Accueil
Envoyer à un ami
Version imprimable
Partager

Ma chì face a pulizza ?

Cù u doppiu assassiniu eri in Lucciana, facenu 10 morti dapoi u principiu di l'annu. MAM pò esse fiera di e so statistiche : nisunu hè statu scioltu. U "milieu" si sterpa è a pulizza conta i punti.



Ma chì face a pulizza ?
"Le combat cessera faute de combattants"... avia dettu un prefettu in l'anni 90 quand'ella c'era a guerra trà naziunalisti. Pè a ghjustizia è a pulizza, e cose eranu chjare : si lascia fà è si contanu i punti. Lavemuci e mani è lascemuli stirpassi trà d'elli.

Pare ch'ellu sia ciò ch'ellu si passa in u sterminiu in u banditisimu corsu. N'aviamu digià parlatu annu. Dapoi l'assassiniu di Robert Feliciaggi di marzu 2006, nisun affare hè statu scioltu.

E discussioni di comptoir s'infiaranu : a colpa di i Russii, a Brise vs u Petit Bar, una banda di giovani chì volenu piglià a piazza di l'anziani...

Ma cum'è a natura, à a maffia ùn li piace u viotu. Qualsianu l'evenimenti, ci seranu sempre ghjente per occupà a piazza di u "milieu".

Ferma à sapè quale vincerà à "Guerre des gangs"...

u 18 d'Aprile 2009
u webmaestru



1.mandatu da heliofobu u 18/04/2009 16:45
Ghjè vera chi hè dinù un piacè per tutti li mytho di a creazione, chi cusì hanu un sughjettu di discuzione custrutivu... E rivennenu i tradiziunali :
"Se tu un la sai micca cio ch'ell'hà fattu, ellu ha sà..."
"Crepatura !"
"Era un bravu tippu mì, ma bon..."
"Tu, dormi bè a notte ?..."
"S'elli hanu adupratu un (nome di l'arme), hè piutostu un'affare di ..."
etc.

2.mandatu da estrimei u 18/04/2009 20:30
l'appasci so appasci , e , ch'o sappia , un pensanu che a elli .
s'elli facenu tuttu so ch'elli facenu he ch'elli hanu appoghji belli piazzati (in Francia).
quandu i pulitichi di altu nivellu un averanu piu interressi incu elli, l'appasci seranu mennu putenti in Corsica .

3.mandatu da C.BARBIER u 19/04/2009 18:03
è quale serà stu " Sgio Pulitu" ? ùn ete micca un 'idea ! ? a pulizza si ma...

4.mandatu da judex u 19/04/2009 20:04
Aghju l'impressione chì Barbier sà qualcosa. Forse ancu ch'ellu sà tuttu o ch'ellu ne sà troppu. Alè o Sherlock Holmes, dicci a toia ...

5.mandatu da bastia u 19/04/2009 20:12
U ritornu d'Alain Orsoni...? (macagna)

6.mandatu da prisuttu u 19/04/2009 22:01
hè longa a cumpagnia di quelli chi anu persu à "guerre des gangs" : Richard Casanova, Franci Mariani, Robert Feliciaggi, Vittini, Santucci...

7.mandatu da Piratella u 20/04/2009 00:39
À mè ciò chì mi scumoda hè chì daretu à sta guerra di i "gang" si pripara una squadra à piglià u cuntrollu di tutta l'ecunumia di a Corsica, s'ella ùn hè digià fatta. Tandu a "vita pulitica" ùn hè più ch'un screnu da fà sminticà i veri puteri chì ci liganu mani è pedi.

8.mandatu da heliofobu u 20/04/2009 00:53
Piratella,
aghju ben'paura che cio che tu chjami a "vita pulitica" isulana, sia digià un sistema carnavalescu, incu per scopu solu di travastisce e fiure di u pudere veru, sott'a bandera sculurita di una pseudo-santa dimucrazia...

9.mandatu da estrimei u 20/04/2009 07:46
so d'accunsentu 'ncu heliofobu, u cuntrollu di l'economia u s'hanu chjappu . un ci scurdemu di i piani trovi 'nu a vittura di Casanova , quand'ell'he statu tombu.

10.mandatu da C.BARBIER u 20/04/2009 12:05
judex, so ancu eo cum'è tutti, ma tra quelli chi so imprigiunati, morti pè e strade, è a mafia, prestu in Corsica ùn firmirà più chè i.......!!!! ti lasciu induvinà !

11.mandatu da altore u 20/04/2009 21:13
ùn aghju micca troppu pietà pè sta ghjente ma ciò chì m'imbestia u più ghjè chì dicenu ch'elli serebbenu strangeri chì si volerebbenu stallà in Corsica... allora i nostri l'avemu è simu obligati à supportalli più o menu ma quelli chì sbercanu d'astrò nò ! u troppu stroppia! megliu à tene i nustrali allora!

12.mandatu da C.BARBIER u 20/04/2009 21:23
O Altò ci vole à apre si, chi à sta à sente certi simu troppu chjosi!.....

13.mandatu da altore u 20/04/2009 21:47
pensu chè no simu troppu chjosi nant'à un pacchettu d'affari chì puderebbenu facci prugressà.. ma pensu dinù chì pè ciò chì tocca à e cunnerie ùn simu micca aperti ma spalancati! droga, moda (i giovani d'oghje parenu "porte-manteaux"), francisume di a lingua, in fine pè falla corta : inmpinzutisimu. per quessa simu spalancati! induve ci vole à esse chjosi simu aperti è induve ci vole à esse aperti simu chjosi... in fine micca tutti ancu di grazia ma assai...

14.mandatu da in cauda cenenum u 21/04/2009 10:46
ALTORE 100% INDE U VERU

15.mandatu da onfraydemablonde u 21/04/2009 13:41
"simu cusi noi, chi u novu femu l'anticu è cù l'anticu ùn femu nunda" Ghj. Thiers. Funtana d'Altea

16.mandatu da heliofobu u 21/04/2009 18:41
"E cù l'anticu femu u palazu naziunale..."

17.mandatu da onfraydemablonde u 21/04/2009 20:30
palaZZu

18.mandatu da heliofobu u 22/04/2009 00:26
CQFD

19.mandatu da frombaOPachiumanicuhènovu u 22/04/2009 13:15
chi lingua hè CQFD ?

20.mandatu da Cumpalliols u 22/04/2009 16:15
Di sicuru, a morta d'un omu hè sempre una gattiva nutizia, è peghju, divente una traghjedia s'è sta morte ùn hè ne naturale, ne accidintale. È ùn pudemu micca ùn lagnàssi ch'è di vede sta sorte.
Mà, d'un'altra parte, a maffia, è tuttu cio chì s'assumiglia à a maffia, devenu essenu stirpati (parlu di u sistema, micca di a ghjente... bench'è....). A maffia hà fattu troppu male à u nostru paese è a u nostru populu.

21.mandatu da heliofobu u 22/04/2009 21:00
Hè ghjustu O frombachinesogu... Dunque, scriveremu piutosu GCCCVAD...
(Mà, u piu impurtante in lu mio post era u so sensu prufondu, chi vulia solu stigmatisà a pedanteria...) :-)

22.mandatu da frombaOPachiumanicuhènovu u 23/04/2009 12:33
Pè infurmazione Eliofobu : fromba O Pà chi u manicu hè novu !

23.mandatu da heliofobu u 24/04/2009 03:58
Eccu... Mi cultiveghju, mi cultiveghju... Mi piacennu sti pruverbii Tuscani !

24.mandatu da frombaOPachiumanicuhènovu u 24/04/2009 12:34
piacenu, basta una N O Elio...

25.mandatu da lingua viva u 24/04/2009 12:35
ghjova ancu à què u situ O Eliofobu !

26.mandatu da heliofobu u 24/04/2009 13:20
:-D A Piazzetta cum'elle mi piace !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta