Accueil
Envoyer à un ami
Version imprimable
Partager

Marina, fà qualcosa !

Face una eternità chì a meteò ci dice : tempacciu, tempurale, timpesta, acquate, piogia, ruppate è rinfriscata. O Marina, fà qualcosa !!!



Marina, fà qualcosa !
Và bè chì a Corsica hà bisognu d'acqua, ch'ella face prò à a natura è à l'animali chì pascenu l'erba fresca.

Và bè ch'ellu hè sempre un piacè di vede a faccia stumacata di i turisti chì pensavanu truvà sole è calore.

Ma quantunque...

Avà chì i nostri fiumi correnu à rioccu, chì i matrali sò colmi è chì ùn si sà più chì fà di tutta st'acqua, basterà nò ?

Ùn si sà si u rispunsèvule hè u Gulf Stream, u vulcanu islandese, a deregulazione climàtica, Spoutnik o u Padduc, u fattu si stà chì stu mese di maghju hè u peghju da poi chì Marina Raibaldi dice a meteò à France 3.

U pruverbiu dice "Nè per maghju nè per maghjone, ùn caccià u to pilliccione".

Avà aghjusteremu "Di maghju per piacè, appronta u to Kway"...

u 15 di Maghju 2010
u webmaestru



1.mandatu da Vannina u 15/05/2010 16:28
Pà un mesu di dicembre, faci ancu beddu tempu mi pari...^^

2.mandatu da Milanista delusu.. u 15/05/2010 16:39
"Acqua minuta, ghjunghje à e carne è ùn hè criduta" ùn mancherà l'acqua quist'annu..tantu megliu...!!

3.mandatu da MarcUscemarellu... u 15/05/2010 16:43
Si u tempu pudia firmà sempre cusi, ùn ci sarebbe mancu più prublema di "Tourisme". Eccu, sustenimu u vulcanu islandese è u Gulf Stream...Gloria à voi ..!! Pè certi sarà ancu l'occasione di lavà ancu i so cerbelli imbrutatti....dà l'anticyclone...!!

4.mandatu da acquacroscia u 16/05/2010 05:20
un piovera mai abbastanza per lava i nostri peccati , aioooooo o Marina facci qualcosa hummmmmmmmmmmmmm

5.mandatu da tinelu u 16/05/2010 08:59
L'acqua linda pura di e nostre muntagne
ciolerebe a vende a sti paesi Di u Maghreb
elli annu l'oru neru e noi l'oru biancu

6.mandatu da Exxonu... u 16/05/2010 09:15
Solu u paese di l'Algeria hà petroliu o Tinelu micca l'altri, mà noi dinù avemu à u largu di Biguglia...Puderiamu esse una PetroMunarchia un ghjorne forse, e tene l'acqua preziosa pè a nostri agricultura, chi senza ella...

7.mandatu da L. Mondoloni u 16/05/2010 23:44
Eiu quandi a vecu cusì me vene u caldu...

8.mandatu da Filicone u 17/05/2010 16:33
Ghjè veramente un pachettu Sta marin. A momenti t ha 100 anni e sempre

9.mandatu da ghjuvan'marcu u 18/05/2010 13:40
Marina è senza dubitu a regina di e previsione meteorologiche. Calculà u tempu è una sapienza maiò e Marina è una enciclopedia. Ind'è mezzi cumpetentI, a chjamanu : "La rousse aux roberts illustrés"...

10.mandatu da ARC u 19/05/2010 16:17
Bunissima o Gmarcu..mà serà roba naturale o di a famosa Valley..??

11.mandatu da ACCANITU u 26/05/2010 11:14
Canta e popule corse cù Marina......

Novu cumentu :