Accueil
Envoyer à un ami
Version imprimable
Partager

Ma cosa hà da fà Gilles Simeoni in America ?

Dapoi l'annunziu di a visita di Gilles Simeoni à Casa Bianca in Washington, tuttu u mondu aspetta u ritrattu di u presidente di l'esecutivu cù Barack Obama. Ma forse chì u presidente americanu ùn ci serà. Allora cosa hà da fà Gilles ?




Hà da scuntrà à Forrest Gump

Hè quantunque ellu u creatore di a "Spassighjata".
Ma cosa hà da fà Gilles Simeoni in America ?

Hà da vede cumu si pò fà una riserva indiana

U prublema di l'America, hè chì nanzu ch'elli ghjunghjinu l'aurupei, c'eranu l'indiani. I discendenti di quelli chì fermanu campanu in e so riserve, cù prublemi di disimpiegu, d'alcool, di droga.

Serà forse l'occasione di circà di fà una riserva indiana di Corsi ?
Ma cosa hà da fà Gilles Simeoni in America ?

Hà da dumandà l'indirizzu di u piluccheru di Donald Trump per fassi listessa cuppa

Hè quantunque a glassa.

Hà da fà un selfie cù u falsu Obama

Bah, à difettu di u veru...
Ma cosa hà da fà Gilles Simeoni in America ?


Hà da circà una piazza à François Tatti... in Alaska

U sognu di Gilles ? Mandà à François Tatti à u frigò.

Hà da circà di cunvince i Stati Uniti di dichjarà a guerra à a Francia.

U pianu : l'America vince, l'americani occupanu a Francia è ci danu l'indipendenza. A capitale di u 51u statu americorsu serà Ponte à a Leccia, bella sigura.

Da vede i ritratti di a seria Ponte Leccia City di Léa Eouzan.

Hà da scuntrà u merre d'una cità corsa

Paoli City, Corsicana... Inseme, femu l'America.


Ma cosa hà da fà Gilles Simeoni in America ?

Hà da cunvince à Natalie Portman di vene in Corsica

L'attrice, realizatrice è prudutrice americana di glassa internaziunale hè quella chì hà pruduttu u filmu chì serà mustratu à a Casa Bianca. Si pò sempre sunnià di vedela ind'è noi.
Ma cosa hà da fà Gilles Simeoni in America ?

Hà da vede "The Seventh Fire"

Hè u nome di u filmu copruduttu da una sucetà di pruduzzione corsa, Mareterraniu. Eh iè, u veru invitatu à Washington ùn hè micca Gilles, ma u pruduttore Paul Rognoni.

U filmu hè un ducumentariu nant'à i gangs amerindiani.

Ma cosa hà da fà Gilles Simeoni in America ?


È què hè piuttostu a glassa.

u 25 di Marzu 2016



1.mandatu da manureva u 26/03/2016 14:14
forse chì hè andatu à affaccà si per vede s'ellu pudia mandà unepochi d'endemichi nustrali da cunservà li chì pocu à pocu i ci perdimu ancu quessi !!! è seria peccatu, nò ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta