Accueil
Envoyer à un ami
Version imprimable
Partager

Minority report : A scenza fizzione d'Hollywood infine à l'Università !

In u filmu di scenza fizzione, sò i futuri assassinii chì venianu à esse arrestati nanzu à a malfatta. U fliccu lighjia e prubabilità è pudia vede l'azzione capunanzu è impedisce la. L'affari finiscenu male... Di listessa manera, sò stati interpellati eri matina 4 giovani chì si serianu appruntati à mitraglià u cummissariatu di Bastia...

Ritornu nant'à un "interpellazione preventiva" chì ci interrugheghja.



Minority report : A scenza fizzione d'Hollywood infine à l'Università !
Intervenzione di a pulizza nant'à u Campus di l'Università

Di regula, ogni intervenzione di a pulizza nant'à un campus universitariu si deve fà incù l'accunsentu di u presidente di l'Università. In st'affare custì, ne u direttore di u CROUS, Pierre Maroselli, ne u presidente di l'università, Antone Aiello sò stati infurmati di l'uperazione.

Un arrestazione preventiva...

Peghju, al di là di a forma, hè u fondu, u mutivu di l'arrestazione chì vene critichevule. Ci sò certe spressione chì venenu male. Cumu un arrestazione pò esse preventiva? Pocu ossimoru, nò? Ùn si tratta micca d'arrestazione per terrurisimu dopu un attentatu ma d'un arrestazione capunanzu! Cusì, si facenu l'interpellazione secondu l'estru di u ghjudice! Vistu i mezi tennichi oghinchi, s'elli appruntavanu in veru un uperazione, ùn li pudianu micca fà seguità, ascultà li è tira avanti è tocca?

L'arrestazione t'anu quì più per scopu d'impaurì a ghjente, di fà li rinunzià à l'esercitu di a so citadinanza, di u so impegnu sindicale publicu chè di fà le cundannà. S'impauriscenu e ghjente interpellate ma dinù tutte quill'altre chì puderianu avè qualchì simpatia versu e so idee. Eppuru, à contu nostru, pocu impremenu l'idee di i giovani arrestati. Ciò chì preme, hè a difesa di e libertà publiche, di u dirittu d'upinione è via, di a demucrazia.

Hè l'inseme di a cummunità universitaria chì chjama à un addunita sta sera, davanti à u cummissariatu di Bastia.

u 17 di Dicembre 2008
u webmaestru



1.mandatu da Esopianeta u 17/12/2008 19:31

Hè ghjust'appuntu cio che scrivete : ùn si tratta micca di luttà contr'à un terrurisimu chi un esiste micca qui : ch'elli si ne vachinu à vede in certi paesi à vede cio chi ghj'hè u veru terrurisimu... un u suppurterianu manc'un mese, è un farianu micca i sciabuloni cum'è a facenu ind'è noi.

Si tratta d'intimidà, di stallà a paura di pensà, di parlà ind'è tutti quelli chi un pensenu micca à a "scianza storica di u Padduc" è a l'azzione gluriosa di u statu pè a Corsica.

Allora, ditemi, sete impauriti voi ?

2.mandatu da Cardone u 17/12/2008 20:08
Stendi la to manu o giuventù
Strappendu u velu di schjavitù
Per fà chì dumane
Schiarisca e funtane
Di la vita.

Poni lu to sguardu o giuventù
Nantu à tanti valori è virtù
Per fà di l'amore
Lu più bellu fiore
Di la vita.

RICANTU

Sonniu di tanta sperenza
Chì disceterà
Un'aria di libertà
Forza di tanta credenza
Chì sustenerà
E ragione di luttà.

Apri lu to core o giuventù
Sopra à la miseria, nant'à
Tutta a natura sana
Chì move è s'inganna
Per la vita.

Fà chì la to voce o giuventù
Oramai ùn si taci mai più
Di mughjà più forte
Sopra à tante lotte
Per la vita

3.mandatu da Piratella u 17/12/2008 20:36

Aghju un'idea "preventiva" à sottumette à 'ssi visiunarii : scalzà tutti i Corsi, cusì ùn puderemu mancu pruvà u lanciu di scarpi!!



4.mandatu da estrimei u 17/12/2008 20:56
bella puesia o Cardo' .

eccu a mio manera di pensà: a situazione francese e internaziunale lascia pensà chi l' affari hanu da impeghji.per parà una situazione rivuluziunaria ,Niculéone ,ha bisognu di rinfurzà i puteri di i so sbiri, allora stuzzica u vespaghju , e s'ellu schiatessi qualcosa in Corsica, i francesi - chi per u razzisimu so di i piu forti - li derianu i mezi di rinfurzà u so putere

5.mandatu da u webmaestru u 18/12/2008 06:35
Je n'ai rien dit...

Quand ils sont venus chercher les communistes,
je n'ai rien dit, je n'étais pas communiste.

Quand ils sont venus chercher les syndicalistes,
je n'ai rien dit, je n'étais pas syndicaliste.

Quand ils sont venus chercher les juifs,
je n'ai rien dit, je n'étais pas juif.

Quand ils sont venus chercher les catholiques,
je n'ai rien dit, je n'étais pas catholique.

Puis ils sont venus me chercher.
Et il ne restait personne pour protester...

Pasteur Martin Niemoller (1892-1984), Dachau 1942


6.mandatu da estrimei u 18/12/2008 08:50
ma quandu dimmu , induve so i cummunisti , i sindicalisti , i judei, i catolichi , i musulmani ....+?

7.mandatu da Cardone u 18/12/2008 09:42
@estrimei

Bonghjornu,eccu sottu u patrone di sta puesia magnifica

8.mandatu da estrimei u 18/12/2008 12:06
a ringraziatti o Cardo' ,
sta bella puesie , fatta da qualchissia chi sà di so ch'ellu scrive , averia da discità tutte e cuscenze , ma i fatti so chi, nu a nostra manera di campà , un ci he che u soldu chi conta , ognunu pensa a se stessu e un rispetta piu nunda , ma dinunzia da chi ch'ell'he toccu.
a disgrazia he chi ancu 'nde noi hé sta pràtica chi s'he imposta.
piglieraghju un picculu esempiu chi tocca a ghjunventu -postu chi stu foru e praticatu per u piu da a nostra ghjunventu - : qualchissia pianta a so vittura per parlà 'ncu qualchissia d'astru, una vittura chi segue aspetta . chi face quellu ch'ha piantatu a fila , si spiccia o a s'alonga?
ma a ghjuventu face per ch'ella vede fà i pîu vecchji .
per vultàne a sujettu, a pulizza e a "ghjustizia" he ci facenu fallà , e avemu da esse tutti tochi , chi facenu i nostr'eletti ? facenu "confiance à la justice" !
u peghju e chi dopu i vutemmu.
dopu a e critiche, diceraghju dinnu , ch'aghju aprezzatu chi tutti i muvimenti naziunalisti si sianu mossi.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta