Accueil
Envoyer à un ami
Version imprimable
Partager

Ma induve truvà appena d'essenza ?

In sta fine di u mese d'ottobre, a Corsica hà qualcosa di Mad Max. Sin'à induve site pronti à andà per truvà appena d'essenza ?



Ma induve truvà appena d'essenza ?
5000 stazione à seccu in Francia, è in Corsica avà manca l'essenza senza piombu.

Dapoi luni scorsu, e stazioni sò riservate à l'urgenze, ma dinù à a pulizza. Una stazione di Bastia hè ancu tenuta da un fourgon di CRS, ùn si sà mai.

Hè vera chì s'ellu cuntinuveghja u blucchime, si ferà cum'è in Mad Max. In regione parigina ci sò state parechje cazzuttate in e pompe à essenza.

Ma allora chì in cuntinente a ghjente s'organizeghja pè truvà e stazioni induv'ellu si trova qualchì goccia d'essenza (da vede a GoogleMap di e stazioni), cumu fà in Corsica ?

U petrulieru Solène chì porta u senza piombu ghjunghjerà in fine di settimana solu.

Ancu di grazia, A Piazzetta vi prupone a lista di e stazioni induve si trova appena d'essenza :

  • Total in Calacuccia
  • BP in Carticasi
  • Esso in Ortale d'Alisgiani
  • Total in Tattone
  • Esso in Zuani
  • BP in Bustanicu
  • Vito in Cugnoculu è Muntichji
  • Shell in Ficaghja
  • Agip in Zerubia
  • Elf in Cucuruzzu

Vi ferà una bella spassighjate per fà u pienu.

Cumu ? Ùn site cunvintu ? Allora ùn avete più ch'è da pruvà a vita senza vittura. Forse ùn serà mancu male, nò ?

u 21 d'Utrovi 2010
u webmaestru



1.mandatu da Acqualacciu u 21/10/2010 09:05
Bella fotò di a stazione di Calacuccia...

2.mandatu da Cugnome u 21/10/2010 09:27
Si sta megliu senza vitturacce!

3.mandatu da orsucciu u 21/10/2010 10:30
Ind'è u rughjoni aiaccinu, sempri nunda?

4.mandatu da MARCUCCIU u 21/10/2010 11:03
Eiu un' aghjiu bisogniu d'essenza.C'hé u mio sumérè,hé di lanpu castgné freschè.Lasciatè è vostrè viturè in piazza è fatè cumè mè. . .

5.mandatu da renusinca u 21/10/2010 11:37
hahahaha! a dicu subbitu subbitu à i mo turisti!

6.mandatu da Michè u fliccu u 21/10/2010 14:21
ind'è Castrol Bigornu

7.mandatu da Aborigène... u 21/10/2010 15:33
A u largu di a Corsica, ci sarebbe quella roba à 3 o 4 milla metri sott'acqua...!! Andemu a pumpà..!!

8.mandatu da anto u 21/10/2010 17:47
Eu so andatu a fa u piènu in Petra Zitambula indè Esso e n'aghju empiutu a mo bagnerola !

9.mandatu da Simeunistu (Di tandu...) u 21/10/2010 18:15
In BA 126 di Sulenzara ci so e millaie di tonne d'essenza è di kerosene, quale hè chi a si sente d'andà..... ci so i vuluntarii...,?? cume in u SETTENTA.....!!

10.mandatu da Ghjuvan matteu u 21/10/2010 19:25
Ému da turna a i nostri sumeri.un hé tantu mâle

11.mandatu da ARC u 21/10/2010 20:27
@ G-Matteu : Sumeri è cavalli ùn ci n'hè mancu più in corsica... cume avemu dà fà...??

12.mandatu da orsucciu u 22/10/2010 00:27
Basta à andà à a CTC ò à l'assemblea, culà ci hè un sceltu trimendu!

13.mandatu da Santigle u 22/10/2010 11:31
Venite in Sardegna! ;)

14.mandatu da MARCUCCIU u 22/10/2010 11:35
O Orsucciu!!mi porti l'affanu.U meiu u sumérè un'assumiglia a quelli di a CTC,ghiè un sumérè beddu piu malingnu è intelligentè chè sa robba sbiguttita di i nostri eletti.U meiu u sumérè ghiè corsu hè paisanu hè a so runcata un n'assumiglia a a runcatadi quelli di quella di i nostri eletti... a prestu....

15.mandatu da estrimei u 22/10/2010 11:51
un 'emu da sta tantu a vultà a i sumeri , a e castagne , a l'orte , a a vita paisana chi pe campà a l'usu citadinu c'hanu cacciatu i mezi!

16.mandatu da ghjuvan'marcu u 22/10/2010 15:21
@ ARC
Per i cavalli, nunda so, ma per i sumeri, ci sò parechji, bast'à andà in prefettura, cunsiglii generale, merie e CTC. Ma Marcucciu t'a rasgiò, i sumeri a duie pedi ùn valenu nunda.

17.mandatu da orsucciu u 23/10/2010 07:42
In Tattò hè viotu!

18.mandatu da imbecille u 23/10/2010 18:19
t'aghu l'essenza ma un trovu piu a rcfm a nanta u postu. g'he un antra radio chi si chjama radio matmut

mi pudete spiega.

so persu!!!!!

aghja cambia di vittura

19.mandatu da Avulpaccia u 24/10/2010 00:18
Morta di rise

20.mandatu da OILIU u 24/10/2010 08:31
mettimu puru l'oliu d'alivu o di colzà, marchja bè pè i diesel....!!

Novu cumentu :