Accueil
Envoyer à un ami
Version imprimable
Partager

MarseillaiseGate : trè ghjorni d'isteria

Di tantu in tantu a Corsica hè traversata da un grande dibattitu. Quist'annu, a dumanda era : Marseillaise in Furiani pè u derby, o micca ? Nant'à e rete suciale hè statu un scumpientu. Innò, ùn ci vole micca cuntà nant'à u ballò per avvicinà i populi...



Tuttu principia venneri sera. Pè rende omagiu à e vittime di l'attentati di Parigi è à u so educatore Dumè Albertini, u Sporting annunzia nant'à u so situ un protocolu differente di quellu impostu da a LFP : Diu vi salvi Regina, ballò cappiati in celu, minutu sciaccamanatu... ma micca Marseillaise.

Per evità l'incidenti è i fischji, u Sporting dice di vulè rende un omagiu à l'usu nostru. Averà fattu male ?
MarseillaiseGate : trè ghjorni d'isteria

Ma subbitu, a nutizia hè accurtata à una frasa : "i Corsi ùn sò micca sulidarii di l'attentati, ùn volenu rende omagiu à e vittime, ùn volenu a Marseillaise".

A mascina mediatica hè lanciata.
MarseillaiseGate : trè ghjorni d'isteria

U primu à sunà u culombu hè Jean-Jean, chì s'invita... in l'emissione "L'After Foot" di RMC. À quandu NRJ 12 ?
MarseillaiseGate : trè ghjorni d'isteria

Pierre Ménès si scala, ùn hè ch'è u principiu.
MarseillaiseGate : trè ghjorni d'isteria

Appena più tardi in a serata, hè a guerra di i cummunicati. Si principia cun quellu di u merre di Bastia, chì dumanda à rispettà a Marsegliese (innò, ùn hè micca un fake ).

Veneranu quelli di u presidente di a CAB è di quellu di u cunsigliu dipartimentale. L'affare diventa puliticu. Hè natu u MarseillaiseGate.
MarseillaiseGate : trè ghjorni d'isteria

MarseillaiseGate : trè ghjorni d'isteria

Nant'à Twitter i fakes, elli, si campanu.
MarseillaiseGate : trè ghjorni d'isteria

Ma u lindumane, ci hè una surpresa chì l'aspetta nant'à i muri di a merria di Bastia. Principia a timpesta.
MarseillaiseGate : trè ghjorni d'isteria

È chì face u giurnalistu Jean-Michel Aphatie u sabbatu matina ? S'annoia. Hè ellu chì lancia u hashtag #LaMarseillaiseàBastia.

(ma ùn averà ch'è què à fà ?)
MarseillaiseGate : trè ghjorni d'isteria

Bon, passemu nant'à e fine analise geopulitiche pustate quindi è culandi nant'à internet... Corse Net Infos l'hà digià fatta, è ùn ci hè nunda à dì : a qualità hè quì.
MarseillaiseGate : trè ghjorni d'isteria

Ùn ci sò ch'è i bufaloni di comptoir à tene pruposti indegni ?

Micca sigura. Questa quì hè incaricata di a cummunicazione di l'UDI à u senatu. Grossu livellu.
MarseillaiseGate : trè ghjorni d'isteria

U ministru di i sports Patrick Kanner entre in ghjocu. Eccu, avà l'affari sò in francese.
MarseillaiseGate : trè ghjorni d'isteria

Pierre Ménès hà u cerbellu chì macineghja è finisce per craccà anch'ellu.
MarseillaiseGate : trè ghjorni d'isteria

Ma mì ! Quale hè chì s'affacca quì ?

Ancu Alain Juppé ci và di u so picculu tweet nant'à i Corsi ch'ellu ci vole à addirrizzà. Un costa nunda, è face piacè à tuttu u mondu.
MarseillaiseGate : trè ghjorni d'isteria

A tensione cresce. L'omagiu di Furiani diventa un incidente diplumaticu. Ùn ci manca più ch'è u live di BFM è Itélé.

In fine di contu, u club cummunicheghja in u dopu meziornu, a Marseillaise risunerà in Furiani : "Le Club demande que cessent sur le champ les polémiques inutiles et récupérations politiciennes diverses qui ont hélas précédé ce derby corse, qui n’aurait jamais dû engendrer quelconque trouble ou division que ce soit."

Pierre Ménès pò esse cuntentu.

Ma cumu l'affari ùn sò mai semplici, eccu chì u libecciu soffia troppu forte. A partita hè attempata à u lindumane. 24 ore d'angoscia in più...
MarseillaiseGate : trè ghjorni d'isteria

L'affare si calma ? Pensate...
MarseillaiseGate : trè ghjorni d'isteria

Dumenica matina, ancu Corsica Libera ci và di u so cummunicatu per ch'ellu ùn ci sianu incidenti.
MarseillaiseGate : trè ghjorni d'isteria

U capimachja di i boffi nant'à Twitter lampa un'ultima zingata.
MarseillaiseGate : trè ghjorni d'isteria

Dumenica dopu meziornu, 1 ora è 45. Si sente una certa tensione in Furiani. U speaker d'Armand Cesari annunzia u protocolu : entrata di i ghjucadori, Marseillaise, Diu vi salvi Regina, ballò lampati in celu è un minutu di sciaccamanu.

Tandu, u publicu s'arrizza. U stadiu sanu. Seguiteranu difatti 15 minuti di silenziu cumplettu. Da veru impressiunante.

Da vede u filmettu.

Durante l'innu francese ùn ci hè nisunu incidente da signalà. Hè vera, ingiru à mè nimu canta a Marseillaise. Ma u Diu vi salvi non più.

Bastia 1905 elli, entreranu dop'à a Marseillaise in tribuna Petrignani.


Si risente un'emuzione forte. Ci sò giurnalisti chì a diceranu.
MarseillaiseGate : trè ghjorni d'isteria

Tutti ? Pensate...
MarseillaiseGate : trè ghjorni d'isteria

In quant'à Aphatie chì ùn vole cappià nunda, hà sempre u tonu superiore di quellu chì vole dà una lezziò à un zitellacciu.
MarseillaiseGate : trè ghjorni d'isteria

Certi truveranu dunque sempre à dì. Certi truveranu sempre piacè à vulè "inciaccà i chjuchi", à culpabilizà, mustrà chì i Corsi ùn sò citatini degni.

Peccatu, l'emuzione è l'omagiu eranu propiu belli. U publicu di Furiani era aspettatu. Ellu chì ùn face micca sempre cum'ellu ci vole, sta volta hè statu degnu.

Muralità : ùn ci vole micca cuntà nant'à u ballò per avvicinà i populi.

Ah iè un'ultima cosa : ancu di più ch'è a Marsegliese è u Diu vi salvi Regina, u più forte, u più bellu, u più impressiunante, era u silenziu.

CQFD ?
MarseillaiseGate : trè ghjorni d'isteria

Fora di quessa, era a prima volta ch'ellu c'era un derby trà u Gazélec è u Sporting in L1. U Gaz hà vintu 2 à 1, è hà meritatu a so vittoria. U Sporting hè in a zona rossa.

Ma quessa, tuttu u mondu si ne impippa.
MarseillaiseGate : trè ghjorni d'isteria



u 22 di Nuvembre 2015



1.mandatu da l'Azezu u 23/11/2015 13:11
À Prosper u ghjattu, à mè s'elli u mi danu u m'allevu à u pede di u carminu. È po u mantengu à croquettes, è più care.
Miau !

2.mandatu da antonu u 23/11/2015 13:38
"Cyril Graziani, journaliste politique à France Inter".

Ebbeh... no comment...

3.mandatu da infine graziadiu u 23/11/2015 15:10
tutti i Graziani ùn sò micca corsi

4.mandatu da corsicaturchina u 23/11/2015 17:53
eu l'aghju cantatu u DIU è mi so guasi venenu i lacrime una vera stonda d'emozione

5.mandatu da Zeppu Blatter u 23/11/2015 18:04
induve era eiu pocu mondu per cantà u Diu (guasi nimu...) peccatu

marseillaise rispettata. i frencesi aspettavanu i fischi per tazzacci. ùn simu micca cascati in sta trappula. simu stati forti.

TANTU MEGLIU PER UNA VOLTA

6.mandatu da tu vas la chanter la marseillaise u 23/11/2015 18:11
eccu ! perchè un innu, perchè stu simbulu per rende umaghju à vittime CIVILE ???

7.mandatu da sardu u 24/11/2015 00:15 (da un teleffuninu)
Si pensa chi i corsi subitu un rispettanu nunda...nimu di e vittime....pe coi chi ava fattu a francia...anu ricordatu piu un europa unita chi un esiste xche tutti si strafreganu di tutti...e poi esciunu ellu i caratteri ...i suliti ...invece di comba

8.mandatu da sardu u 24/11/2015 00:19 (da un teleffuninu)
Anu parlatu pocu di e vittime e tantu di " egalite fraternite e liberte"...

9.mandatu da ùn socu corsu micca u 24/11/2015 20:03
Ancu i talliani anu cantatu fratelli di franc……… ..pardòn a Marseillaise.

10.mandatu da Paris Brest ? innò Fiadone. D'accordu i dui u 26/11/2015 18:31 (da un teleffuninu)
Paris-Brest ? innò, Fiadone ! D'accordu i dui.

11.mandatu da Paris-Brest ? Innò, Fiadone ! D'accordu i dui. u 30/11/2015 09:25 (da un teleffuninu)
Hè sempre listessu prublema : ci sò quelli chì vedenu u bichjeru mezu viodu è quelli chì u vedenu mezu pienu.

L'umagiu chì c'hè statu in Bastia Dumenica hè statu magnificu, forte.

Lasciemu parlà e linguaccie. Di tutta manera truveranu sempre qual

12.mandatu da A Nuciola u 02/12/2015 19:35
Tutta stà storia per nunda! Cuale hè u prublemu cù a Marseillaise ?! Era un humagiu per i vittime di a catastrofa! Dopu chè vulete cantà u Diu Salvi Regina perchè no ?! A u cuntrariu rende l'humagiu più bellu!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta