Accueil
Envoyer à un ami
Version imprimable
Partager

Luni 21 ghjennaghju, peghju ghjornu di l'annu

In depressione ? Hè normale. Oghje, hè u "blue monday", u peghju ghjornu di l'annu.



Luni 21 ghjennaghju, peghju ghjornu di l'annu
Micca laziu d'andà à travaglià, murale à zeru, azizume è fatiga ? Hè normale, rassiguratevi ùn site micca i soli.

Oghje hè u Blue Monday, u ghjornu u peghju di l'annu (ùn hè micca solu u tìtulu d'una canzona di New Order).

Si pò capisce : simu in u core di l'inguernu, e feste sò passate, i belli ghjorni sempre luntani, u fretu s'hè stallatu, e bone risuluzione digià abandunate, e ghjurnate sò corte, soldi ùn ci n'hè più. Dunque tuttu và bè, passerà.

Invece, a LFP hà inventatu u "Blue Sunday". Fendu ghjucà Bastia - Rennes in Gueugnon, hè natu u macciu u più deprimante di l'annu :

- partita in dumenica dopu meziornu
- neve, fretu è ballò aranciu
- a cità sinistra di Gueugnon cù e so usine viote delucalizate da Lakshmi Mittal
- u stadiu Jean Laville viotu cù i so mullizzi radioattivi
- a squadra di Rennes, a più deprimante di u futbol francese dapoi 30 anni
- macciacciu goffu è disfatta di u Sporting
- puttachju fragicu di u scambiu cun Arsenal trà Thauvin è Arshavin ripigliatu da i media

Basterà nò ? Bona notte à tutti.

u 21 di Ghjenaghju 2013



1.mandatu da Anne u 21/01/2013 14:00
Ne riparlaremu u 28 dopu à Saint Étienne ! U qualessu serà u luni più goffu ? Sopratuttu pà quelli ch´anu da andà in "Sainté" !

2.mandatu da ANTO u 21/01/2013 16:53
U guvernu vi a fattu un spettaculu maravillosu in cu ssa guerra contru à i sarragini e truvate ancu a di .

3.mandatu da università81 u 21/01/2013 19:40
è mancu una parolla pè u poveru Petru Ciabrini....chì settimanaccia....

4.mandatu da Velenu Turchinu u 22/01/2013 07:39
À quandu a sacralisazione di a festa è di u piacè spurtivu in Furiani ?

5.mandatu da Calvoise u 22/01/2013 13:03
Site gattivi cu' Geugnôn !

6.mandatu da henry smart u 22/01/2013 22:07
eiu so abbastanza felice di ghjennaghju !!! yeepeeh !!
per i ghjucadori di ballo è i sustenidori vi capiscu. ghje da veru una vitaccia per voi !!!

ps: un penseru per Petru ciabrini, un tippu be chi si n'he andatu !!!!

7.mandatu da Velenu Turchinu u 23/01/2013 07:52
Una pensata per Petru Ciabrini !

8.mandatu da Pseudonimu u 24/01/2013 01:03
Ci pensemu tutti à Petru Ciabrini.

Avà, ùn ci hè piu nimu pè scrive in corsu à Corse-Matin

Novu cumentu :