Accueil
Envoyer à un ami
Version imprimable
Partager

Libertà pè Tony Vairelles

Poveru Tony. Dapoi ch'ellu hè partutu di Bastia, ùn li accadenu più ch'è guai.



Libertà pè Tony Vairelles
Tonygol hè maladettu. Dopu à e so stagioni in Bastia (2001-2002 è 2004-2005) hà pigliatu a trafalata. Gattive scelte spurtive, affare di i matches truqués in Bèlgica, fiascu in Sète è à Gueugnon in tantu chè azziunariu, falata da u National à a DH.

Oghje, hè dunque à u centru d'un cumbugliu abbastanza goffu. Hè accusatu di tentativa d'omicidiu è hà passatu a so prima notte in prigiò. Hè accusatu d'avè tiratu una fucilata nant'à i videurs d'una buatta di notte, a stampa ùn parla più ch'è di quessa.

A baruffa si passa in a sinistra piaghja di a Meurthe et Moselle, in una discoteca (o piuttostu un hangar) chjamata "Les 4 As". I dui fratelli di Tony, Giovan è Jimmy facenu a bomba è beienu appena troppu. Tandu, si facenu mette fora da unepochi di videurs antipatichi, cum'è sempre. Voltanu una prima volta per vindicassi, ma piglianu i colpi.

Hè tandu ch'elli chjamanu i dui fratelloni, chì sarianu venuti cù i fucili è tiratu nant'à i videurs. Per avà ùn si sà nunda d'altru, è tutti anu dirittu à a famosa "présomption d'innocence" chì noi Corsi, cunniscimu cusì male.

Ma l'affari sò in francese per u nostru poveru Tony, purtatu in trionfu dopu à meza finale Bastia-Sedan in 2002 è chì avia dichjaratu à Téléfoot, davant'à un Thierry Roland stumacatu "ça fait bizarre de le dire, mais oui le peuple corse existe"...

Una cosa hè strana, cumu serà chì Thiriez ùn hà fattu nisun cummunicatu pè cundannà à Bastia in l'affare Vairelles ?

Libertà pè Tony Vairelles

u 26 d'Utrovi 2011



1.mandatu da ANTO u 26/10/2011 13:49
chi n'avemu da fa di un pinzutacciu ?

2.mandatu da ghjacumu u 26/10/2011 13:51
O Anto, ai rimpiazzatu à Estrimei in u rollu di l'azezu di serviziu ?

3.mandatu da teleffuttu u 26/10/2011 14:09
Tony Vairelles era u ghjucadore francese tippicu chi era odiatu quand'ellu venia in Furiani cun d'altre squadre

ma cù a so mentalità è u so caratteru hà riesciutu à mettesi tuttu u mondu daretu a ellu

ùn ci scurderemu mai di a so dichjarazione à Telefoot !

4.mandatu da Pumata u 27/10/2011 09:28
Liberta pe u nostru fratellu di lotta Tony! Cun lu stessu destinu o Cumpagnu!

5.mandatu da ANTO u 27/10/2011 17:56
àGhjacumu
Pè pudè discorre hè megliu chi tutti un siamu micca di u stessu avisu ,si no ghjé una messa cantata !Pè dila vera u ballo un so tant'amicu cu u ballo ma ognunu face cio chi li garba !

6.mandatu da MARCUCCIU u 28/10/2011 11:50
GLORIA A TE O TONY !!!!!!!!!!

7.mandatu da indianwarrior u 30/10/2011 13:09
francamente saria be di mette una banderola a u prossimu macciu in furiani, per purta u nostru sustegnu a u povaru tony...

Novu cumentu :