Accueil
Envoyer à un ami
Version imprimable
Partager

Manif in Bastia : 4000 persone in carrughju, 70 CRS feriti, 0 interpellazione

Bilanciu di a manifestazione in Bastia : 70 CRS feriti (d'appressu à RCFM è 0 interpellazione ind'è i manifestanti. È sì, piuttostu ch'è di cundannà, i nostri capizzoni sterianu di più à sente l'addisperu di u populu ?



Manif in Bastia : 4000 persone in carrughju, 70 CRS feriti, 0 interpellazione
Azzuffi viulenti dopu à a manifestatione riesciuta in Bastia sàbbatu.

È si i prufessiunali di e cundanne parlanu digià d'atti "facisti", li si pò dumandà perchè ch'elli ùn anu cundannatu i tiri di i CRS contr'à un adulescente di 14 anni, ghjustu à puntu quandu Amnesty International dinunzia a crescita di e viulenze pulizzere in Francia ?

È si, invece di passà u so tempu à cundannà, omu si dumandava cumu serà chì tanta viulenza hè inghjenata ? Di pettu à u disprezzu è l'inghjustizia, ùn si po racoglie ch'è eccessi. A viulenza di u carrughju risponde à a viulenza di u Statu.

Da vede :
i filmati di France 3 Corse è dinù quellu di TF1
tutte e fiure nant'à Unità Naziunale

u 5 d'Aprile 2009
u webmaestru


Da u più recente à u più anzianu | Da u più anzianu à u più recente

59.mandatu da henry smart u 12/04/2009 02:24
Què po allora , un depressivu !! pensu chè sò tuttu à fattu u cuntrariu. Ahhh u scrittu !!!
O caru circiniii, pensu micca chè tù si un sumere ! alè sciala ti la è à prestu ind'una manifestazione virtuale chì sbuccherà nant'à a Corsica virtuale di dumane ...
i bébé phoque quantunque !!

58.mandatu da circinelludiguagnenativupeliguagnesusosanguaversatu u 12/04/2009 00:13
Ma noooooo... ! ùn ci faci micca una piccula dipressioni...?
poc'a ghjenti chi s'accupa di l'altri, no ?!
ma t'aghj'a di: eu à dilla franca so stancu di rifletta nantu à u mondu, a francia, l'animali, i bèbè phoque è i prublemi di matrimoniu di britney spears. pinsà à a Corsica di dumani hè più interessanti , più vicinu è di siguru più faciuli pà un sumeri cum'è me.
allora, postu ch'edda ti fatica a semantica, à prestu è à u piacè di scuntratti un ghjornu; ind'a vita vera cum'è tu dici...

57.mandatu da henry smart u 11/04/2009 23:53
Nò, circinellu ùn generaliseghju micca. prima chì scrivu quì dopu avè lettu certi discorsi è po ùn ti parlu micca di quelli chì parlanu di liberazione naziunale ti parlu di quelli chì parlanu più o menu di LLN ....ma ùn hè micca u più impurtante què ..a semantica à capu d'una certa stonda mi fatiga .. di tutta manera simu un picculu populu tuttu mondi si cunnosce è hè faciule di capisce ciò ch'o vogliu dì...
E po criticheghju ben intesu ch'o criticheghju è po prupongu tutti ghjorni ind'a mo vita (a vera micca quella di u net, cum'è voi tutti speru d'altronde) fendu cio ch'o pensu ghjustu per a difesa di u mo populu, ma dinù di i diritti umani, di a difesa d'una certa manera di vede u mondu d'oghje.. Per esse pramaticu nant'à l'affare colonna, prupongu di cuntinuà ciò ch'ellu hà messu in ballu u cumitatu di sustene è di circà à adunisce tutti quelli chì sò stumacati di 'ssu statu chì s'attacca à e libertà fundamentale è à i diritti di u populu (è ancu i francesi sò cuncernati) . E quant' à i discorsi "i francesi si n'impippanu di noi" un n'hà nisun sensu ; Simu ind'una sucietà induve tuttu mondu si n'impippa di tuttu mondu.

56.mandatu da circinelludiguagnenativupeliguagnesusosanguaversatu u 11/04/2009 10:40
o henry, hè ciò ch'aghju scrittu più 'nghjò: semi tutti à pocu pressu d'u listessu avvisu, ma, tu chi ùn voli micca "generalizà", chi vo' dì: "ghjè parlà di a falsità di quelli chì parlanu di LLN"... s'è capiscu bè quiddi chi "parlanu" di liberazione naziunale sariani falsi ...??? è ùn generalizeghji micca ? ùn ti metti micca ind'a pusizioni di quiddu chi critica TUTTU senza prupone NIENTE ?

55.mandatu da More à Azzana u 10/04/2009 22:32

I "duri" s'elli sò cusì duri, ch'elli ne prufittessinu par andà à fà l'amore, micca "a guerra"...--))

54.mandatu da henry smart u 10/04/2009 22:17
"""ghjè sicuru chi certi ind'a LLN ùn saranu micca astuti ma mi sgena chi tutta sta tindenza sia paragunata à i mù, chì so... mù, ch'ùn sanu nè 'nduva elli vanu, nè parchì... """
Circinellu eiu un parlu micca per i mù cum'è tù dici. Forse c'hè a ghjente bè o menu bè cum'è dapertuttu ! Possu criticà una strategia, una mancanza di fondu puliticu à longu andà senza fà a publicità d'un' antra dimarchja ! Perchè sempre 'ssu riflessu clanistu
D'altronde i mù per certi eranu assai cuntenti d'esse cù i duri (fendu nice di crede à tutte ste treve elletturaliste ) s'ellu c'era a pussibilità di piglià l'assemblea tandu ! E à i duri li piacenu di fà e campagne elletturale à l'appiattu per certi chì ùn anu mai parlatu di a difesa è di i diritti di u populu corsu !

"""in quantu à u discorsu tìpicu "eu sogu contr'à a viulenza ... perchè ùn hè micca abbastanza dura..." Ohimè, ohimè !!! """"
Qual'hè ch'hà dettu què ? ??? ùn hè micca esse contr'à a viulenza perch'è ùn hè micca abbastanza dura !! ghjè parlà di a falsità di quelli chì parlanu di LLN, ghjè esse contr'à tutte e viulenze (iè, iè ancu quelle di u clanisimu è di statu...) chì sò contr'à u populu, chì anu a sumente di u fascisimu in drentu (ùn vecu micca fascisti dapertuttu) , chì ghjustificheghja cù l'aiutu d'avucati curagiosi , di tumbà quelli ch'ùn sò d'accunsenti !!
E pò o zitelli, basta à custattà per apre l'ochji !!
O altò è ghjuvan felì, face prò dinù di sente i vostri avisi

53.mandatu da circinelludiguagnenativupeliguagnesusosanguaversatu u 10/04/2009 21:30
Bon bè, avvedacci allora, è bona strada ! :(
Ah, au fait: "En préambule, Olivier Sauli, membre lui aussi de l'exécutif, a tenu a faire un point sur les tags de Bastia : "Corsica Libera n'a pas à justifier ni à se justifier sur un slogan injurieux, l'histoire du mouvement national, son historicité donc, et sa philosophie sont aux antipodes de tels slogans"
Poi turrà avà !! :)

52.mandatu da Ghjuvan' Filici u 10/04/2009 19:21
Boo... Poca rabbia nò...

Allora iè, à mè hè propiu 'ssu tonu chì mi dà a vodda di sorta da u boscu par ditti quantu i scantu l'aienti chì parlani com'è tè, è chì piddani 'ssi pusturi agrissivi. Eti fattu fughja l'aienti à u longu di l'anni. U risultatu è ch'ùn ferma più chè i ghjovani à intrappulà pà esista dinò.

"ùn ci hè statu chè què in Bastia" ? Parchì ci voli à ritena calcosa di gluriosu ? Hè statu dimustratu calcosa ? Fora di i ricuparazioni di a ghjuvantù è di a manipulazioni pà radicalizà u cuntestu (fendu cussì tuttu u ghjocu di u guvernu, d'altrondi) ? Hè passatu un missaghju ? Fora di a glurificazioni sempiterna di a viulenza è di l'insulti chì par mè ùn sò micca un ditagliu.

D'un cummunicatu à dilla franca mi n'infuttu, Ùn eru nè pà manifistà nè pà invià i ghjovani à fà i vituperii eu. Ma quandu sentu certi "slogan" chì mi facini rocia aghju sempri a niscintria di dimmi ch'una missa à u puntu saria bè. Parchì mi faci sempri mali quandi i mei si cumportani com'è animali.

Ma t'hà a raghjoni o Circinelleccetera. Ùn ci hè po' bisognu di cummunicatu. Sì di cundannà certi prupositi nazisti hè un prublemu tamantu moscia bè u fossu chì ci spicca.

È avali m'aghju da arristà parchì hè da avali ch'aghju dicisu d'ùn perda più tempu cù ghjenti chì m'addispirarani sempri. Finalmenti ùn ci hè nienti ch'hè statu imparatu. Nienti ch'hè scambiatu.

Allora bona strada. Ancu senza cummunicatu. Ghje' facciu a mea a strada.


51.mandatu da circinelludiguagnenativupeliguagnesusosanguaversatu u 10/04/2009 14:54
MA UNA MERDA !!! Avereti forsa a raggiò cù ssa storia di tags, ma eti tutti da sorta d'u boscu ad intazzà a manifestazioni è i so urganizatori par st'affari ???????
ùn ci hè statu ch'è què in Bastia ?
ùn aveti ch'è què à futta ?
Hè cancu !!! sangu 'la madunaccia è tuttu u restu ! U cunisciti u pruverbiu ? quand'u saviu mostra à a luna...
" i manifistanti avarani fertu 70 CRS... è persu a parti di l'opinioni (corsa o micca) chì l'era à favori" ... chi opinioni ? Nimu nè parla fora di quì !!!
"chì pò custà di cundannà pazzii simuli ? "... scrivalu tu u cumunicatu di cundanna...!!!

50.mandatu da Ghjuvan' Filici u 10/04/2009 14:20
So d'accordu incù altore.

I "tags" ùn sò micca una minuzia, una cosa lebbia, cuntrariamenti à ciò chì certi poni pinsà.
Bastaria solu chì l'urganizatori di 'ssa manifistazioni avissini u curaghju di dì : "hè una vargugna è i cundannemu" (i trè chì sò scandalosi tutt'è trè).

Sì di nò u risultatu hè beddu chjaru : i manifistanti avarani fertu 70 CRS... è persu a parti di l'opinioni (corsa o micca) chì l'era à favori.

Ma sangu 'lla miseria chì pò custà di cundannà pazzii simuli ?

49.mandatu da altore u 09/04/2009 21:08
o machja ghjè assai ch'ùn hè più pruibita! u prublema ghjè chì quand'ella era pruibita a parlavanu listessa è avà chì ghjè ancu insegnata i parenti ùn la parlanu mancu à i so figlioli... eppuru quessu sì l'attu militente micca à scrive n'importa chè in frencese! aghju duie figliole è ùn li parlu chè corsu... ùn sò micca s'ella hè u casu di tutti i sapientoni chì parlanu assai di a lingua corsa ma ch'ùn la parlanu micca o pocu... ùn c'era chè da vede sabbatu pè a manifestazione i discorsi à a fine... oimè! una parolla di corsu pè 10 parolle di frencese! mi dumandu sè una manifestazione naziunalista à u paese bascu si compie pè discorsi in spagnolu... mi stunerebbe! simu à a risa! è i capimachja naziunalisti i primi! una lingua si difende po esse in cherrughju ma di sigura di più in casa, in paese, in cità, per ignilocu è tutti i ghjorni cum'è quì nant'à a piazzetta... seremu omancu d'accordu nant'à què... in fine spergu...

48.mandatu da machja u 09/04/2009 14:29
Sopratuttu chi un si po paraguna, lingue cume u talianu o l'inglese, chi so lingue scrite,stampate e ricunisciute,e dinu imparate ind'e scole dipoi seculi, cu a lingua corsa parlata a l'apiattu e pruibita per u statu francese.

47.mandatu da estrimei u 09/04/2009 08:05
so d'accunsentu 'ncu machja ! participà a u sviluppu di a lingua 'un he micca imbasterdilla 'ncu parulle , incu accunciamenti a usu strangeru .
a cultura internaziunale pò fà prò (ci'ole a fà pianu a so ch'omu ci piglia), a cultura naziunale face l'omu.-ci'ole a sapè a nazione ch'omu sceglie -
un ci'ole mai a scurdassi chi a nostra lingua he a vittima di e lingue taliane e frencese - lingue di i culunisatore -
oghje , ch'he oghje, a majo parte di i nomi officiale di i lochi , so nomi trafficati per un avè piu nisun'sensu.

46.mandatu da altore u 08/04/2009 21:49
pace à a to anima...

45.mandatu da machja u 08/04/2009 21:41
A nostra cultura, a nostra lingua, u nostru sape millenariu un so mic 'aperti ?
SO SPALANCATI !!!!!
E ghje per quessu ch'elli smariscenu, rinpiazzati per u "franglesu" o u "francorsu", u folklore hè trapassatu anch'ellu,l'apertura l'ha sguassatu, un ci ferma piu che una sumiglia di cultura riesaminata , e passata per l'occhju culunialistu, chi n'ha fatu una ghigna chi face ride, o pienghje.
Murdernizàssi di issa manera, megliu a more.

44.mandatu da altore u 08/04/2009 20:57
o machja una cultura (cum'è una lingua d'altronde ) ch'ùn s'apre micca diventa folklore (ùn cunoscu micca a parolla corsa) pè a cultura è lingua morta pè a lingua... ùn vogliu nè i machjaghjoli nè u latinu pè i mo figlioli... apresi ghjè un obligu... è ghjè cusì ch'elle s'arrichiscenu è a cultura è a lingua.. è po di tutte manere pè forza o per amore à l'epica d'internet vulè stà nant'una spezia di tempi d'oru di a corsica ùn vole più dì nunda... guerda a lingua taliana chì ghjè quantunque una lingua surella (o cugina) di u corsu cum'ella hè scambiata... eppuru ghjè sempre talianu.. listessa pè u frencese... allora u corsu si mudernizeghja o si more... è a cultura corsa dinù.

43.mandatu da machja u 08/04/2009 19:56
Iè o Piratella, per me issa doppia cultura hè una disgrazzia, perch'ella hè quella di l'invasore ,e ha suppranata a cultura nustrale,un l'aghju mica scelta mi l'hanu imposta.
Per me un hè mica una ricchèzza,ma un intrusione murale, chi ha scambiatu a l'insapiuta,a me manera di ragiunà, e assuffucatu u spiritu corsu di i nostri antici.

42.mandatu da piratella u 08/04/2009 18:58
Ùn cunnoscu nisun populu chì tutti sianu d'accunsentu, nisuna nazione unita, hè un sonniu (chì d'altronde certi tornanu in sunniacciu pruvendu à "furzà" l'unanimità : i paesi tutalitarii)

U cuntrastu, ancu e letiche, sò naturali. Ma seria megliu di ùn aduprà e ghjastemme nantu à un Blogu cum' è questu quì, chì n'avemu bisognu di stu spaziu...


41.mandatu da piratella u 08/04/2009 17:11

"per disgrazia, aghju una doppia cultura"? Ùn hè mai una disgrazia d'avè una doppia cultura, hè una ricchezza, aiò!

40.mandatu da estrimei u 08/04/2009 17:02
O ghjente,
fate pianu a un fà cume nant'a u foru di Rinnovu.
so capiscu bè, vulemmu chi u nostru Paese ,sie ricuniscitu e rispettatu 'nu a so dignità, vulemmu chi i figlioli di sta terra - u Populu corsu - possinu campà 'nde elli 'nu u rispettu e a dignità .
mi pare chi per ghjunghjeci ci he piu bisognu d'unione, di riflessione e micca di létiche .
cuntrastà , ié, e falla in lingua nustrale he un attu militante , ma micca inghjulie - un pensu micca chi quelli chi venennu nant' a stu foru sianu fiati a i rugnuluti ( quellu di Piana e quellu di Bastia ) o a u conte di Cala Purcina .
sabatu scorsu in Bastia , eramu numerosi. ci era ghjente di tutte l'étà , per dinunzia a ripressione frencese in Corsica . si tutta sta ghjente d'Ajacciu e di Bastia he cuscente ch'ell'he figliola di sta terra e ch'ella ha diritti e duveri , ci putemu sorte.

39.mandatu da machja u 08/04/2009 16:02
Un aghju mai parlatu "d'autodafè",cume te aghju una dopia cultura, per disgrazzia,un vogliu mette a nimu in li forni, u sogu mica un fascistu o razzistu.
Anc' eiu sogu contr'a viulenza, ma tutte e viulenze, a principia per chella di u statu francese, quand'ellu cacciarà e so forze di reprezzione tandu puderemu piantà e manifestazione.
Aghju letu cume te tutti si libri intelletuali, che la sia Sartre o l'altri, ma dino i libri corsi, ma un aghju bisognu ne di pastore ne di omu carismaticu, per pensa da per me.
Eiu so Corsu inanzu d'esse o cumunistu, marxistu,maoistu, e un mi lasceraghju mai influenzà per e domme vinutu d'altro.
Un seraghju mai a u putere,un hè mica u me scopu,per me bastaria che u populu Corsu sia liberu di sceglie u so distinu.
Avale si tu ai un'altra soluzione, famila sape......perchè e cundànne un bastanu...ci si vole dinu pruposte.

38.mandatu da altore u 08/04/2009 14:48
perchè chì simu d'accordu nat'à u restu... basta à dì cum'è tù l'ai fatta (à mezzo voce dice u talianu ma l'ai detta listessa) ch'ùn c'era micca chè premii Nobel indè a manifestazione...cumè indè tutte e manif d'altronde... ma sè nimu li dice "guerda quessa ùn si scrive micca perchè chì n'avemu una storia è una cultura chì vanu à l'incontru di sta pensata" sè tuttu mondu dice " i corci ùn sò micca astuti astuti " à ogni manif hà da ricumincià... sè i capimachja naziunalisti dicenu "què ùn ne vulemu più" averà forse un valore d'esempiu... forse... "il faut pas deseperer de billancourt" dicia Sartre... iè o machja aghju lettu l'intelletuali frencesi... quand'è tù serai à u pudere puderai fà "l'autudafè" di i libri chì facenu pensà male.. per tè... ma ùn cuntà nant'à mè pè fatti ghjunghje...

37.mandatu da circinelludiguagnenativupeliguagnesusosanguaversatu u 08/04/2009 14:35
"francica fracica (jeux de mots dirait maitre cappello..) " : )
u peghju hè chì l'avia pensu 'ssu jeu de mot , ma mi sogu vargugnatu di dumandatti s'è tu l'avii fattu appostu...
pà essa più seriu è fà un riassuntu di 'ssu "filu", diciaraghju chi cum'è d'abittudine ci magnemi u fecatu tra di noi, allora chi (à rileghja tutti i missaghji) semi tutti d'u listessu avvisu (fora forsa di culomba 1 qui voit des fachos partout)
ghjè sicuru chi certi ind'a LLN ùn saranu micca astuti ma mi sgena chi tutta sta tindenza sia paragunata à i mù, chì so... mù, ch'ùn sanu nè 'nduva elli vanu, nè parchì...
in quantu à u discorsu tìpicu "eu sogu contr'à a viulenza ... perchè ùn hè micca abbastanza dura..." Ohimè, ohimè !!!
semu in traccia d'intazzacci nantu à una manifestazione legìtima chi finalmente s'hè sciolta bè, è caschemu in a trappula di litigacci senza più parlà d'u restu...

36.mandatu da altore u 08/04/2009 14:21
erratum torna.. manca una frasa... ma averte capitu a mo pensata

35.mandatu da altore u 08/04/2009 14:19
o henry face piacè... nunda à aghjustà... lachemuli fà i so filmi... a machja l'anu vista di sigura più da luntanu chè noi... campu in paese facciu campà (cù d'astri) u mo paese è è u discorsu puliticu hè più chè debbule. una casa ùn si face micca partendu da u tettu. a libertà per esse vera hà da esse pensata capunenzu... certi cum'è machja a volenu è dopu videremu bè ciò chì ne sorte... principianu pè u tettu... ma vecu chì corsi di prima trinca chì pensanu a libertà prima di dumandalla ci n'hè sempre ... basta à circà. mi ralegra u core è mi dà a sperenza in u mo populu è u mo paese.

34.mandatu da henry smart u 08/04/2009 12:42
Eiu à dilla franca ùn capiscu mancu appena sta vulintà simplicista di inchjustrà u dibbattitu trà certi chì serebbenu "mous" è d'altri chì serebbenu "duri", veri cumbattenti di a LLN.
Sò d'accunsentu cun tè altore u fascisimu si dinunzia è puntu è basta !! Hè vera chì carchì tag ùn hè micca u più grave è ch'ùn sapemu micca quale ch'hà scrittu ste cunnerie razziste ma quandu ci hè un dubbitu (m'arricordu sempre di l'integrazione di gruppi clandestini razzisti ind'à detta LLN) ci vole à esse chjari.
E pò induve sò i "duri" in Corsica ? quelli chì volenu fà a LLN mi pare ch'ùn hè micca cusì ch'ella si face : appena di viulenza in carrughju cù giovani di 16 anni davanti, un plasticu à M dupont, 60 anni chì stà in carchì paisolu persu, un apperitivu u sabbatu sera, un filmu di culu di tantu in tantu, una serata "culturale ??" cù l'arcusgi...aiò aiò ..fate cum'ellu hà dettu leon allessandri ind'u so libru: falemu in carrughji cù l'arme, dichjaremu a guerra à a francia, dimu ch`è simu una nazione è pigliemu a prefettura sapendu ch'ellu ci serà assai morti...
Un dicu micca chì so d'accunsentu cun què ma omancu hè chjaru è si chjama a LLN !!
Quandu si vede a strategia in guadeluppa, mi dicu chì simu assai luntani...
per finisce, dinunzià u fascisimu ùn hè micca esse mou, avè a brama d'un discorsu puliticu custruitu ùn hè micca esse mou (hè più chè chjaru chì a strategia di u muvimentu "duru" hè d'aspetta i sbagli di a Francia), vulè purtà a lotta contr'à a ghustizia contra terrurista al di là di i naziunalisti è a Corsica ùn hè micca esse mou: à u cuntrariu ci vole u travaglià sempre..

33.mandatu da machja u 08/04/2009 12:16
A parullacia hè lampata" FACISIMU", e tutti a ripliglianu ,da Rocca Serra, a Bucchini, passendu per a Zucca e u nostru amicu Altore.

Sabatu hanu vistu fala in carrughju " e camigie nere"
Attenti o figlioli! a pesta nera hè di ritornu !

Ch' hanu da truva a prussima volta ?

32.mandatu da altore u 08/04/2009 10:34
ùn si pò mancu più ride... francica fracica (jeux de mots dirait maitre cappello..) . aghju fattu un sbagliu scrivendu in furia ma quessu ùn l'ai micca vistu...è ghjè tamantu! try again. in una frasa sola a ti poi fà, a sò...

31.mandatu da circinelludiguagnenativupeliguagnesusosanguaversatu u 08/04/2009 07:25
"a francica"... ? Alè o Altò, try it again ! ;)))

30.mandatu da altore u 07/04/2009 21:32
ERRATUM ... ci vulia leghje turchinu biancu è rossu ...A FRANCICA

29.mandatu da altore u 07/04/2009 20:56
Nicoli, giustu nenzu di more scapatu da i fascisti (chì u vulianu mette à u fornu) ci hà lasciatu una lettera chì dicia "pè pensà à mè purterete un fiore rossu è una testa mora". ùn hà mai parlatu di turchinu biancu è negru.

28.mandatu da machja u 07/04/2009 19:23
Iè i tinti , Nicoli, Giusti, Mondolini e ancu Daniella Casanova( un ci era mica chi i cummunisti) si voltanu in a so tomba, ma mica per isse parullaccie scritte nant'un muru per calchi scemi spenserati, ma per che hanu datu a so vita per u STRACCIU FRANCESE.

Aghju sceltu "machja" per che so a pena cume ella:

A chi si zinga focu
Ci si bruggia
A chi ci entre d'amore
Diventa Macchjaghjolu
Cu noi....

Eccu, fratellu corsu....

27.mandatu da altore u 07/04/2009 17:16
mi n'impippu di sapè quale hè u più fascistu! sè unu hè fascistu appena è l'astru fascistu à l'anima sò fascisti tramindui! è dunque à cumbatte tramindui. è t'aghju da dì ancu megliu! u fattu di difende cun tanta zerga sti giovani (o vechji appressu tuttu) ch'anu scrittu què mi porta à pensà ch'ùn sì tantu luntanu... ti faci chjamà machja... sappia chì a machja hà prutettu persone ch'ùn t'averebbenu micca lascià dì sprepositi simuli! i Nicoli, Giusti, Mondoloni si voltanu in a so tomba! a libertà sì! ma vogliu sapè u scopu in daretu. demucrazia tulerente (cum'è l'avia fatta Paoli ch'ùn lighjia micca corciu matin ma di sicuru i filosofi frencesi) o regime à l'usu algerianu ? u populu hà bisognu di sapè pè fà a so scelta... è sò ch'ùn sò micca frencese ma ùn vuteraghju micca per un pertitu chì cuntinueghja à difende ciò ch'ùn si pò difende... puntu è basta.

26.mandatu da machja u 07/04/2009 16:28
Quale so i francesi chi difendenu a nostra lota, o chi cercanu a capiscella ?
Per disgrazzia un simu ne neri, ne musulmani, ne gialli e per i francesi un simu che ladroni, razzisti,tarruristi e assassini, chi si tecchianu ancu i so soldi.
Tutta a storia di a francia e a so pulitica culunianista, he stata fata in lu sangue di i populi sottumesi, ch'ella sia in Algeria, in Africa Nera o in Canachia in duve c'he stati assai morti.
Mi dispiacce di parla ti di sa manera, ma u to discorsu hè a prova che tu si cume tanti altri, culunisatu ancu ind'e u to pensamentu, u to discorsu ,hè cume dicenu l'intelletuali francesi e certi corsi inpizutiti "politiquement correct".
Spenghje u to postu di televisio, bruggia u torche matin, e cerca a pena di rifleta da per te, e tandu ai da cambia d'avisu.
Qual 'hè u piu fascistu ? quellu chi scrive parulaccie ind'e una manifestaziona, o quellu chi ha prugramatu, urganisatu a l'agrottu, pinsatu a morte di un Populu, di una cultura di una lingua ?

25.mandatu da altore u 07/04/2009 15:12
eiu dicu chì quandu una lotta armata ùn ripone più nant'à une discorsu ideològicu (ch'ellu sia di dritta o di manca ma spergu di manca) diventa viulenza pè viulenza à l'usu "orange mécanique". è tandu c'hè un periculu pè a giuventù ancu più maiò chè duie lacrimò. ùn dicu micca di cundannà a viulenza, dicu d'arimballa à un discorsu chì senta di qualcosa... è pè quessa ci vole à cundannà ssi scritti di manera chjara... ùn capiscu micca l'interessu chè n'avemu à lascià pensà à l'opinione corsa è frencese chè i patriotti corsi sò fascisti.. spiegatemi... a sò chì certi anu da dì "ci ne futimu di l'opinione di i pinzuti" ma e liberazioni di l'astre culunie frencese sò state pussibule perchè chì in francia stessa certi eranu à favore di i ribelli. guerdate l'algeria l'africa negra o ancu più vicinu à noi a canachia.

24.mandatu da machja u 07/04/2009 14:43
U prublema d'assai corsi hè ch'elli so tropu astutti, e rifletanu tropu !
O ghjente un vi scurdate che simu in GUERRA contra u statu francese chi vole tumba u nostru populu.
Alora certi scritti nant'a i muri so menu viulente chi i tiri tesi di i CRS, so parulaccie scrite in furia, arrabiate di pet'a riprissione scatinata,sprupurziunàta di u statu francese.
Un cascate mica ind'e a trappula, chi vole fa crede che no simu razzisti, u statu francese dipoi tren'ani a circatu a imbruta a nostra lotta, dicendu pimu che no eramu, "maffiosi", làdri,tarruristi, assassini e oghje ra.zzisti !!!
U populu Corsu he sempre statu,un populu fieru e degnu ,accugliente, un vi lasciate mica ingannà, per a prupagànda bugiarda, e u discorsu astiosu di a francia scelerata.
I RAZZISTI SO ELLI, L'ASSASSINI SO ELLI, A VIULENZA ARMATA SO SEMPRE ELLI !!!!!

Un hè piu ora di raggiunà o di fa discorsi filosoficci cu ghjenti chi cercanu a tumbà a nostra ghjuventu.

23.mandatu da C.BARBIER u 07/04/2009 14:29
O Cardì, ghjè a Corsica chì hà gualantu cù a morte di u prefettu, ci vulia à riflette appena prima di tumba lu!!!

22.mandatu da Paulu u 07/04/2009 08:34
A Cardincu (è micca cardinchu).
Statti in casa chì si più malignu chè l'altri. A difesa d'Yvan è DI l'ALTRI ùn si puderà fà chè incù a mubilizazione. Tuttu e restu sò chjachjare chì facenu u ghjocu di u culunialisimu.
Chì speri torna ? Scunvince l'anti naziunalisti o i francesi in mustrandu un visu di bravu è di pacificu ? Ti sbaglii, più calerai u capu è più piglierai colpi. Ghjè ciò ch'ellu face u Statu francese dapoi mesi è mesi.

21.mandatu da cardinchu u 07/04/2009 04:23
Quale hè chì a gadagnatu, sabatu ? Zuccarelli, Roccasera, Santini e A Strega di Alliot Marie.
Eiu, un'so micca venutu perchè a sapia, perchè nimu mi pigliera in ostaggiu, perchè un vuglia micca fa perde credibilita a a difesa d'Yvan.a à so famiglia. Site stati manipulati da u statu francese senza dubitu, site cuntenti, fieri, alora tuttu va bè......................

20.mandatu da ZIU ANTO U PURCAGHIU u 06/04/2009 23:24
per una volta si flicacci francesi s'anu pigliatu uni pocchi di colpi da i gjiovavi corsi in rivolta.Quessa ghé bon ségnu,hé quella continueghji,colpi presi,colpi resi.Quant'a si scritoghji natu a i muri di a posta di bastia eiu pensu quelli saranu fati da si flicchi per pruvucazione,cusi so sicuri di facci mal védé da i francesi dubitosi di a nostra sorté...

19.mandatu da zuccarellator u 06/04/2009 23:17
eiu mi n'impippu di a viulenza, di i tags, di i CRS minati è di e banche assaltate (peghju per elle)

ma u prublema hè chi cun tutta ssa "viulenza", ùn s'hè più parlatu di u successu pupulare di sta manif, è u grande vincitore si chjama... Emile Zuccarelli !

CQFD...

ancu sta closcia di pseudo-culturale di Jean Charles Marsily hà truvatu à dì...

pover'à noi !!

18.mandatu da altore u 06/04/2009 23:00
ùn dicianu micca "balanini unti è fini"! ai a regiò smarrisce tuttu!

17.mandatu da Balaninu u 06/04/2009 22:55
eccu, è po ci avete da fà cacà per 3 tags di merda ?? quant'à mè l'averanu ancu scritti da fà ride... Pocu l'affare o zitè...

È ùn fate micca cum'è s'ell'era novu : da chì u mondu hè mondu (...) si scrivenu cunnarie nant'à i muri chì facenu ride più o menu, da "arabi fora" à "on vous a rendu l'algérie, rendez nous Ghisonaccia" passendu pè "Edmond : la canne à pêche ou le fusil ?"

Impreme pocu, è s'ell'hè tuttu ciò ch'è vo ritenite di sta manifestazione, allora ci hè un prublema...

Ma avete a ragiò, sti giovani sò tutti rubbaccie da mette in prigiò è ghjera megliu nanzu chì tandu tutt'u mondu parlava corsu, a lingua di l'antenati di a nazione demucratica di i diritti di l'omu di Pasquale Paoli di a rivuluzione è di a pace ind'u mondu per a salvezza di i populi di e muntagne salvatiche di l'onore corsu di u fucone di a castagna di e filette.
È sopr'à tuttu ùn si scrivianu cunnarie nant'à i muri, mai ch'ella sia.,

Aetta tanti discorsi per nunda...

16.mandatu da altore u 06/04/2009 22:48
fussila puru o topu pinnù! ma tandu hè ancu più faciule à cundannà pè i pertiti naziunalisti nò? è a pusizione pulitica serebbe assai assai più chjara. pè l'amicu "duru" (postu chì eiu sò "molle"), sè esse molle ghjè cundannà u periculu fascistu d'ogni muvimentu di liberazione naziunale, tandu sò molle. è fieru. cundannà stu periculu ùn hè micca cundannà a lotta... a lotta hè giusta ma pè a liberazione di un populu micca pè l'odiu d'un antru.

15.mandatu da Topu pinutu u 06/04/2009 22:36
Sti "tag" ùn possu esse sicuru ch'elli sò stati fatti da i manifestenti : i ghjorni avanti a manifestazione, ùn si ne parla, pensu chi tandu ùn c'eranu chi si no l'averiamu sapiutu... Versu 6 ore a u passeghju di a manifestazione ùn c'eranu, chi so passatu davanti, aghju lettu "vive la violence politique ... " (mi so dettu anch'eiu "ùn scrivenu mancu piu in corsu") et "Erignac : salope" ma nunda nantu "les français au four".
Mi pare allora difficiule dopu, indè l'azzuffi chì si so spiezzati abbastanza in furia in piazza santu nicula, di scrive st'infrasata à pena longa cù lettere bè fatte à mezu à u fume di e lacrimogène ... dopu à stu locu dettu hanu pigliatu piazza i CRS ...

14.mandatu da bastia u 06/04/2009 22:35
tuttu u mondu o ghjustu i "mous" facenu tuttu un brocciu 'cu sti tags aio u risultatu di a manifestazione un e micca piu impurtante che stu tags ?

13.mandatu da altore u 06/04/2009 21:35
sò d'accunsentu cù culomba. i tags di a posta sò vergugnosi. à mè ùn hè micca a viulenza chì m'hà stumacatu sò sti tags... "les français au four" (scrittu in frencese chì u capone ch'hà scrittu què serà un razzone) ghjè indegnu d'un patriottu corsu. pè disgrazia ogni lotta di liberazione face chì lottanu fiancu à fiancu u negru di u razzisimu, di l'intulerenza, di u naziunalisimu (pè mè ùn hè micca una bella parolla) è u biancu di u militente di i diritti umani è di i diritti di i populi. sè un ghjornu pè furtuna simu indipendenti, ci vulerà à fà u spazza spazza... in aspettendu, vogliu sente i pertiti naziunalisti prununziassi anant'à issi scritti... ci vole avè u curagiu è l'onore di dinunzialli. luttemu ma senza vende a nostr'anima o fratè ! chì i corsi ùn seguiteranu micca è averanu a regiò!

12.mandatu da Culomba1 u 06/04/2009 19:46
U fattu d'avè conni è fascisti in faccia ùn rende micca sempre più intelligente

11.mandatu da circinelludiguagnenativupeliguagnesusosanguaversatu u 06/04/2009 19:34
uffà ! Tuttu què ?
Ghjè ciò ch'è tu hai vistu sabbatu in Bastia ?
Eri piuttostu à u cunsigliu di i ministri, no ?

10.mandatu da Culomba1 u 06/04/2009 19:12
à mè ciò chì m'ingonfia hè a cunneria, l'ipucrisia, u fascisimu, u razzisimu è a manipulazione.

1 2
Novu cumentu :