Accueil
Envoyer à un ami
Version imprimable
Partager

Maladettu mese di maghju

U mese di maghju hè quelli di tutti i malanni per a Corsica : Ponte Novu, catastrofa di Furiani, Tchernobyl, falata di u Sporting, nascita di Christian Clavier, morte d'Arrigo Bel Messere è apertura di Via Notte... Picculu riassuntu di u mese di a loose.



Maladettu mese di maghju
Di i dodeci mesi di l'annu, quellu di maghju hè siguramente u peghju pè a Corsica.

Per noi, u venneri 13 dura un mese sanu.

Hè semplice, di maghju ùn ci accadenu ch'è guai è catastrofe.

Eccu u listinu :

8 è 9 maghju 1769 : Corsica vs Francia in Pontenovu, a squadra di Pasquale Paoli piglia a concia. Aspettemu u match retour.

5 maghju 1821 : Napuliò more in esiliu à Saint-Hélène, solu, cum'è un disgraziatu.

9 maghju 1978 : Finale cuppa UEFA. Bastia 0, PSV Eindhoven 3.

5 maghju 1992 : Catastrofa di Furiani. Papin, Boli è Tapie avianu da perde contr'à Bourabaa, Di Fraya è Mangione. 18 morti è più di 2500 ferriti.

1986 : Tchernobyl. Di manera officiale, u nulu radioattivu s'hè piantatu à a fruntiera. Splusione di i càncari di a tiròida in Corsica.

Ancu più forte : intornu à l'annu 1000 (ùn si cunnosce micca a data, ma si sà ch'ellu era di maghju, hè què chì hè tremendu) hè tombu u sceffu di a Corsica, u famosu Arrigo Bel Messere. Sapete, hè quellu chì ci porta a ghigna dapoi 1000 anni : "hè mortu Arrigo Bel Messere, è Corsica ùn averà mai bè"...

11 maghju 2002 : Bastia perde contr'à Lorient a finale di a cuppa di Francia a più goffa di tutti i tempi. Ùn si pudia micca vince cun Prince, Dieuze è Deblock...

6 maghju 2007 : Nicolas Sarkozy hè elettu presidente di a Ripublica. È avemu da ripiglianne per 5 anni.

4 maghju 2010 : Bastia perde contr'à Vannes è fala in National. Cum'ellu a dice Antoine Redin : "on sait quand on descend, on sait pas quand on remonte..."

6 maghju 1952 : Nasce Christian Clavier. In più hè vera !

21 maghju 1954 : Nasce Camille de Rocca Serra. Pare fatta à posta.

Apre Via Notte.

U mese di maghju viderà nasce dinù Lorie, Nikos Aliagas, Jean-Marie Bigard, Brice Hortefeux, Bob Sinclar, Patrick Bruel, Yannick Noah, Pierre Bachelet, Daniel Xuereb, u Fronte, Zacarias Moussaoui, Dave, Édouard Balladur, Pierre Deblock, Bernard Lambourde è Jean-Guy Talamoni.

S'ellu ùn hè u mese di i loosers...

u 12 di Maghju 2010
u webmaestru



1.mandatu da GeFf u 12/05/2010 08:59
I primi turisti ......mica i peghii
http://mazzeru.com/index.php?do=/forum/d-233fouloir-20/un-record-sartene-porto-vecchio-en-02h15/page_1/#post56

2.mandatu da Randal josse u 12/05/2010 15:13
ghjè dinù u mese di Maria o zitè, ùn vi scurdate...

3.mandatu da youssouf hazibedjick u 12/05/2010 17:46
c'hè anche l'om chì vince u campiunatu

4.mandatu da faruccu u 12/05/2010 17:49
è u Festival di Cannes chi principia

5.mandatu da PEPITO u 12/05/2010 18:00
Tchernobyl ùn era d'Aprile o Wmaestru, cume a date di nascita di PPaoli, d'Hitler...???

6.mandatu da u webmaestru u 12/05/2010 18:12
ai ragio o PEPITO, a splusione di Cernobil era d'aprile 86, ma u nulu hè passatu ind'è noi di maghju mi pare.

7.mandatu da anto u 12/05/2010 18:14
I nostri antenati dicianù chi u mèsè di maghju éra u mèsè di i sumeri .allora runchemmu tutti insème !

8.mandatu da Spaisatu.. u 12/05/2010 18:31
E perchè in Corsica ci si dice chi matrimonii di maghju ùn si nè deve fà...di Settembre ghjè a Madonna, mà di Maghju ??

9.mandatu da Dumanda u 12/05/2010 18:47
...È Simeoni ùn saria micca natu di Maghju?

10.mandatu da Falaschela... u 12/05/2010 19:46
@ Dumanda... Hè natu pè esse u merre di Bastia e vindicà u so Babbu...u restu ùn n'averà pocu primura, u so populu ad ellu hè u populu umanu.....!!

11.mandatu da Ensemble....(scusate!!) ."Inseme"........ u 12/05/2010 20:23
Maghju ghjè dinù u mese di l'elezzioni di i "nostri" presidenti di a Repubblica......Allora appena di rispettu....u ghjornu un corsu (Un francais de corse..) anderà à l'Elysée, sarà forse JCA...o stu sette bellu di Pacou......

12.mandatu da maghju u 12/05/2010 20:43
E u fronte un'hè natu di maghju ? Vistu u risultatu in tèrmine di pulitica,di sicuru si !!!!

13.mandatu da Bobo "keurssee"... u 12/05/2010 20:53
@ maghju . Iè pensu anch'eiu, u Fronte hè natu di maghju, e pè maghju e pè maghjone... si sà a seguita..
Simu un populu di maghju fatti pè a disfatta....u fronte assumiglia à i corsi...."Looser" si dice no u solu affare che no vulemu vince e chi vinceremu so e nostra care "Elezzioni"....ùn ghjornu e vinceranu ùn vi nè fatte..........Simu veradimente una sotturazza....meritemu a nostra sorte...........

14.mandatu da Anzianu RPR u 12/05/2010 21:14
Si dice dinù longu cume u mese di maghju...Longhi cume sti lonzi di corsi a capisce è ad apre l'occhji..

15.mandatu da Balbuzard... u 12/05/2010 21:34
Aio', passemu prestu a settembre, chi i 3 mesi di l'estatina in Corsica ghjè un veru scumpientu.........eviva Ottobre....!!

16.mandatu da Cesium 137 u 12/05/2010 21:42
Tchernobyl era un affare bunissimu pè a Corsica......Ci vole a fà sapè a i Pinzutti e tutti l'altri chi u Cesium, ci hè sempre e chi ghjè murtale....!!!

17.mandatu da spqr u 12/05/2010 22:02
o spaisatu, maghju hè dettu u mese di Maria in a religione catolica

18.mandatu da spaisatu u 12/05/2010 22:20
Ti ringraziu spqr....So spaisatu e aghju smenticatu a "fede" di i nostri antichi, si chjama quessu l'affare apustasia....Ghjè a sente di un veru Peccatu...!! Dunque nè maghju nè settembte....!!

19.mandatu da Anzianu RPR u 13/05/2010 08:39
@ maghju, u Fronte tandu in u 80/90 avia u meritu di fà paura cunosce a lotta di i corsi, e data una putenza mediatica ch'ellu ùn si po nigà, e po tandu i francesi ùn venianu tantu pè cumprà case, stavanu "ghjatti", e po ù ti parlu mancu di l'Arabi, chi "rasavanu chi sentianu tutte e sere i "pachetti".......oghje u Naziunalisimu face 30 % mà a u populu smarisce.......Ci vole a ringrazià tutti quelli chi hannu permessu e chi permette sempre...pè e so critiche è e so andatura a nurmalizazzioni e a francisata di u populu corsu...a prestu o "Citoyen francais"...

20.mandatu da Joëlle u 13/05/2010 12:33
"Anzianu RPR" forse, ma veru razzistu, di sicuru!

21.mandatu da Anzianu RPR u 13/05/2010 12:49
@ Joelle : Solu "Patriottu " chi a parè meiu deve fà pè e salvà a ghjente soia.."Racisme" hè un cuncettu francese di "l'elites bobo"pè fà accettà a i populi cume u nostru e numerosi altri.....di smarisce....ricusà di smarisce ghjè "racisme" allora smarite puru... mà accetatte chi certi possinu esse attacatti à u so Razzinu, e so radiche e a so civilIzazzioni... a Corsica hè francese mà corsi deven firmà corsi micca u cuntrariu..

22.mandatu da Joëlle u 13/05/2010 19:40
Ah ! “L’élite bobo”! Una stonda chì nimu ùn mi l’avia lampata in faccia cùn tamanta forza è tamanta certezza… :-D)
“L’élite bobo”... pràticu assai per quelli chì maneghjanu i cuncetti cum’è se fussinu cultelli è ùn sò mancu capaci di scrive a parolla “civilizazione(i)”!
È cosa ne pinsate voi di un “Patriottu” chì ci scrive “a Corsica hè francese”? Umbeh!
Ò l’Anzianu, avemu e radiche in l’istessa isula ma ùn simu micca di l’istessu razzinu!

Novu cumentu :