Accueil
Envoyer à un ami
Version imprimable
Partager

Let’s go to Paoli

Di sicuru a sapiamu chì a Rivuluzione corsa avia trovu qualchì ribombu putente in li Stati Uniti di l’epica. È a sapiamu dinù chì a memoria di Pasquale Paoli avia lasciatu quallà qualchì traccia sempre viva, cum’è per esempiu i diversi lochi chì portanu u so nome.



Noi, per un dettu, aviamu cuminciatu à fantasimà nant’à e Paoli cities dopu avè vistu u filmu Looking for Paoli ; una spezia di road movie intimu chì ci facia scopre lochi è persunaghji simpatichi è strani assai per noi : ghjente liata à a figura di Paoli senza mancu cunnosce à a Corsica. D’altronde per elli, un hè micca u Babbu (Founding Fathers n’anu abbastanza !), ghjè u Generale… È què ghjè a classa !

Ma bisogna quantunque à sapè cum’è chì parechje cumunità americane anu pigliatu u nome di Paoli. Soprattuttu chì durante a Guerra d’indipendenza americana, u nostru Generale era accoltu in esiliu da l’Inglesi.

Per ciò chì tocca à Paoli in Pennsilvania, a cronaca conta chì l’affare s’hè fattu in freccia, in u 1769. Unipochi di patriotti eranu aduniti ind’è una taverna è si facianu falà i bichjeri, dedichendu ogni turnata à un persunaghju famosu. Si dice chì à a 45esima turnata, quand’elli eranu sicuramente un pocu fritti, omu avaria lanciatu « à u generale Paoli, patriottu corsu ! ». Tandu u patrone, Joshua Evans, ch’avia u so chì fà à battizà u so locu, avaria sceltu di dalli u nome di General Paoli Tavern. Sta taverna hè stata scimpiata da u focu à a fine di u XIXesimu, ma a cumunità sana avia subbitu adupratu u nome di stu locu di riunione, sicondu un usu piuttostu classicu. D’altronde sè vo’ vulete passà una stonda di risa è di riflessione, guardate puru a carta di i Stati Uniti chì a tupunimia hè una campa : Athens, Bayonne, Syracuse, Bethleem…
Thomas J. McGuire, Battle of Paoli, Stackpole Books, 2006, p. 85.
Thomas J. McGuire, Battle of Paoli, Stackpole Books, 2006, p. 85.

C’hè dinù un dettu patriotticu famusissimu: Remember Paoli ! (“Arricordati di Paoli!”). Eppuru ùn si tratta quì di u Generale, di a so gloria o di i so guai; si tratta di un sterminiu accadutu vicinu à a Paoli Tavern in u 1777. Un battaglione americanu avia u prugettu d’arrubbassi e pruviste inglese, ma l’Inglesi l’anu sappiuta è sò stati elli i prima à movesi. Di notte, mentre chì l’Americani s’arripusavanu, l’anu pigliati per suspresa à colpi di bainetta. Una sessantina sò stati tombi, è ci sò stati più di 200 feriti è prigiuneri.

Xavier della Gatta, A dreadful scene of havock, 1782. Pittura cummandata da un uffiziale inglese ch’hà participatu à a battaglia.

In America fù quessa a “battle of Paoli”, chjamata dinù u “Paoli massacre”. Nant’à a stu campu di guerra, ci si trova avà un parcu è un munimentu di u ricordu.

Let’s go to Paoli

Sè vo’ vulete sapè tuttu, c’hè un situ assai precisu è u libru di u sturianu Thomas J. McGuire, Battle of Paoli. Ma vultemu à noi è à i tempi d’oghje, chì ci l’emu fatta à ghjunghje quì in Paoli, Pennsilvania. À pochi miles di Filadelfia. Simu ind’è Ed Auble, u capimachja di a Paoli Business & Professional Association, trà i più accaniti per mantene a memoria di Paoli in u so locu. Ed era ghjuntu in Corti 5 anni fà, è c’eramu digià campi tandu à imaginà u viaghju ritornu ! È francamente, valia u colpu…
Let’s go to Paoli

Attenti quantunque ! Sè vo’ ci ghjunghjite dinù, ùn cuntate di truvacci un centru storicu di u Diciuttesimu. Ci sò più di 5500 abitanti ma ùn c’hè mancu una merria (perchè ùn si tratta micca di una municipalità), è u bastimentu u più vechju averà forse 40 anni… Eppuru a valurizazione di u nome ghjè tremenda ! Guasgi too much nò ?
Let’s go to Paoli

Let’s go to Paoli

Let’s go to Paoli

Let’s go to Paoli

Ma u più bellu ghjè una vulintà di strutturà a leia trà stu locu è a Corsica. Per esempiu, in a Paoli library, scuprimu un bustu (cu una sciarpa di Superman stallata da i zitelli…) è una spada di Pasquale, eppo’ un librucciu chì c’impara ch’in u 1966, Paul Ferrandi, merre di Merusaglia, ghjunse quì per prununzià un discorsu è fà sti dui rigali, chì si trovanu dunque ind’è a bibbiuteca publica. In u 1977, ci ghjunsenu cantadori è ballerini ; in u 1992, ghjunse Georges Coanet à prisentà u so libru Les 14 juillet de Pascal Paoli ; ecc. È quist’annu, per u July 4th, vulerianu festighjà i 50 anni di l’appaghjamentu cun Corti. Per Ed è a so squadra u scopu hè lindu : fà chì tuttu u mondu in Paoli cunnoschi bè a storia di quellu chì l’hà datu u so nome ! È sè noi Corsi n’appruffitavamu pè custruisce calcosa nant’à sta storia ?
Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli

Let’s go to Paoli






u 3 di Maghju 2016
Vannina+Andria



1.mandatu da stumacatu u 05/05/2016 17:59
E allora, in Corsica festighjemu à Napoléon...

T'hà i so carrughji, e so piazze, u so aeruportu, etc...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta