Accueil
Envoyer à un ami
Version imprimable
Partager

Natale azezu : 15 rigalacci goffi à offre à quelli chì vi stumacanu



Natale, piace à pienu di ghjente. Forse piace ancu à voi. Ma siamu onesti dui minuti : ci hè ghjente chì vi stumacanu, ancu à Natale. È à quale site obligati di fà un rigalu, perchè chì di spuntà à cena di Natale e mane viote, ùn si face micca. Un ziu appena facho, una zia antipatica, un parente tòssicu, un cugina o una cugina chì vi sorte pè i tufoni di u nasu, o simpliciamente una brama di vindetta di pettu à qualchissia chì v'hà fattu rigalacci fragichi in u passatu. Hè ora di vindicassi. Ochju per ochju, dente per dente, tale sbagliu, tale casticu, eccu a nostra selezzione di rigali di merda.
Natale azezu : 15 rigalacci goffi à offre à quelli chì vi stumacanu

1. U pull di Natale cù i renni chì... infine. Avete capitu.

Da rigalà di preferenza à qualchissia chì ci vede male, è chì ùn viderà micca subbitu ciò ch'elli facenu sti belli renni di Natale. U tempu ch'è vo vi pigliessite in ritrattu cun ellu. (À ringraziavvi di mandaccila dopu, v'avemu datu l'idea, turnate à mandacci l'ascensore).

Pull di Natale : 29.33 €
Natale azezu : 15 rigalacci goffi à offre à quelli chì vi stumacanu

2. Un prufumu di star chì puzza.

Beyoncé, Lady Gaga, Britney Spears, Céline Dion, Cathy Guetta : tutte e stars anu surtitu un prufumu chì puzza. U penseru, hè chì si a persona hà gustacci, risicheghja di piaceli. Ma circhemu di vede u bichjeru à metà pienu (hè Natale, firmemu pusitivi) : averete ancu menu scrupuli à odialla dopu.

Curious, u prufumu chì puzza di Britney Spears : 26.16 €
Natale azezu : 15 rigalacci goffi à offre à quelli chì vi stumacanu

Heat, u prufumu chì puzza di Beyoncé : 18.80 €
Natale azezu : 15 rigalacci goffi à offre à quelli chì vi stumacanu

M, u prufumu chì puzza di Mariah Carey : 26.97 € (averete rimarcatu a finezza di a buttigliuccia).
Natale azezu : 15 rigalacci goffi à offre à quelli chì vi stumacanu

3. Un guatru tamantu È goffu.

Perchè chì un guatru chjucu è goffu, hè pràticu : si piatta in un scagnu è si torna à caccià in casu d'urgenza. U guatru tamantu è goffu duverà esse spostu in u salottu ogni volta ch'è vo venite, o sinnò v'ammuscerete.

È IÈ, si pò cumprà u guatru di Thérèse è di u porcu. Vi custerà 70 € quì è 59 € quì.
Natale azezu : 15 rigalacci goffi à offre à quelli chì vi stumacanu

4. S'elli anu zitelli : un ghjoculu chì face u tazzu.

Una batteria, un tamburu, una trumbetta, un cosu à tintenne : n'importa chè chì fessi un rimore orrìbile. U zitellu serà cuntentu cum'è un pichju, i parenti spaventati, voi passerete pè u bravu è elli pè i Thénardier. Evitate i ghjoculi à pile : i parenti sò furbacci, i cacceranu è diceranu à u zitellu chì u ghjoculu hè rottu. Allora chì un tamburu, face TUTTU U TEMPU rimore.

A trumbetta : 21,35 €
Natale azezu : 15 rigalacci goffi à offre à quelli chì vi stumacanu

A batteria : 23,50 €
U tamburu : 24,99 €
Natale azezu : 15 rigalacci goffi à offre à quelli chì vi stumacanu

5. Un libru chì hà da annerballu.

Ùn hè forse micca un libru di merda, ma a persona chì l'hà da riceve l'hà da cunsiderà cusì. Ci vole dunque à sceglie u rigalu in funzione di u so destinatariu.
Natale azezu : 15 rigalacci goffi à offre à quelli chì vi stumacanu

Natale azezu : 15 rigalacci goffi à offre à quelli chì vi stumacanu

6. Un serviziu à tè di a Regina Elisabeth.

Ùn sò micca s'ellu ci hè bisognu di tante spiegazione. Hè goffu, piglia a piazza, è hè dinù goffu.

U serviziu à tè : 17,99 £ (circa 23 €)

7. Un serviziu à tè in sùveru.

Listesse ragione.

U serviziu à tè in sùveru : 12,50 €.
Natale azezu : 15 rigalacci goffi à offre à quelli chì vi stumacanu

8. Un vestitu goffu.

S'ellu li piace è ch'ellu u mettu, serà un'occasione supplementaria di ridesine d'ellu. Vincite in tutti i colpi.

U sweat pomi fritti : 15.99 £ (circa 20,3 €)
U sweat hamburger : 18,99 £ 24,2 €)
E Crocs : 28,79 €
L'Espdrilles "à ghjanda" : 75 €
U saccu : 34,99 €
Natale azezu : 15 rigalacci goffi à offre à quelli chì vi stumacanu

9. Una palma gigante

In plàsticu, cusì mai murerà. Grande, sopr'à tuttu si u destinatariu campa in appartamentu.

A palma : 356 €

O sinnò ci hè stu mudellu chì costa 4000€, ma misura 4,20 metri. Ci anderia bè.
Natale azezu : 15 rigalacci goffi à offre à quelli chì vi stumacanu

10. Un CD o un DVD fràgicu.

Sapendu ch'elli ci sò tanti CD è DVD fràgichi ch'è di pianete extrasolare stimate à stu ghjornu, vi lascia abbastanza scelta.

A nostra selezzione :

CD :
Natale azezu : 15 rigalacci goffi à offre à quelli chì vi stumacanu

DVD :
Natale azezu : 15 rigalacci goffi à offre à quelli chì vi stumacanu

11. Un tee-shirt cù un nome, ma micca u bonu.

Un tavulone in punti di croce, un guatru persunalizatu, un tee-shirt pocu impreme, basta ch'ellu si veca u nome di a persona destinataria. Siate fine : sì u rigale hè per Matteu è ch'ellu ci h scrittu François, ùn marchja micca, si saperà ch'è vo avete fattu à posta. Pruvate piuttostu Matteu/Matéo, Aurélie/Orélie, Ghjulia/Djoulia, o allora u cungome pùzzicu : Cricri, Réré, Toto, Soso.
Natale azezu : 15 rigalacci goffi à offre à quelli chì vi stumacanu

12. Un pesciu chì canta.

In u filu di a cacahuète musicale, ma cù una riferenza culturale : quelli chì anu vistui Soprano capisceranu.

U pesciu chì canta : da 28 à 34 €
Natale azezu : 15 rigalacci goffi à offre à quelli chì vi stumacanu

13. Un rigalu fattu da u vostru zitellu.

Una scultura in pasta di sale, una cullane di paste, un tavulone à a gouache : almenu chì u vostru zitellu ghjovi à qualcosa. Nimu averà u curagiu di dì ch'ellu hè goffu quantu i rigali seranu spacchittati. Invece, ùn mettite micca a vostra figliulanza in a cunfidanza : puderia ammusciassi ch'è vo vi ne ridite di i so doni artìstichi, o allore ridene è cappià a bomba davant'à tutti : Babbu è Mamma m'anu dettu di fà un cosu goffu perchè ch'elli ùn ti tenenu micca caru !". Tandu, site male.
Natale azezu : 15 rigalacci goffi à offre à quelli chì vi stumacanu

14. U "mulet" cù a so banda bleu-blanc-rouge.

Magnificu.

A banda cù u "mulet" : 10,99 €.
Natale azezu : 15 rigalacci goffi à offre à quelli chì vi stumacanu

15. Una scultura in chjòppule di mare. O in sùveru.

Quand'è no vi parlavamu di l'orrori di i magazini di ricordi : hè goffu, piglia u spaziu, dunque hè perfettu. A mo preferenza và à sta tavulinata d'òstrice chì ghjocanu à u poker, ch'aghju trovu in Grecia, ma ùn aghju u ligame per cumpralla. Scusate.
Natale azezu : 15 rigalacci goffi à offre à quelli chì vi stumacanu

O sinnò l'acellu : 25,14 €
Natale azezu : 15 rigalacci goffi à offre à quelli chì vi stumacanu

U rigalu ch'ellu ùn ci vole veramente micca à fà : un animale. Tuttu u mondu hà pensatu à rigalà un cane, un ghjattu, un hamster o un pesciu rossu à qualchissia per impuzzichilli a vita. Gattiva idea : hè à l'animale ch'è vo impuzzicate a vita, è à ellu ch'è vo fate un rigalacciu goffu. È ùn v'hà dumandatu nunda.

Ùn avete sempre micca idee è site à corri corri ? In e selezzione di i magazini in linea, belli sessisti è belli goffi duverete truvà qualcosa di bè, per a vostra felicità è per a sfurtuna di l'altru (ti ringraziu boulanger.fr).



Amparate u corsu (o u francese ?) : l'articulu si trova quì.

u 22 di Dicembre 2014
Laura Paoli



1.mandatu da olivia u 23/12/2014 00:32
per u mo maritu, aghju trovu una "maquette fragica di a Pinta" cusì ùn mi ferà più cacà, chjuderà a so bocca, e so mani seranu occupate....

2.mandatu da magui boli u 23/12/2014 00:38
pè u meo, l'aghju pigliatu una mascina à fà u pane (speziale carnavale !) è eo, induvinate induve sò ?

3.mandatu da sardu u 23/12/2014 03:50 (da un teleffuninu)
Ahahahah povera olivia!!!!!😊

4.mandatu da lepèrenoëlestvraimentuneordure u 23/12/2014 11:50
Fantasticu articulu ! Brava Lawra !
Belle idee di regali !!!
A u mo maritu offru u mo "Corse sans peine" è a u mo Babbu u mo "Suicide français" di Zemmour, tutti dui sò digià pagati è i soldi sò per me ☺ Cù sti soldi mi pagu u serviziu à tè in sùveru (iè a me piace, è dopu?)
Bref, vi ringraziu per ste idee ♥
E vi ringraziu per l'utlima parte sensibule è intelligente : iè, l'animali ùn sò micca regali ! Ùn impuzzicate micca a vita di un animale !
Bon Natale à tutti ☺

5.mandatu da salvatoreviale u 24/12/2014 06:12
"U tempu chi vo vi pigliessite" : "u tempu chi vo vi piglite" ; "n'impurta che chi fessi" ; "n'impurta che chi facci (o chi fia)" .. quandu l'azzione hè a u prisente s'impieca u prisente di u sughiuntivu e s'e l'azzione hè à u passatu (o u cundiziunale) u sughjuntivu passatu ..(à parte in pumonte duv'elli mettenu tuttu à u passatu ma elli un sanu parlà !) . à parte quessa , bellu articulu , brava .

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta