Accueil
Envoyer à un ami
Version imprimable
Partager

Mundiale : à quale ci vole à sustene ?

Pè sta volta a Corsica ùn serà presente à a Cuppa di u mondu in Sudafrica. Allora à quale sustene ? Vi spieghemu tuttu...



Mundiale : à quale ci vole à sustene ?
Eccu, a Cuppa di u Mondu hè principiata è ne pigliemu per un mese di futbol è di vuvuzela.

Aspettendu a qualificazione (un ghjornu) di a Squadra Corsa à i Mundiali, fidighjemu appena à quale si pò sustene...

Voi dinù, fate e vostre pruposte in i cummenti !

Mundiale : à quale ci vole à sustene ?
Sudafrica : ci hè sempre una simpatia per a squadra di u paese organizatore. Tuccherà à i Bafana Bafana di fà un miràculu. È pò a Sudafrica hè in u gruppu di a Francia.

Mèssicu : nunda ch'è pè u grande Hugo Sanchez, a terribile maglia in 98, a manera di i ghjucadori di cantà u so innu naziunale, pè Cuauhtémoc Blanco chì hà inventatu u gestu tènnicu u più goffu di u mondu, è ancu pè Salma Hayek. E dinù perchè u Mèssicu hè in u gruppu di a Francia.


Mundiale : à quale ci vole à sustene ?
Uruguay : Pè Enzo Francescoli è l'altri grandi ghjucadori di stu picculu paisucciu (Ruben Sosa, Paolo Montero, Pato Aguilera, Daniel Fonseca...) è per José Batista (l'espulsu u più rapidu in CdM : 40 segondi di ghjocu). È dinù perchè l'Uruguay hè in u gruppu di a Francia.


Argentina : u più grande paese di u mondu di futbol. Ùn si contanu più i tercani (Batistuta, Kempes, Milito, Messi...), i tonti (Maradona, Caniggia, Palermo...), i gattivi (Simeone, Heinze, Veron), è i goffi (Tevez). Nunda ch'è pè l'ambianza à a Bombonera. Tutti i 4 anni sò i più forti, è tutti i 4 anni fiascanu. Sta volta, serà a bona ?
Mundiale : à quale ci vole à sustene ?

Grecia : nunda ch'è pè stu but di Charisteas è a faccia di Barthez dopu. Quantunque...

Inghilterra : Più ch'è pè sta squadra, ci vole à sustene l'Inghilterra pè i so sustenidori. L'inglesi sò quelli chì si spiazzanu i più numerosi per vede a so squadra è seranu parechji in Africa dinù. Nunda ch'è per e facce è e panze di i so sustenidori. Rispettu.
Mundiale : à quale ci vole à sustene ?

Mundiale : à quale ci vole à sustene ?
Stati Uniti : Bah, in memoria di u puverettu di Greg Vanney...

Mundiale : à quale ci vole à sustene ?
Allemagna : A Mannschäft ùn hè forse micca a più grande, ma u paese chì hà datu Harald Schumacher, Seville 82, u Kaiser Franz, der Bomber è Rudi Völler merita u rispettu. Cum'è sempre, seranu presenti.

Deutschland über alles !


Mundiale : à quale ci vole à sustene ?
Serbia : cumu ùn avè simpatia per u paese di Dzajic è Drobnjak ?

Ghana : Peccatu, Essien hè feritu. Ma ùn vi scurdate chì st'omu hà cunnisciutu anch'ellu l'Apo Beach è a fiera di u casgiu.

Olanda : Rep, Cruyff, Van Basten, u grande Ajax, Gullit, Rijkaard, Bergkamp è l'orribile Stanley Menzo. Paisucciu di grandi ghjucadori, a Olanda hà sempre avutu u futbol u più bellu è u più spettaculare. Ma di siguru, l'aranci ùn vinceranu micca à a fine.

Mundiale : à quale ci vole à sustene ?
Giappone : heu... bon perchè micca ?


Camerun : U paese di u grandissimu Roger Milla. Sì u Sporting hà vintu qualcosa in a so vita, hè grazia à ellu. Eppò ci hè un anzianu bastiacciu, un certu Alexandre Song.


Italia : Una bona ragione di sustene a Squadra Azzura ? Marco Materrazzi l'omu di a finale 2006, di siguru. Hè ellu chì hà fattu compie a cumedia di l'annate "I will survive". Nunda ch'è per quessa, à ringraziatti, Matrix !


Mundiale : à quale ci vole à sustene ?

Mundiale : à quale ci vole à sustene ?
Nova Zelanda : C'eranu i All Blacks in rugby, eccu i All White in ballò. Bon, micca sigura ch'elli passinu u primu giru. Nunda ch'è per u so sìmbulu naziunale cum'è u nostru : a filetta.



Mundiale : à quale ci vole à sustene ?
Brasile : Anu tuttu vintu, anu i più grandi ghjucadori, u pùblicu u più passiunatu... Ùn hè tantu originale di sustene u Brasile (almenu cusì site siguru di perde pocu).

Curea di u Nordu : Trà e duie Curee presente à u Mundiale, scegliite quella di u Nordu. Nunda ch'è per i spechjetti di Kim-Jong Il, l'ultimu stalinianu di u mondu


Purtugallu : I Purtughesi facenu parte di sti paesi chì anu sempre belle squadre chì ùn vincenu mai à a fine, arricurtatevi di l'annate Scolari... Ancu si Cristiano Ronaldo ci fatica i rossi è verdi ponu andà luntanu. O micca.

Spagna : Forse una di e squadre e più forte. Ùn anu mai fattu nunda dapoi seculi è seculi sin'à l'ultimu Euro induve i losers si sò discitati. Eppò nunda ch'è pè a faccia di Puyol cù u so stracciu nant'à u capu...
Mundiale : à quale ci vole à sustene ?

Honduras : Perchè micca s'è vo ùn avete paura di pigliavvi una concia. Eppò nunda ch'è per u so capitanu di ghjocu, un certu Amado Guevara.
Mundiale : à quale ci vole à sustene ?

l'11 di Ghjugnu 2010
U Sgaiuffu



1.mandatu da naranjito u 11/06/2010 19:43
sta sera, FORZA URUGUAY !!!

2.mandatu da Ahmed Zavìa u 11/06/2010 21:33
U miò paese ùn hè mai statu Sciampione di u Mondu...e mancu stampa in lu 98...

3.mandatu da U Rossu u 11/06/2010 22:27
Eccu li l'agente di ghjucadori...http://www.lamarseillaise.fr/justice-faits-divers/les-parrains-un-par-un.html

4.mandatu da olive & tom u 11/06/2010 22:45
Vamos Argentina !

Per parlà d'issu mundiale, ci vole piumbà l'africani incù a so musica tutta a partita (Avete dettu razzistu ?)

5.mandatu da Apar Ted... u 11/06/2010 22:56
Ci si paria d'esse in un essame di vespe....chi pena in capu....!! A Quellu chi so indè e tribune, li pregu salute...!!

6.mandatu da vuvuzelacciu u 11/06/2010 23:31
TFF

TUTTU FORA DI A FRANCIA

speremu chi nimporta qualessa squadra vinci, ma micca i "bleus"

7.mandatu da GWM u 12/06/2010 12:47
Vorwärts Deutschland !

8.mandatu da anto u 12/06/2010 15:07
A me u foutebole mi rompe i cuglioni !

9.mandatu da Cugnome u 12/06/2010 15:22
ARGENTINA !!!

10.mandatu da tumf u 12/06/2010 18:42
@anto a me dinu. Ma spergu quantunque chi i Francesi a si la piglieranu in culu, cusi averemu una bona raggione di festighjà !

11.mandatu da anto u 13/06/2010 14:01
@ tumf
Ai forse ragione pè festighja a dirotta dini turquini simu qui !!

12.mandatu da babababa u 13/06/2010 21:25
eiu sò per Bastia

13.mandatu da UNCORNU u 13/06/2010 21:29
Per contu meiu, preferiscu l'Italia, micca per a cumunutà linguistica o culturale, no, solu per 'liberté ecc': chì boccu per issi Francesi!!!

14.mandatu da Bayern... u 13/06/2010 23:30
Eu aghju vistu l'allemani sta sera mi hannu fattu piacè...so sempre una squadra pudente...Ponu vinci sta cuppa...

15.mandatu da Cumpalliols u 15/06/2010 16:37
Ùn sò micca à chì squatra curresponde, ma à mè, quellu chì mi piace u più, hè Naranjito.

Novu cumentu :