Accueil
Envoyer à un ami
Version imprimable
Partager

Ma nò, ùn ci hè micca maffia in Corsica

L'associu di difesa di l'ambiu U Levante hà lampatu una chjama : "Ne voyez-vous pas le système mafieux qui s’installe ?"



Ma nò, ùn ci hè micca maffia in Corsica
D'appressu à U Levante, un sistema maffiosu hè in traccia di stallassi in Corsica. I trafficoni sò attirati da u nostru liturale cù e so centinaie di chilòmetri di coste salvàtiche. Ma salvàtiche sin'à quandu ?

Da leghje nant'à u situ di l'associu : Ne voyez-vous pas le système mafieux qui s’installe ?

E terre chì sò state risparmiate da a bettunizazione in l'anni 70 è 80 sò in traccia d'esse pocu à pocu runzicate da u "mitage" è da i prugetti immubiliari.

"L'Etat de droit", ellu s'hè firmatu in casa soia. Ùn si contanu più i casi di "lege liturale" micca rispettata è u prefettu Patrick Strzoda hà u mese passatu autorizatu 70% di i permessi di u PLU di Portivechju chì eranu stati... annulati da u tribunale amministrativu di Bastia. Nò, ùn hè micca una magagna. Cusì si passa oghje ind'è noi.

A nostra isula piglia via di u "tuttu bettonu", facilitata da i Corsi chì si vendenu u so patrimoniu (tuttu quessa per cumprassi l'ultimu 4x4 è pè flambà in Bali o in Disneyland).

È a Corsica diventa di più in più goffa...

In quant'à i prugetti immubiliari, u cuncorsu di u nome u più goffu hè statu lanciatu nant'à A Piazzetta. Per avà hè "Le Clos de Longvilliers" di Muriani chì hè in testa.

A settimana passata, un sundagiu nant'à u situ di Corse-Matin punia a dumanda "croyez-vous qu'un système mafieux se met doucement en place en Corse ?" Risultatu : iè à 87%.

Ma nò, ùn ci hè micca maffia in Corsica.

u 22 di Marzu 2012
U Webmaestru



1.mandatu da Mare nostrum u 22/03/2012 06:46
Un

2.mandatu da Mare nostrum u 22/03/2012 06:47
UNA maffia in Corsica !?
Bo chi Sara stu "panel" !!!!

3.mandatu da Ghjacumu u 22/03/2012 09:21
Povera Corsica. E dopu l'eletti Corsi ci rompanu e stache Cun à violenza. À nostra terra à Da diventa à "cote d azur". Ehhh ma capisce se l'intraprese di u BTP un ponu più cunstruisce Nanta u littoral per vende e case 5 000 000 € Anu Da chjode. Un femu nunda per i pastore ma per i prufezionale di u BTP qui tandu...

4.mandatu da Grossu panzutu u 22/03/2012 10:19
Inno u prifettu e troppu ocupatu a corre apressu a i fucili di caccia e a fà a so "chasse aux sorcieres" nantu tuttu cio chi po esse stintu libertariu corsu!!! Un si po micca cuncentra ananta i prublemi secundari cume a distruzione di litturale u trafficu di droga e a maffia... Aio o ghjente ci annu mandatu Maillebois, Sionville, De Vaux, Marbeuf, Morand, Riolacci, Bonnet e cridite sempre chi so qui pe u benista di i Corsi. A Francia ghje un paese culuniale cattivu e sempre sera!

5.mandatu da Stumacate u 22/03/2012 12:21
Et pendant ce temps la l isle de Corse: u fronte un face piu paura a u statu francese, e Corsica Libera s intazza invece di continua a lotta pulitica. Sara forsa l ulitimi anni indu si pudera parla di Populu Corsu. SIMU MALE.

6.mandatu da Glutor u 22/03/2012 12:56
Tuttu u mondu li face pippe à a nuttella da a mane à a sera à i voyous, ùn ci hè nè da pienghje nè da lagnassi... Simu un populu di suchjoni è basta.

7.mandatu da ma famille u 22/03/2012 20:49
Sigura chi a mafia in corsica é l'avvene di stu paese,chi vulite ch'ellu n'hé sia , cun i sumeri ch'avemu cumé eletti sottumessi ch'elli so .E i corsi votanu a sumerinu pé u si o u no, allora cuntinuemu ,é a mafia ghunghjera in casa vostra a fabbi vuta cumé lu c'iole.

8.mandatu da Ghjuvan Carlu ADAMI u 22/03/2012 21:25
Prima ringraziu A Piazzetta di l'ultimu articulu sperendu ch'ellu ghjovi à apre l'ochji à unepochi, Dopu ci vole à cunsiderà chì s'elli sò arruvinati i nostri lochi pè i "sei mila anni" da vene (cusì dice cun ragiò U Levante), ogni urbanisazione massiccia distruce ancu megliu a nostra leia à a Terra. U locu ùn hè solu realità geografica! U locu hè dinò fattu di cultura fonda. Si ne avvede omu cù a manera di campallu. Cusì, a prumuzione immobiliaria hè dinù distruzzione culturale. Hè una parte importente di a nostra dimensione interna, di ciò chì ci puntella da u nentru chì sparisce dinò.

9.mandatu da goldoraku u 22/03/2012 22:58
Bravu Adami. tuttu hè dettu. nunda da aghjustà.

ma quessa, i pulitichi n'anu cuscenza ? o forse si ne futtenu ? o forse u soldu hè piu forte che tuttu u restu ?

10.mandatu da culunellu u 22/03/2012 23:10
Bona sera,

U peghju ghjè che un numineghjanu che prefetti corsi, anch'elli liati da rilazione cu a maffia. Fideghjate appena à Patrick Strzoda

11.mandatu da J G u 23/03/2012 07:55
A mafia corsa un vene micca di nasce ! chi di ghjalina nasce in terra ruspa !
canagli ci ne hé sempre statu ,
E regule un sô mai state rispettatte , i trafficoni hanu quessa in u sangue , e legi esistenu ma un c'hé micca abastanza prigio e po cume i traficoni suvente sô quelli chi facenu e legi cumu vulite ch'elli e faccinu aplicà ?
E cusi chi i ministri e i piuvani
Si ne lavanu e mani

Da un ladu l’abondenza
E da l’altru a miseria
Un he piu un’esistenza
Ma una vera cumeria
E i ministri e i piuvani
Si ne lavanu e mani

A chi sta in un palazzu
A chi sta sottu a i ponti
A ch campa inni strabazzi
A chi ingrossa i so conti
E i ministri e i piuvani
Si ne lavanu e mani

A chi face a ghjitera
A chi si more di fame
U mondu va a lallera
E ognunu dice ame
E i ministri e i piuvani
Si ne lavanu e mani

U tecchjo un crede u famidu
E u pidocchio rifatu
Si ri de di u rimidu
E u fieghja da inaltu
Ne u minstru ne u piuvanu
Un hanu nunda d’umanu

12.mandatu da Tuminu/Fouchy u 23/03/2012 12:15
A basta Cusi !

A terra Corsa a i Corsi !!!!

13.mandatu da ANTO u 23/03/2012 17:46
I primi maffiosi so i clanisti chi tut'ognunu cunosce da u lione di Rocapina a l'omu di Cagna .

14.mandatu da Farc (Fronte di l'anziani regiunalisti corsi) u 25/03/2012 10:18
Benissimu discorsu o J-Carlu mà ci vole à custruice è bettunizzà pè allughja tutta sta ghjente chi scala.. (tandu l'arc dicia culunizzà, mà oghje Pacou dice altrimentu è mélanchon incurasgice dinù stu fattu) allora ci vole à sapè cio ché no vulimu un si po tuttu avè è piantà d'esse "schizophrène" cume (tutti) i partidi pulitichi di corsica

15.mandatu da Farc (Fronte di l''anziani regiunalisti corsi) u 25/03/2012 10:20
* Bellissimu vulia
scrive

16.mandatu da ma famille u 25/03/2012 20:54
A prima di é cose i corsi un si sentenu tra elli .
51% hé u scobu di tutti ,ch'ellu sipia Ump ,a Manca ,o i regiunalisti autunumisti ,u partitu indipindintistu ellu un n'é a piu pé pocu.
A corsica di dumane sera una corsa senza i corsi d'oghje.
A troppu vulé fa a pulitica u ci é piu ché cerbelli torti.
E a ghjuventu allora?? corciu a ella d'avé maio cusi .......................

17.mandatu da Ghjuvan Carlu ADAMI u 25/03/2012 21:03
Per risponde à... ùn a sò quale chì ùn ne connoscu nè u nome nè a casata, feraghju rimarcà ch'ellu ci hè una sferenza maiò di logica (è dunque di spiritu) trà accasà a ghjente è bettunizà tutte e marine di Corsica. Accasà vole dì dà una casa da pudè campà degnamente è fà ingrandà i so figlioli sott'à un tettu à cristianinu. Accasà vole dì tene contu solamente di u bisognu di u populu. Invece bettunizà rimanda à l'interressi sputichi d'unepochi chì si volenu impatrunisce a Corsica à prò soiu. Ci si trova furesteri (farc digeria "culunialisti") ma ancu tanti è tanti corsi ch'anu pocu primura di u Cumunu... Ma sò d'accunsentu pè dì chì partiti pulitichi perfetti ùn ci n'hè. Aghju solu a sperenza d'una mubilisazione pupulare massiccia per l'eleborazione di u novu Padduc.

18.mandatu da mijagavignanica u 29/03/2012 02:36
Bravu Adami !!! avete dettu tuttu ma per disgrazzia tutti i Corsi so luntani d'avè si sentimi alturosi povera Corsica !!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta