Accueil
Envoyer à un ami
Version imprimable
Partager

Marseillaise in Furiani : cumu rende omagiu à e vittime ?

Daesh sò i più forti. Anu ancu riesciutu à impone a Marseillaise in Furiani, per u derby corsu. Allora truvemu da per noi una manera (bella) di rende omagiu à e vittime di l'attentati, senza fà pulemica.



In u grande "complot" mundiale contr'à u Sporting, ci vulerà forse à mette à Daesh. À u mumentu induve u mondu sanu (o guasi) vole rende omagiu à e vìttime di l'attentati di Parigi, eccu chì Thiriez hà avutu un'idea luminosa : fà sunà l'innu francese nant'à tutti i terreni di L1.

A LFP a dice nant'à u so situ :

Enfin, l’hymne national sera joué avant les matchs en hommage aux victimes des attentats. Frédéric Thiriez : « Jouer au football est un acte de résistance contre la barbarie. Après la douleur, après les larmes, la vie doit reprendre. Les sportifs comme les artistes peuvent donner l’exemple ».

U prublema, hè chì quandu Thiriez hà un'idea, hè rara ch'ella sia bona.

Una Marseillaise, à a dumanda di u francese u più udiatu di Corsica, in Furiani, per un derby corsu, chì casca in più per l'anniversariu di Bastia 1905... pare esse una magagna surtita da un cerbellu stortu. Ma nò, hè a realità.

Hè dinù a più bella manera per ch'elli nascinu incidenti. Nant'à e rete suciale, l'affare hè cummentatu.

Fischjà ? Nò...

Ben'intesa ch'ellu ci vole un omagiu, bellu, sulenne, à e vìttime di sta strage. Ma cumu fà ?

Marseillaise in Furiani : cumu rende omagiu à e vittime ?

Si pò fà passà a cunsigna d'ùn fischjà micca, di rispettà, di fà silenziu durante l'innu francese... tantu ch'ellu si pò. Cumu esse siguri ch'ellu ùn si passerà nunda ?

In più, u SCB vole rende omagiu à u so educatore Dumè Albertini, smarritu sti pochi ghjorni.

Allora eccu unepoche di pruposte, casu mai a LFP accetti di cambià u protocolu di a partita.

Diffusà "All you need is love"

A canzona di i Beatles principia cù e note di a Marseillaise, è hè sempre megliu ch'è di sente "qu'un sang impur abreuve nos sillons".


Diffusà "Fratellenza", di u gruppu "I Fratelli"

Quale s'arricorda di sta canzona ? Nimu ? Bon, peccatu. E parolle parlavanu di fratellenza è di libertà.
Marseillaise in Furiani : cumu rende omagiu à e vittime ?

Fà 10 minuti di silenziu. O puru 20, o 30...

U club ùn puderia prupone di fà più forte ch'è un minutu di silenziu ? Dece, vinti, ancu trenta s'elli volenu.
Marseillaise in Furiani : cumu rende omagiu à e vittime ?

Cantà "La Marseillaise lensoise"

ciò ch'elli cantanu i sustenidori di u RC Lens à ogni partita :

Allons enfant de la patrie
Le jour de gloire est arrivé
Contre nous de la tyranie
L'étendard Sang et Or est levé
L'étendard Sang et Or est levé !
Entendez vous, les supporters
Chanter allez les Sang et Or
Allez, allez, les Sang et Or !
Vous êtes les plus forts !




Dumandà à i Dui Patricchi di cantà qualcosa

Hè prumessa, ùn i fischjeremu micca.
Marseillaise in Furiani : cumu rende omagiu à e vittime ?

Adattà a Marseillaise in corsu

Cun tutte e cunnerie ch'elli anu surtitu i gruppi corsi dapoi u Riacquistu, nimu hà pensatu à fà un'adattazione in corsu di "La Marseillaise". Cumu serà ?

"Aiò zitelli di a patria
Hè ghjuntu u ghjornu di gloria
Contr'à noi di a tirannia
U stendardu sanguinosu hè alzatu..."


Nò ? Bon...

Cantà "Imagine" di John Lennon

Magnifica canzona universale di pace. Tè, saria ancu una bona idea d'adattalla è ancu cantà la in inglese, in francese, in corsu, in spagnolu, in... heu...

Cumu ? Hè digià stata fatta ? È ùn hè micca una bona idea ?


Passà u cuncertu d'un gruppu corsu à u Bataclan

Iè, Canta u Populu Corsu è I Chjami Aghjalesi anu cantatu à u Bataclan.



Un omagiu à a manera di Cara Delevingne

A mudella inglese Cara Delevingne hà inventatu una manera originale di rende omagiu à a bandera francese.

Perchè micca purtà a vostra bandera olandese in Furiani ?
Marseillaise in Furiani : cumu rende omagiu à e vittime ?

Dumandà à Thiriez di suspende Furiani

Piuttostu ch'è di sente a Marseillaise in Furiani, serà megliu di ghjucà in Gueugnon, o di ghjucà à portechjose.
Marseillaise in Furiani : cumu rende omagiu à e vittime ?

U Diu vi Salvi Regina

Almenu, seremu siguri ch'elli ùn ci seranu incidenti. Mancu trà i sustenidori Aiaccini è Bastiacci, è puru sì nimu cunnosce e parolle.

A menu peghju di e suluzione ?



Marseillaise in Furiani : cumu rende omagiu à e vittime ?

u 19 di Nuvembre 2015



1.mandatu da l'azezu u 19/11/2015 11:45
Suluzione bona : nisuna.
A menu peghju, pensu eiu :
- lascià sunà l'innu, arritti è muti : sulidarità incù è vittime nucente
- cantà u Dio vi salvi dopu

2.mandatu da estrimei u 19/11/2015 12:09
'ncù a Marsigliese montanu a seca a u populu frencese :
d'un cantu li si dice cantemu a Marsigliese chi simu un populu , tutti inseme per luttà contru a quelli chi ci attaccanu (scurdendusi ch'ella hè a Francia -d'una manera più precisa Sarkozy e pò dopu Hollande - chi pigliendu esempiu nantu a Bush hè andata a stuzzicà u vespaghju ) , e di l'astru ('nù u spiritu di u liberalisimu mundiale suttumessu a e regulle di l'America ) ci volenu fà cantà "Imagine " e ci predicheghjanu u "vivre ensemble ".
u peghju hè chi i corsi si laccanu piglià da e prediche di quelli chi ùn sò che scrucconi .

3.mandatu da Alanu Uakbaru u 19/11/2015 14:14
iè ci vole à rende omaggiu a sti disgraziati. tintacci. ma un cantu culuniale in Furiani, nò !

u megliu saria di mette du Diu. tandu u rispettu serà tutale, è un passeremu micca a a risa

4.mandatu da Paupaul Uvivu u 19/11/2015 16:30
ma ùn si po micca esse sulidari di e vittime, rende un omagiu è ùn avè micca st'abuminazione di Marseillaise?

5.mandatu da BACHAR u 19/11/2015 20:23
MICCA MARSEILLAISE IN FURIANI...DUMANDATE A I CORSI CHI SO IN PRIGIO CUM ELLI SO TRATTATI....

6.mandatu da Pincu u 20/11/2015 09:40 (da un teleffuninu)
U mi piace micca u "Diu" ma hè a sola suluzione per un avè micca incidenti

A Marseillaise fiscata hà da esse una catastroffa

7.mandatu da bastiacciu stortu u 20/11/2015 13:55
cuandu omu si a un innu simule , un cè bisognu di fischia à nisunnu , u Diu vi salvi Regina basta per falli sabè qualè no simu....

8.mandatu da oghjiu u 20/11/2015 19:51 (da un teleffuninu)
E canta a marseillaise di gainsbourg in corsu, sara una primera canzona corsa di reggae, no?

9.mandatu da Ghjacumu u 21/11/2015 21:03 (da un teleffuninu)
Povara corsica.. Ancu tutti sti cervelloni nanta a piazetta simu salvi O Regina..

10.mandatu da Musantu u 23/11/2015 05:11
Eccu avemu fattu onore à a memoria di i nostri antenati. Rispettu di i morti, di quelli chì strazieghjanu è sempre pronti à sparte cù l'altru. Ùn dumandemu micca d'esse ringraziati l'avemu fatta di core è cù umanità. À CHI FACE , FACE À SÈ, TANTU U MALE CHÈ U BÈ.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta