Accueil
Envoyer à un ami
Version imprimable
Partager

Le Pen in Aiacciu, a ghjuventù corsa schjaffittata

A brutta campagna presidenziale cuntinuveghja. Marine Le Pen cursizeghja u so discorsu è a ghjuventù corsa si face piglià à pattoni.



A ghjurnata s'annunziava bella pè Marine Le Pen in Aiacciu. Un sundagiu publicatu da Paroles de Corse a piazza in testa in Corsica, à 29%.


Ma u so grande meeting aiaccinu ùn hè micca statu veramente tranquillu. Ci hè statu prima un'addunita chì hà manifestatu cù un striscione "Cullettivu contr'à u fascisimu".

À i mughji di "Fascisti fora" i militanti di u FN anu rispostu cù "o Bob Marley" è à "o spezia di closcia".

Da vede in u filmettu di Corse-Matin :



Ma hè in a sala di u meeting ch'ellu ci hè statu u più animazione. Unepochi di giovani militanti naziunalisti avianu riesciutu à entre. Quand'ella hè stata sappiuta, si sò fatti lampà fora da a securità di u FN.



I colpi sò partuti è i lacrimògeni dinù, ciò chì hà scumudatu una parte di u publicu chì hè statu obligatu di sorte.

"A demucrazia è a Republica sò state attaccate", segondu à Florian Philippot. Li puderiamu risponde listessu per Ponte Novu.


I sindicati di a Ghjuventù Indipendentista è a Cunsulta di a Ghjuventù Corsa anu rivendicatu l'azzione.


Abandunati i giovani ? Forse appena... Spessu criticati, ùn li si pò micca rimpruverà d'esse stati curagiosi. Chì ne pensanu i vechji ?

I colpi l'anu pigliati. Un militante FN ùn si vergogna mancu di mette un pattone à una giovana corsa.

Tuttu và bè.


A dream team di u FN era à u cumplettu è Gilbert Collard hà parlatu di "pignoufs".


David Rachline hà circatu di cummove e so truppe parlendu d'un omu "sérieusement blessé".


Marine Le Pen ella cerca di "cursizà" u so discorsu.


Rispettu di u 5 di maghju, ritornu di e cennere di Napuleone III, difesa di "votre belle langue corse", avvicinamentu di i prigiuneri.


È bella sigura, si finisce cù u Diu vi salvi Regina.


Cuntinuveghja cusì a campagna presidenziale a più goffa di tutti i tempi.

Le Pen in Aiacciu, a ghjuventù corsa schjaffittata

l'8 d'Aprile 2017



1.mandatu da estrimei u 10/04/2017 08:00
poca ghjuventu corsa , quella chivole sciappà una reunione publica chi chjama l'ellettori à dà u so parè!
poca ghjuventu corsa , quella chi dipoi nepochi di tempi nù a si sà fà vale che a colpi e a tambate e chi ùn và mai a participà a cuntrasti 'ncù u Populu ch'ella pratende di difende e ch'ella cunsiereghja cume una banda di capre qu'elli ci 'ole à ammaestrà!
sò chi s'hè passatu sabatu hè una vergogna e i fascisti sò stati quelli chi vulianu impeìà d'astri di stà a sente e di capisce una pruposta pulitica .
vergugnosi dinnù i dui presienti di a cullettivitai di Corsica sò andati a riceve e à fassi vede 'incù Macron -chi ellu hè un veru periculu -
a sapemu , e u fattu hè anzianu ,i candiati à a presienza un volenu e un ponnu piglià a Corsica in contu s'ell'un hè muntaci a segga ; a st'ellezzione u corsu -chi per forza o per amore hè citadinu frencese e suttumessu a e reggulle di stu Paese - a u dirittu di vutà per quellu chi li pare u menu peghju .
ma u votu hè un attu democraticu chi , ne a " bien pensance"(a ldh, avà basta , ....) , ne una prutensiunuta ghjuventu chi per fassi una piezza a mez'a i capizzoni ne diventa vergugnosa , ùn devenu amuzzà;

2.mandatu da estrimei u 10/04/2017 10:46
"poca ghjuventu corsa , quella chivole sciappà una reunione publica chi chjama l'ellettori à dà u so parè!"
aghju fattu un sbagliu , vulia scrive:
poca ghjuventu corsa , quella chivole sciappà una reunione publica chi chjama l'ellettori à vene à sta a sente un candiatu

3.mandatu da Equarri Morse u 11/04/2017 12:27
"vergugnosi dinnù i dui presienti di a cullettivitai di Corsica sò andati a riceve e à fassi vede 'incù Macron -chi ellu hè un veru periculu - " Scrive Estrimei, Le Pen ùn saria, dunque, micca un periculu sicondu à ellu...

4.mandatu da Sauron u 11/04/2017 12:38
O Estrimei, hè vera ai fattu un sbagliu è un sbagliu tamantu à dilla franca. Cumencia cù "poca ghjuventu" è finisce à "amuzzà"... Un ringraziu tamantu à sta giuventù chì ci mostra chì in Corsica ci sò i catini ma dinù l'altri.

5.mandatu da estrimei u 12/04/2017 08:14
salute o Equarri Morse , scrivite :" Le Pen ùn saria, dunque, micca un periculu sicondu à ellu... "
a le Pen , li si face un prucessu , ma Hamon , Fillon , Macron , sò stati ministri e ci sò i fatti chi i so guverni anu ammuzatu e ammozzanu a demucrazia; d'altronde sti trè sò di a listessa impastata (a F.A.F)
di Macron ùn ne parlemu ferà peghju che Hollande per suttumetteci a u puere di u sollu .

hè vera chi pè a Corsica , le Pen 'ncù a so pruposta di vultà a i dipartimenti sciapperia l'avvanzate -teoriche- di a cullettivitai ,ma tutti l'astri candiati , dinnù , di i diritti di u populu nantu a so terra ùn ne volenu sente l'ansciu .

a difesa di a demucrazia hè quella di lascià a ghjente stà a sente , cuntrastà , e riflette a mou soiu .

tutti sti gruppi di pressione chi volenu piglià pusessu di a nostra manera di pensà sò nemici di a demucrazia .
per finisce vuleria cunsiglià à quelli chi cunsiereghjanu nantu a a ghjuventu troppu ritrosu d'andà a stà à sente u so porta voce chi hè statu interrugatu dà "fr3Corse"

6.mandatu da Sergio Talavesu u 12/04/2017 19:37
quande lepen ghunghje in Corsica. ci vole a lampà nantu à so faccia un pezzu di caga.....

7.mandatu da PAISANU u 27/04/2017 16:14
Eiu so d'acunsentu incù Estrimei chi Macron l'omu di a finanza internaziunale chi nega a cultura francese ch'esiste ch'ella ci piace o micca , allora chi ne devi pensa stu " bobo " parriginu di a cultura corsa ! s' omu hè periculosu
s'omu vendi a Francia pezzu a pezzu (alstom,ecopla, aeroporti di tolosa e di nizza ..ect..)e si dumane ci trova qualchi interessu vendera a Corsica a qualchi gruppu finnanziariu americanu o qatarianu

Allora rifletiti bè prima di lampavi capi-innanzu contra " i fascisti"

Aghju sempri vutatu "naziunalistu "dipoi u principiu ,ma oghje mi pare che un c'hè piu nimu chi difendi u populu corsu, sperendu di sbagliami

8.mandatu da PAISANU u 28/04/2017 14:17
vegu che a cuntradizione he difficiulli a falla passa in stu foru !
he a siconda volta che u me cumentu he ricusatu ,purtantu un c'era che un' opinione ,ne insulti ,ne povocazioni...piccatu...

9.mandatu da admin. A Piazzetta u 02/05/2017 00:27
Innò, micca censura. Solu un picculu ritardu in l'aghjurnamenti di i cumenti. Ciò ch'è no sguassemu sò l'insulte.
Amicizia

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta