Accueil
Envoyer à un ami
Version imprimable
Partager

Mentalità-Canacciu ©

" Per resiste è francàssila à mezu à stu mondu selvàticu, in sta machja crudele di a sucetà oghjinca (o in corte parolle in stu mondu di diritta), ùn ci hè più ch’è una sola manera, una sola via da seguità : aduprate ancu voi A MENTALITÀ-CANACCIU ©.



Mentalità-Canacciu ©
Nasce tuttu da un custattu bellu sèmplice: e paste a si pìglianu sempre ind’è l’ò. È quessa, u Corsu astutu, a sà bè : « À chì si face agnellu u si manghja u lupu » dice. Allora eiu tandu dicerebbe piuttostu : « à chì si face lupu si sciacca tutte l’agnelle ch’ellu vole ».
Eccu per u perchè. Vidimu avà per u cumu.

A messa in pràtica di sta mentalità hè dunque un òbbligu per chì teme castighi è penseri è a soluzione di tuttu per chì vole frustà à pallittate. À ammaistralla ùn hè tantu diffìciule, u sangue corsu, carcu à fele, stizza è azizumme vi guiderà senza mancu ch’è vo a sàppiite.

D’altronde l’avete forse digià pruvata ancu senza sapella, chì A MENTALITÀ-CANACCIU © hè più o menu para à a MENTALITÀ-FACCIACCIA ©, A MENTALITÀ-BARBA DI TRÈ GHJORNI © à a MENTALITÀ-MEINDL © o ancu à a MENTALITÀ-CHÌ VOLI TÙ O FACCIA D’IMBUTU ? ©

L’esèmpii di rièscita ùn màncanu micca!

U Capitaine Fracass hà sempre chjavatu di più ch’è Tintin è l’Abbé Pierre s’hè mortu vechju figliu nò ?
È ùn vale micca solu per e donne, innò, ancu nù u travagliu bisogna à tazzà. Vi possu prumette chì seguitendu stu chjassu custì, da quì à pocu, averete duppiatu a vostra paga è puderete sciuravvi in terazza di caffè à guardà passà e vitture da a mane à a sera. N’anu fattu a prova i Guadaluppeani !

Allora ùn àppiite penseru à mandà à spassu à tuttu u mondu, pruvate puru, murzicate, fraiate è tazzate quant’ellu ne vene, ne serete di siguru ricumpensati. Ùn sò ch’è e farfalle à esse brave chì ùn ponu fà astrimente ! A MENTALITÀ CANACCIU HÈ QUELLA CHÌ PASSA È VINCE ! "

Alè, sèrvici…

u 1mu di Marzu 2009
Ussamà Ben Lazezu



1.mandatu da canigou u 01/03/2009 22:28
canacciu si,ma cursinu.

2.mandatu da Piratella u 02/03/2009 00:44

Bè vistu o Lazezu; LOL

Hè vera dinù chì l'agnelle sò sicure d'avè u core frantu (civa! l'amparerà à fantasimà nantu à i lupi!), invece chì e ghjacaracce l'anu tutti appressu i lupacci è li facenu pacà u male ch'elli anu fattu à l'agnelle (spezia di cunsulazione per quelle niscentre, ma sò ghjelose listessa, 'sse tonte)

Eppuru, eppuru, ogni tantu i lupacci venenu à manghjà in a manu di certe Fate ; ùn si sà mai ciò chì t'aspetta...


3.mandatu da ragoutoutou u 02/03/2009 01:56
sempre cusì azezu, stu ben lazezu !

4.mandatu da Kugùrn u 02/03/2009 14:33
http://www.walkaboutventures.com/dog.in.car.jpg


5.mandatu da ceccè u 02/03/2009 22:21
ma ùn vi scurdate di stu dettu impurtantissimu : CANE TASTAGHJOLU PORTA PELLE TUFUNATA. certi à vi puderanu ancu dì...

6.mandatu da Kugùrn u 03/03/2009 17:47
è ancu què...

http://www.youtube.com/watch?v=b2bExqhhWRI

7.mandatu da pif u 17/03/2009 23:08

Novu cumentu :