Accueil
Envoyer à un ami
Version imprimable
Partager

Millet vs Steradent

Mubilizazione in Corti contr'à u "Des chiffres et des lettres" club.



Millet vs Steradent
Hè a moda di u "vintage", di e serate "années 80" è di u "ringard chic".

Hè cusì chì un picculu gruppu di vechjarelli nostàlgichi di a Francia di e culunnie è di "La chance aux chansons" hà vulsutu creà una "CFR tribute".

L'associu "France-Corse" face passà i so cummunicati in Corse-Matin, scritti trà "Des chiffres et des lettres" è "Questions pour un champion".

E so idee : opposizione sistemàtica à tutte l'idee corse : nò à a lingua, nò à u statutu di residente, nò à un statutu istituziunale (ancu Pierre Chaubon si face insultà nant'à u so situ !).

È trippa si a lingua si ne morre è sì Miot hè statu arrestatu è imprigiunatu. Ma attenzione, ci dicenu ch'elli facenu parte di a "majorité silencieuse" hein !

Megliu : sustenenu à Jean-Jacques Panunzi in guerra contr'à l'associ chì lottanu contr'à a bettunizazione...

Aspettemu u so prussimu cummunicatu induv'elli dumanderanu u ristabilimentu di u "Congo Belge" è l'inviu di u "porte-avion Clémenceau" à u Cochinchine.

In zerga davant'à tutte ste pazzie piene di naftalina, a giuventù corsa hà vulsutu rispondeli, cù una cunferenza di stampa in Corti. À un mumentu induv'ellu si dice chì a giuventù corsa hè di più in più individualista, micca pulitizata è ch'ella ùn s'interessa à nunda, elli eranu un centu.

I più azezi l'anu rispostu ch'ellu ùn c'era bisognu di mubilizzassi pè una banda di vechji cucchi fanatichi di Pascal Sevran è di Charly Oleg. Ma elli anu tenutu à fà sente a so voce è à dì chì u cumplottu mundiale di i vechji ùn hè micca una fatalità.

l'11 di Ghjenaghju 2013
U Sgaiuffu



1.mandatu da ghjuva u 12/01/2013 13:09
BRAVI aviu finitu per crede che tutta a ghjuventu eranu diventati frencesi!!! bravi o zitelli seremu tutti incu voi

2.mandatu da casgiu vechju u 12/01/2013 13:20
hè falli troppu onori à sti vechji

ma felicitazione à a giuventù chi si move

3.mandatu da Cazzu marinu u 12/01/2013 14:00
Sò filici tutti nò ?

Pensu chì di fatti, i milleti anu da diventà i Steradenti da quì à 30 anni.

4.mandatu da Indria u 12/01/2013 14:15
Quelli chi pagheranu a fattura di a catastrofa sò i ghjovani.
E cunsequenze di a tuntia di i vechji, sò i ghjovani chi e pateranu.
Quelli chi ùn hanu più a lingua, quelli chi ùn hanu micca impiegu,
è quelli chi si feranu FUTTE FORA di a so casa, sò i ghjovani.

5.mandatu da Iglù u 12/01/2013 14:39
Eccu o Indria...

A Corsica, u paese induve i vechji mettenu fora i so giovani

6.mandatu da ANTO u 12/01/2013 15:11
Ma chi sera ssa moda di vestessi cumè u GIGN,in Millet e metessi scarponi Mendl (pè anda annantu a piazza San Nicula ) , i corsi hannu sempre purtatu u villutu o u "bleu de Chine" e un passavanu micca u so tempu a va marchia u télefuninu cu i so diti !
In quantu a i primi in ci vole micca a falli l'onore di parlà d'elli ,hè una razza chi si ne spenghje sola .

7.mandatu da Frantz Keurs u 12/01/2013 15:56
Aio ! Lasciatelli stà à France-Corse !

Ogni volta chi Profizi è Roustan aprenu a bocca, ci campemu di rise !!!!

Let's go France-Corse !!!

8.mandatu da henry smart u 12/01/2013 23:37
France Corse, un c'he da fanne un cuncistoria ! una manata di vechjarelli fascisti nustalgichi di u spiritu culuniale francese ( è ancu corsu d'altronde) .
ava, capiscu ssi ghjovani...ma li cunsigliu di tene a so energia per custruisce ogni ghjornu stu paese, cuminciendu per a lingua ! u megliu per fa scimisce sse rubbaccie he di cumencia à rimette l'affissi in lingua corsa per e serate studientine. " venez fêter les 30 ans de l'université" mai più..

9.mandatu da Indria u 13/01/2013 00:04
U più impurtante pè i ghjovani, hè di priparassi à manifestà pè l'arrestati MIOT da quì à parechje simane. Tuttu u mondu deve manifestà. Pè a vita, pè l'anziani, pè i GHJOVANI !

10.mandatu da Cazzu marinu u 13/01/2013 00:05

11.mandatu da Corsi-k u 13/01/2013 03:39
@ Antò : t'aveti a raghjò
O Ghjuvà un vali a vastavi u sangui è cattivu pà u cori, in più cori, n'aveti.
Bonna notti à tutti

12.mandatu da Arabu arruba aroba u 13/01/2013 08:08
Cù alzaimer chì avanza à gran passu da quì à dui o trè anni ùn s'arricorderanu più ciò ch´elli anu dettu

13.mandatu da Antone Parkinson u 13/01/2013 10:58
A prussima cunferenza a feranu à a MAPAD

14.mandatu da aiotuttiifratelli u 14/01/2013 14:06
So tutti annarbati nant'e foto .....manc'unu chi ride, saremu cusi gattivi?

15.mandatu da Libertà per i panzarotti u 14/01/2013 16:27
quale hè stu scemu compiu à mezu chi ha messu un t-shirt grisgiu ?!
cerca i prublemi o chè ?

16.mandatu da aiotuttiifratelli u 14/01/2013 16:57
liberta per panzarotti
Sara un"indic" quissu mi pare , vestutu di grisgiu in un apputamentu naziunalistu....

17.mandatu da MamieMougeot u 14/01/2013 21:53
I Millet sò i Stéradent di dumane! Hahaha !

18.mandatu da Ulongu u 15/01/2013 15:57
S'è vo guardate bè i Millet, ci ne hè unu in tee-shirt biancu maniche corte à manca.
Ma l'anu messu da cantu à posta chì marcava male, capite...
Ancu u vechjettu à cantu à ellu u guarda è si dumanda.

In quantu à i Steradent, ci ne hè una in fondu ghjucava in a publicità Tena, per quelli chì si piscianu addossu (lasciateli stà à quessi i curciarelli).

19.mandatu da ubabbu u 16/01/2013 12:19
Pruvemu di fà un Morethon

20.mandatu da Paolo u 17/01/2013 09:20
Saranno contenti i vechjarelli fascisti nustalgichi. Ora l'armèe è dinuovo in movimento in Mali. State tranquilli: anche l'Italia manda aerei e allora si vince di sicuro!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta