Accueil
Envoyer à un ami
Version imprimable
Partager

Matina miraculosa : cumu fà pè diventà qualchissia è riesce a so vita

E donne è l'omi chì anu riesciutu, chì sò ricchi è celebri anu tutti un secretu : s'arrizzanu à bona ora è cunsacranu una bella stonda à a persona ch'elli volenu diventà, cusì dice Hal Elrod ind'è u so libru “The Miracle Morning".



Matina miraculosa : cumu fà pè diventà qualchissia è riesce a so vita

Pè disgrazia, aghjusta u sgiò Elrod, ci arrizzemu tutti à l'ultimu mumentu è pigliemu a sveglia à martellate : ci vole à sapella, quesse e matine sò mediocre, ùn sò micca custruttive è ùn v'arrecheranu nè successu nè nunda.

I putenti, i capizzoni, elli, Anna Wintour (Vogue), Tim Cook (DG di Apple) o Richard Branson (Virgin), s'arrizzanu una ora nanzu u fà di u ghjornu. Chì feranu arritti à st'ora ? Anderanu à munghje ? Innò. Dedicanu una stonda à diventà una persona più bona seguitendu una Rutina Secreta.

Issa Rutina Miraculosa, Hal Elrod a chjama « S.A.L.V.E. » è a palesa da chì ognunu si sviluppessi in veru.

1/ Silenziu. Stà mutu è medità : « Issu neru pensamentu ùn n'hè ch'è un nullu chì fughje digià... »
2/ Affirmazione. Ripete « Sò a cosa a più meravigliosa spuntata nantu à sta terra. »
3/ Lettura. Leghje una frasa di a metuda Couet o un pensà Strapositivu : « Ogni ghjornu hè un rigalu, basta à stende a manu »
4/ Visualizazione. Prevede a vostra Ghjurnata Ideale : u sole, i soldi chì piovenu, u publicu chì si prusterna.
5/Eserciziu. Bocchipenzulà, stinzassi è fà una stunduccia di ginnàstica…

Ma sentimu digià a vuciata. Cunsacrà una stunduccia matinale à diventà qualchissia serebbe megliu ch'è di dedicà una serata sana à quella o à quellu ch'è simu digià ?

Attenti Hal Elrod ! Eccu una Rutina Alternativa : ci pustemu nant'à un troppu in u Caffè di Michelone, chjamemu amiche è amichi è seguitemu i precetti di a V.I.T.A : vinu, impruvisate, tichjina, amore o amicizia.

Da sapene di più, mandate puru un sceccu à a Piazzetta

u 10 d'Aprile 2016
Zenbucucciu


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta