Accueil
Envoyer à un ami
Version imprimable
Partager

Ma quale serà u Corsu chì li face cunfidenza?

D'appressu à un sundagiu, solu un Corsu nant'à trè face cunfidenza à Valls per cumbatte a viulenza in Corsica.



Ma quale serà u Corsu chì li face cunfidenza?
Hè ciò ch'ellu dice un sundagiu d'Opinion of Corsica pè u giurnale Paroles de Corses, Via Stella è Corse-Matin (da leghje quì).

Nant'à trè Corsi, ùn ci n'hè chè unu chì pensa chì Manuel Valls ci capisce qualcosa.

Ci vole à dì chì u ministru di l'internu hà fattu forte. Prima, ùn hà fattu chè ripete ùn si sà quantu voltì : chì "en Corse, on connaît les commanditaires. On sait mais on ne parle pas".

Hè vera ch'ellu hè più praticu di mette tuttu in colpu à "l'omertà" di i Corsi chè di spiegà 40 anni di mal funziunamentu di i servizii di u Statu in Corsica, di ghjustizia è di pulizza.

Davant'à e numerose riazzioni di prutestazione (avete tutti lettu Oui. Moi je sais… M. Valls nant'à u situ di U Levante), Manuel s'era calmatu.

Eppò hè vultatu torna più forte. Sta volta a s'hè cacciata cun l'eletti chì d'appressu à ellu ùn cundannanu micca abbastanza : "Je n'entends pas suffisamment de voix parmi les responsables politiques pour condamner ce qui s'est passé". À tal puntu chì ancu Simon Renucci hà reagitu à i prupositi di u ministru di l'internu. Per divvi.

Aghjustendu dinù chì : "Il y a sans doute une forme de racisme dans les attentats".

I spezialisti di i cummunicati chì cummencianu pè "je condamne avec la plus grande fermeté" averanu appreziatu.

In tantu, i speculatori, i trafficoni, i maffiuselli, i scrucconi di a bettunizazione elli, ridenu.

Nant'à internet, certi si campanu di rise, cum'è stu situ chì dice chì : 1 corse sur 3 fait confiance à Manuel Valls, alors que 55% des corses pensent que le FLNC a évité le béton.

A dumanda hè dunque : quale hè u Corsu di u sundagiu chì li face cunfidenza ? Serà statu un tippu in sborgna ? Un tontu ? Un magagnone ? Qualchissia chì ùn hà micca capitu a quistione ? Un fliccu ? O Nicolas Alfonsi ?

l'11 di Dicembre 2012



1.mandatu da MAKHNO u 11/12/2012 12:07
U Vechju Lénine dicia "90% du peuple doit être acquis à notre cause, le reste doit être exterminé". oghji si pò dì "2/3 des corses (o piutostu di a populazioni corsa) sont acquis à notre cause, le reste doit être exterminé"

2.mandatu da Cazzu Marinu u 11/12/2012 13:33
Saraghju u Lenini Corsu, pà a Nazioni !


http://cazzumarinu.overblog.com/

3.mandatu da Mérou 2A u 11/12/2012 14:50
Ci vole à dichjarà una guerra civile contru à i maffiosi, i speculatori, i traffichenti di droga, i pinzuti, l'elettori FN, i sustenitori bastiacci per avè infine a pace di ghjente onesti ch´è no meritemu

4.mandatu da Valsa du démon u 11/12/2012 14:56
Hà da finisce cum'è Bonnet questu quì...

5.mandatu da BATTISEGA u 11/12/2012 16:17
tut'ognunu di si guvervatori fracesi volenu metteci a u passu a noi altri corsi.avètè cunfidenzza voi in stu guvernu??? ancu quellu puverèttu musulini avia cacciatu"vogliu u niddu ma micca l'acelli".Avètè vistu cio chi hé accaduttu a ellu ?? é sarkozy in duvè u vi lasciatè ??? A capitu ancu ellu .....

6.mandatu da ghjuva u 11/12/2012 17:17
I F F.........I F F........I F F.......

7.mandatu da Zeruffu u 11/12/2012 22:34
Cottu cottu, u Valls.
Hà riesciutu à mettesi tutta a classa pulitica contru à ellu, è à dà una nova pupularità à u
FLNC.
Ma avà, cosa hà da accade ?
Pè a prima volta dapoi dui seculi, i partisgiani di l'autunumia sò maiuritarii. Cumu Valls pò rifiutà di agisce ? Un c'hè più nimu fora di i deci vechji senili di France Corse pè difende à Zuccarelli è Alfonsi.
L'unica volta duve i Corsi eranu d'accusentu qualsiasi i partiti, ghj'era ind'è l'anni 60, quandu si uppuninu à De Gaule è a so prughjettu di prove nuclearie ind'è l'Argentella. E emu vintu, contru à De Gaule ellu stessu.

Valls & Hollande sò belli tonti di figurassi ch'elli purrìanu vince duve De Gaule hà fiascatu.

8.mandatu da Stonclette u 12/12/2012 10:35
I pinzuti

9.mandatu da lola u 12/12/2012 16:04
Valls hé "un beauf"

10.mandatu da lola u 12/12/2012 16:05
commediente tragediente !

Novu cumentu :