u XXI u 14/01/2009 13:21
Perchè issi manifestanti un so micca andati à manifestà pè u Sri-Lankà ? Pè e donne battute eppo brusgiate à u Pakistan ? Pè i disgraziati chi fughjenu l'Eritreu ? Pè e vittime di Bombay ? Pè i kurdi di u PKK ? E pè i pumataghji chi morenu di fredu fora ? Perchè ? Frà issa ghjente chi falla in carrughju pè briunà un falsu discorsu di pace à colpu di slugani cum'è "Morte à ...", ci so dui tipi di persone : i niscentri chi si facenu manighjà, è, pè a maio parte, quelli chi volenu stuppà u so odiu di tuttu. Quelli chi sparghjenu cusi l'odiu è a rivolta ceca contr'à tuttu un so altru che irrispunseveli.

16.mandatu da Piratella u 17/01/2009 21:43

Innò, o "naziunale", ùn vecu micca l'interessu di stupà annantu à quelli chì manifestanu, ci sò chì manifestanu solu perchè pensanu chì l'upinione in tutti i paesi di u mondu devenu mughjà u so sintimu d'inghjustizia contru à i crimini di guerra d'Israele, contru à u trattamentu inumanu di un populu in gabbia nantu à a so terra, per pruvà à fà cambià e cose, è dinù per dà una scianza à niguziati pè a pace! Ma ai a ragiò ch'ùn ci hè micca chè quessu u scandalu à dinuncià ; ùn hè micca perchè un cunflittu ùn hè mediatizatu ch'ellu ùn esiste...
Hè vera dinù chì certi sò pieni d'odiu, ci pudemu aspittà à evenimenti terribuli, Al Qaida hà da ricrutà faciule...U focu in 'ssa parte di u mondu pò mette u focu à u mondu sanu.


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta