Accueil
Envoyer à un ami
Version imprimable
Partager

Manghjate e vultate !

Pè a Candilara (la Chandeleur) si devenu manghjà e vultate (crêpes), chì portanu furtuna. Bisognu ci n'hè !



Manghjate e vultate !
Dopu à e lasagne di pasqua pifania, ancu di grazia ch'è no semu quì pè ramintavvi ch'ellu ci vole à manghjà e vultate pè a Candilara è Marti Grassu !

Si facianu saltà e vultate cù una pezza di muneta in manu. L'usu hè ch'elle portanu furtuna in st'epica d'inguernu è di tempacciu.

Perchè ùn vi scurdate : Ferraghju ferraghjettu, cortu è maladettu !

Allora cumu e manghjate voi e vultate ? Nutella o cunfittura d'arbitru ?

Marti 5 Farraghju 2008
u webmaestru



1.mandatu da Petru-Anghjulu u 2008-02-05 13:32
Incu una bella cunfettura di fraula, slurp' eccellente

2.mandatu da GWM u 2008-02-05 14:11
Nutella à pallittate, sola sperenza !

3.mandatu da estrimei u 2008-02-05 20:37
un so micca 'nu a mio cultura . 'nu a mio giuventu manghjavammu i nicci ( di farina castagnina) e un c'era bisognu di tanti cari di mamma ,e un s'aspettavanu micca e cendere per manghjali.
simmu in un' altr'epica si manghjannu e"crepes",si face "halloween",in altri tempi a moda era di"chjama e lenzole "les draps"e e calzette les " bas" ".
ava s'elli vi piacenu i nicci fatti 'ncu u fiore ,manghjatelli puru , ma in cumpensu festighjate in lingua nustrale.
in aspettendu u sabatu santu per manghja casgiate -o migliacci - carbunate, panette e canistrelli.
alle, a a prussima.

4.mandatu da bastiacciu u 2008-02-06 00:03
carbunate ???

chi so què ? ùn cunnoscu micca, ci poi spiecà ?

ma i nicci ci vole à sapè falli ! e po ci volenu dinù i ferri...

5.mandatu da estrimei u 2008-02-06 17:50
ch'aghja a spieggà? i nicci sai so ch'elli so postu che tu sai chi ci'olenu i ferri.
e casgiate o migliacci-secondu i lochi -he pasta minata 'ncu latte e casgiu frescu ,forse ci 'olenu ancu l'ove ? ,sposta nanta foglie di castagnu seccche e messa a u fornu.
e carbunate s'assumiglianu a i canistrelli ci mettenu a carbunata("bicarbonate" in francese).
e panette, o picciole so biscotti chi s'assumiglianu a a "brioche" francese, he listessa pasta ch'omu adopra per fà i campanili o curconi o cacavelli

6.mandatu da bastiacciu u 2008-02-06 19:33
cusì si o estrimei ! ùn si micca parente cù vincent tabarani nò ?

ùn cunniscia micca e carbunate chi ind'è mè ùn si facenu.

ùn cunniscia non più a parolla "picciola", ind'è mè si dice panetta o micchetta.

o sbanditu ci puderesti fà un'articulu nant'à i biscotti corsi !

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter