Accueil
Envoyer à un ami
Version imprimable
Partager

Naziunalisti : u clan di i 'mous' è u clan di i 'durs'

Hè compia a love story principiata in u 2003! Ùn ne volenu più sente puzza, i "mous" di i duri è i "durs" di i "mous"... Principia avà a guerra, una guerra picruculina.



Naziunalisti : u clan di i 'mous' è u clan di i 'durs'
I duri

I duri tenenu per contu soiu pusizione ideulogiche chjare nant'à u cuntenutu puliticu di a so dimarchja. Ma cusì, inchjudendu u so discorsu à capatoghji ideulogichi alluntanati assai da u campà di e ghjente, risicheghjanu di staccà si da a realità.

I mous

In quantu à i "mous", impegnati ch'elli sò in capatoghji di sicuru chjari, capiscitoghji, pratichi, vivi, vicini assai da u carrughju, a so dimarchja s'assumiglia à quandu à quella "apulitica" di l'ARC, à quandu à quella di l'Association des riverains de Brive la Gaillarde.

Ideulugia è terrenu

Arricurdate vi di e pusizione di certi nant'à a prublematica di a circulazione in Aiacciu. Ci volerà à esse naziunalistu per parlà di què? U prublema per i naziunalisti hè chì 20 anni fà, e so tematiche eranu sputiche, invece avà, ognunu dice a soia nant'à u circondu, a lingua o a luna. Hè sta perdita di a pussessione di certe tematiche è rivendicazione chì punta unepochi à a radicalisazione per fà valè a so specificità. Tandu, u risicu hè tremendu di fà passà rivendicazione lecite è pupulare per rivendicazione di setta chì mettenu solu in valore l'ardezza di i so cumbattanti... "I resistenti, simu noi", è l'altri, sò traditori, vigliacchi, venduti, baulli, "mous"...

Fundamenti, rifundazione è aggiornamento...

Eppuru, à chì vistica appena ci truverà e sumiglie in i discorsi di i duri è di i mous. À chì dumanda un "aggiornamento" di u naziunalisimu, à chì ne chjama à a "refondation du mouvement national"... I dui firmendu per avà assai foschi nant'à u cuntenutu di ste duie nuzione. Ciò chì esce sopratuttu, hè a capacità di i Corsi à sbrisgiulà si, à intazzà si, à esse gattivi è crudeli trà d'elli... Dipoi ch'ellu esiste, u naziunalisimu corsu hà fattu di più vittime in a ghjuventù corsa chè in e squadre di i CRS...

Chì fà ? Ci vole à travaglià!

Allora, a sentu ch'ella volta in bocca vostra a sempiterna quistione posta da Antone Ciosi: "Chì fà?" S'è 30 anni fà, a risposta venia faciule : "Ci vole à plasticà", a sperienza chè n'avemu di a clandestinità ci dumanda di circà d'altre vie pussibule à l'espressione pulitica. Nanzu à a demilitarisazione di u spaziu publicu, ci vole à demilitarizà e notre ripresentazione di stu spaziu.
À sente l'ultime dichjarazione, ancu i più duri l'anu capita. Digià in u 2003, nanzu ch'ellu fussi arrestatu da Sarkozy, Charles Pieri, tenutu da Sarkozy è da a vox populi per esse u capimachja di i machjaghjoli, avia fattu capì, sottu sottu, chì a fine di a clandestinità venia naturale, dopu u prucessu d'unione...

Travaglià di più per esse di più...

Ma a quistione di a viulenza ùn hè chè una parte chjuculella di u travagliu da fà. Chì attitudine ci vole à avè in pettu à e multinaziunale cum'è Veolia? Quindeci anni fà, si parlava assai di u statutu fiscale, di u codice di l'investimenti...
Ci n'hè pocu travagliu per quellu chì vole custruì a Corsica. Tempu da perde in discursate di banconi n'avemu pocu è micca. Allora mettimu e mani in pasta, dumane ci pò tricà l'ora dicia quellu!

u 19 di Dicembre 2008
Ahmed Zumar



1.mandatu da boarf u 19/12/2008 09:55
d'altri prublemi :

i duri : cumu si po difende a lotta armata in 2009 ? ci vole à esse onesti, oghje ùn si po più esse "duru" cum'è in l'anni 70.... in un mondu di più in più repressivu, ùn vole più di nunda !

i mous : chi ferma di l'idea di u "naziunalisimu", vale à di di a "nazione" corsa ? s'ellu hè pè vultà à un regiunalisimu light à l'usu ARC, stemu puru in casa ! una "force d'appoint" pè Giacobbi è Renucci ? senza mè !

2.mandatu da estrimei u 19/12/2008 10:25
per contu meu , so ch'ellu ha pussutu di, o scrive , pieri so pete puzzicose di sumere!
mi pare chi a vera riflessione deve esse u Populu Corsu . o u mettimu in sittuazione di campà da maestru , in casa soia , in pratichendu a so lingua e i so usi , o accunsentimu a una sucietà pluriculturale , induve u sollu ligame serà u soldu .
-per esse chjaru nu a mio spiegazione, ci'ole ch'o specificheghji chi ,ancu so contru a u sbarcu di pupulazione furestere(chi so dimarchje culuniale), so d'accunsentu per l'accolta d'individualità chi rispettanu u nostru Paese-a CORSICA- e i nostri usi-

3.mandatu da steccu u 19/12/2008 11:12
@ boarf:
http://www.wmaker.net/apiazzetta/Ci-volera-a-tumba-u-Fronte-_a291.html

4.mandatu da fora u 19/12/2008 12:59
per una lotta piu pulitica ch'è armata..

5.mandatu da porcu u 19/12/2008 14:53
incu sta cattivera qui un si puderà ne custruisce ne accoglie ne fà qualcosa di novu
simu tutti unu contru a l'altru !!
simu cume i porci dopu a ditribuzione di u granone

bravi ! cuntinuemu puru cusi ! simu diggià a a risa .....

6.mandatu da machja u 19/12/2008 15:20
Per me l'affare so chjare, d'una parte chè l'autonomia, vole di una corsica piu libera di sceglie u so distinu, ma sempre ind'e a ripublica francese, e di l'altra parte, l'indipendenza, a listessa cosa ma senza u statu francese.
Alora per l'unu o per l'altri quale so i mezzi ?
Per l'autonmisti un ci hè u votu democraticu, urganisatu da u statu francese e chi sin'a oghje un ha datu nudda, perche simu minuritarii in casa nostra.
Per l'indipendentisti, avemu sceltu di fa una Cunsulta Naziunale, fora di l'instituzione francese, sola capacce di sprima u vogliu di i Corsi, senza l'intervenzione di a francia.
Po dopu ci hè u prublema di a viulenza, e di a lotta armata.
Io pensu che a lotta armata cum' ell' hè pratica oghje un ghjova nudda, un hè micca una vera lotta armata, e di piu un pudemu dichjara a guerra a l'armata francese.
Nostra indipindenza ci vulera anda a circala in carughju, cu u nostru core, a nostra vulinta di campa corsu, e d'imponela per a nostra determinazione.
A Liberta si piglia, un si dumanda micca.

7.mandatu da quellu u 19/12/2008 15:30
o amicu porcu, cattivera di cosa ? senza spiritu criticu un si puderà avanzà ! io pensu chi u muvimente naziunale hà sempre mancatu di spiritu criticu é di auto-critica...

criticà ùn vole di esse cattivu ! allora ùn ci la feremu mai o amicu !

8.mandatu da machja u 19/12/2008 15:55
Un' avete ancu capitu chi i "corsi" un volenu ne autonomia ne indipindenza, per a magiorita basta ch'elli pussinu riempie u so " caddy" ind' e Casino o Carrefour, u restu poccu l'impreme, a rivoluzione so i pinzutti chi hanu da fala.

9.mandatu da Piratella u 19/12/2008 21:47

iè ma appuntu u "caddy"...hè viotu

10.mandatu da circinelludiguagn�nativup�liguagnesusosanguaversatu u 20/12/2008 07:40
è ghjè a francia chì u ci biota...

11.mandatu da Zampaglinu u 20/12/2008 09:45
Oi gu hemen bidean galduak
Heriotz minez

Guizonen itzala luzea
Negarrez haizea ganean
Arbolak erroak airean
Heriotza da

E NOI QUI!!!! SCUPRENDU LA MISERIA
E NOI QUI!!!!! CUN L'ANIMA RIBELLA...
E NOI QUI SUMINENDU PER FA SORGE U BENISTA!!!!!

12.mandatu da machja u 20/12/2008 14:36
ie e veru, ma u caddy ha da viotassi ancu di piu,riturneremu da qui a pocu, a circa e castagne ancu a ruspaghjola, se i purcelli si ne lascenu duie o tre.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta