Accueil
Envoyer à un ami
Version imprimable
Partager

Ma chì s'hà da cumprà Bernard Tapie ?

Aiutate à Nanard, pagate i vostri impòsiti ! Ci sò quelli chì vìncenu à l'Euromillions, è ci hè Bernard Tapie. Nanard hà da tuccà 210 milioni d'euros da u Statu.



Ma chì s'hà da cumprà Bernard Tapie ?
Circhemu di vede u pusitivu : ci n'hè unu almenu chì ùn averà prublema cù a so ritirata.

Hè u Canard Enchaîné à avè surtitu l'infurmazione : u Trésor Public (sapete, quellu à chì tutti l'anni mandate à i vostri soldi) deve 210 milioni d'euros à Bernard Tapie.

Ci penserete quandu riciverete i vostri impòsiti da pagà quist'annu.

In pienu dibàttitu di e ritirate, à un mumentu induve e casce di u Statu sò viote, a pulèmica ingonfia è ùn ne semu ch'è à principiu.

È certi chì dicianu chì u Statu ùn hè generosu...

Bon è sinnò, cun 210 milioni d'euros, cosa si puderà cumprà Bernard Tapie ?

Per davvi una idea, 210 milioni d'euro facenu 3 milioni esemplarii di "Tempi Fà", hè 52 volti u bugettu di u SC Bastia, sò più di 1.000 case in Pedipartinu è 9 milioni di dischetti di Michel Mallory.

u 9 di Sittembre 2010
U Sgaiuffu



1.mandatu da ghjuvan'marcu u 10/09/2010 07:16
Si pò cumprà 210 millioni d'intraprese à 1 €uro simbòlicu, licenzià tutt'u mondu, slughjà e fabriche in China per u prufittu, cumprassi una squadra di ballò, fà a pulitica per...truvassi in prigiò? ecc. Chi bella vita !

2.mandatu da estrimei u 10/09/2010 08:13
vuleria ramenta chi a l'origine di sta storia , c'he a a scunfitta di u Credit Lyonnais: vera scruccuneria , cuperta da u sollu publicu, incu l'accunsentu di l'omi pulitichi.
oghje , 'ncu na catramanecchja , u Credit Lyonnais he statu sbattisatu , un he piu rispunsevulle di nunda, e , torna a Vignale , simu torna noi (i citadini frencesi) chi ci abbuchjemmu sti 210 000 millioni ....

i cuniscite sti filari di a "parudia" di a marsigliesa:
"Amour sacré de la patrie
toi qui soutien nos pantalons
......"
l'onestà impuneria di aghjustalli a u cantu naziunale frencese !

3.mandatu da ghjuvan Filì u 10/09/2010 09:28
S'ellu si mette à fà a pulitica in Corsica, quantu voti puderà comprà?

4.mandatu da filidatu u 10/09/2010 10:49
o ghjuvan fili cun tanti soldi d'apressu à mè s'ellu si prisenta quì face tombula vistu chì no simu tutti pronti à vendeci

5.mandatu da anto u 10/09/2010 14:09
Senza cunta chi ghja a so ritirata di ministru in piu e un l'hà micca avuta a 67 anni !

6.mandatu da corsu u 10/09/2010 17:13
c'he una festa a port vieux nanta a piaghja saine julie . he piena a gallesi !!!!!
l'aghju intesu a radio france frequenza morta!!!
avviva a francia
se tu vole cunnosce a francia un c'he bisogna di franca u mare ti ne vai in porti vechju
e dopa vai a manghja a murtoli inde u cucinaru lecerf chi ti fara una blanchete di viteddu corsu avec sa tombee de poireaux en sauce bechamelle accumpagnata de sa miche de beurre a u latte caprunu.
on est keurse ou on n'est !!!
povera corsica

7.mandatu da Asteriscu u 10/09/2010 19:47
A "culotte" di Noelle Vincensini..."a passiunaria" d'ava basta..!!

8.mandatu da Ahmed Zavìa u 11/09/2010 11:28
Carìssimu Barnardu !!!
Li basta à avè a muneta per diventà torna un omu rispettevule...
Ind' e noi (e forse ancu in altrò), i peghji baschicci diventenu brav' omi à partesi da u mumentu ch'elli faccenu core a frasca...e pocu imprèmenu e manere ch'elli hanu messu in ballu per vìncela...

9.mandatu da Asteriscu u 11/09/2010 11:55
@ Ahmed "Buziness is Buziness"....

Novu cumentu :