Accueil
Envoyer à un ami
Version imprimable
Partager

Mà chì si passa à u Gazelec ?

Dighjà chì a situazioni spurtiva hè pessima, eccu chì a cummissioni di disciplina di a LFP hà dicidu di suspenda stadiu, dirigenti è tuttu ciò chì hè vestutu di rossu è turchinu. Fighjulemu un pocu u parcorsu di i dirighjenti dipoi qualchi anni



Mà chì si passa à u Gazelec ?
1998-1999 : u Gazélec diventatu da pocu GFCOA compie terzu di u campiunatu di Naziunali è creda in a cuddata in lega 2. Mà u famosu articulu 131 impediscia l'ascenzioni. Robert Feliciaggi si ne và, sarà tombu in 2006.

2005 : GFCOA - Angers in principiu di staghjoni. U dirittori di ghjocu hè minatu da u Kiné in i spugliatoghji à a "mi-temps". U kiné sarà suspesu 5 anni è u club piglia 2 punti di suspensioni attempati. Pocu dopu, l'intrinadori è anzianu ghjucadori aiaccinu Battì Gentili hè lampatu fora in cori di staghjoni par via di risultati troppu debuli. Patrick Leonetti ripiglia a squadra ma a
situazioni ùn si migliureghja micca.

Un scontru contru à Boulogne finisci in baruffa è un ghjucadori di Boulogne si piglia una incapata. Par ùn avè datu u nomi di l'autori di l'incapata, u prisidenti Jean Bujoli hè suspesu 2 anni !
U ghjucadori ricunnusciarà u fattu è pigliarà anch'eddu dui anni di suspensioni !

Mezavia sarà dinù suspesu un scontru è in fina di staghjoni u Gazélec fala in CFA. Dipoi, i pusatoghji par i rimpiazzenti sò stati dispiazzati da culandi par alluntanà li da i sustinitori.

2008 : Jean-Claude Colonna, vice-prisidenti di u GFCOA parti di Mezavia par vultà si ne in casa soia. Sarà tombu nantu à a strada di Pitrusedda.

2011-2012 : dopu à una scunfita è una baruffa in Beauvais, u club piglia 4 punti di suspensioni (2 subitu è 2 attempati) è Olivier Miniconi, vice-prisidenti hè suspesu 12 scontri !

In 32esima di finali di a cuppa di Francia, Christophe Ettori u dirittori spurtivu scuzzula l'intrinatori di Tulusa. Piglia cusì 5 mesi di suspensioni. Di maghju, dopu à un scontru contru à u Paris FC in Mezavia, parti appressu à u vitturoni di u PFC. è si piglia incù u so intrinatori. L'affari faci un rimori tarribuli in i media francesi
ajaccio,88739 è Ettori sarà suspesu 2 anni !

In fini di staghjoni mancarani 2 punti par essa campioni mà u Gazélec ritrova à lega 2 vinti anni dopu.

Tandu u club cambia di nomi è ridiventa u GFCA par "retrouver le lustre d'antan".

2012-2013 : tuttu pari andà bè à u Gazélec ma Christophe Ettori ùn si senti più capaci di travaglià incù Dominique Veilex
du-tout-».726832.html. Jean-Michel Cavalli diventa intrinadori è u club sguilla in u fondu di a classifica.

Di frivaghju, nuvedda baruffa in Lens. Olivier Miniconi mette un calciu à un ghjucadori
match-23eme-journee_sport. sarà suspesu 18 mesi. Hè chjamatu Thierry Laurey à a riscossa mà a situazioni cambia pocu.

Dopu à un scontru contru à Monacu, i dirittori di ghjocu portanu lagnanzi. Sarianu stati minati in i spugliatoghji.

U miticu Fanfan Tagliaglioli, prisidenti, hè accusatu d'avè insultatu è minacciatu u dirittori di ghjocu, piglia 1 annu di suspensioni, J.M. Polidori (cuurdinatori spurtivu) dinù, Toussaint-Mathieu Luciani, dirittori di a sicurità hè suspesu 3 mesi è M. Mariotti piglia eddu 6 mesi.

Mezavia dettu "a Pignatta" hè suspesu 5 scontri è a squadra, dighjà ultima di a classifica perdi 3 punti ! U rapportu di a cummissioni di disciplina faci paura.

Hè detta, in fini di staghjoni, u GFCA falarà in Naziunali è ritruvarà cusì u so "lustre d'antan" è ciò ch'eddu hè sempri statu : un club amatori. È ùn pari micca ch'eddu sia colpi à i sustinitori.

Chì pinsà dunqua di u Gazélec ? Avarà à stà amatori tutta a so vita ? I dirighjenti devini mantena ssu spiritu o hè ora di cambia d'andatura è di diventà prufissiunali in veru ? Chì ne pensanu i sustinitori ?

u 12 d'Aprile 2013
U pettirossu



1.mandatu da bastiacciu stortu u 12/04/2013 09:07
Induvè seranu Dellasantina ,Pariggi , Mehouri , Kanyan et CAHUZAC ( u veru, micca u ministru ) quelli un n'avianu bisognu di colpi .... Vincianu !!!....

2.mandatu da Charlie Taverni u 12/04/2013 11:08
Chì ne pensanu i sponsor ?

3.mandatu da ANTO u 12/04/2013 16:18
U casu hè lèccu ! Purtantu averebbenu da esse lumére s'omu si tène a u nome di a squadra !

4.mandatu da Pugni e cazzotti u 12/04/2013 21:46
A pignatta hé rota ,u si po fa peghju da qui a pocu mezzavia sera un terrenu pé l'armata
pugni é cazzotti a "devise" di u Gaz ,ma perché sti tonti hanu messu Veilex FORA andate a capi i scemi ???

5.mandatu da diavule u 13/04/2013 00:29
Concia in Sedan. Le compte est bon.

tante volte, a Lega hà vulsutu tumbà u GFCA. Chì rinascerà, una volta di piu !!!!!

FORZA GFCA !!!!!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta