Accueil
Envoyer à un ami
Version imprimable
Partager

Libertà pè i Papa Noël impiccati

Eccu, Natale hè in daretu à noi. Avà, pudete caccià stu puveracciu di Babbu Natale chì spendicava à u vostru balcone.



Libertà pè i Papa Noël impiccati
Bon, dimmula franca, hè a moda ma hè piuttostu goffu. In l'orrore di e decurazioni di Natale, hè ellu u capimachja.

Ellu, hè u "Babbu Natale impiccatu". Face qualchì annu ch'ellu si vede, appena da per tuttu in e nostre cità è ancu in i paesi.

U corciu, cum'è s'ellu ùn avia abbastanza cusì, stu vechjone. In più di travaglià cum'è un dannatu a notte di Natale, in più di suppurtà u fretu, u tempacciu è a neve, in più di suppurtà i zitellacci scuntenti di i so rigali eccu ch'elli u volenu impiccà.

À i purtelli, à i balconi, nant'à i tetti è sott'à i ponti, da per tuttu avemu listessa impressione. Pare chì Babbu Natale s'hè impiccatu.

Serà ch'ellu travagliava ind'è Orange ?
Forse ellu dinù ùn suppurtava più e cadenze infernali di travagliu, e minacce di licenziamentu, di delucalizazione. Forse avia un patrone arrugante è inumanu ? Serà per via di a riforma di e ritirate ? A paura di a cumpetizione, d'ùn tene u colpu, di a cuncurenza d'un mondu sempre più duru ?

Almenu ch'ellu sia a paura di fassi cumprà da Veolia...

Alè, lascemulu stà stu poveru Babbu Natale. Da quì à un annu, li canteremu torna a Paghjella di l'impiccati di e decurazioni di Natale.

u 7 di Ghjenaghju 2011
u webmaestru



1.mandatu da anto u 07/01/2011 11:04
In Ponte a Leccia ci n'hè unu chi a passatu l'anni e l'anni nant'a u tettu di super u .

2.mandatu da sonnu u 07/01/2011 17:20
U babbu natale po esse ancu un ladru chi colla in de case par arrubà tuttu! Un"hé micca impiccatu, hè appesu per collà. Attenti à su ladru !
( ghjè un falsu per chi u veru hè onestu ! )

3.mandatu da MARCUCCIU u 07/01/2011 18:18
queddu vadda anccu ad' appicassi quessu u scruconé.Metté a baccu é famiglié sané a sera di u 25 di dicembré........

4.mandatu da Pietralunga2a u 07/01/2011 18:50
E Vera babucciu natale impicatu e goffu !!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta