Accueil
Envoyer à un ami
Version imprimable
Partager

Nò, ùn ci vulia micca à ghjucà Grenoble

A vuciata parlava d'un macciu arrangiatu trà Tours è Grenoble, è sò stati centinaie di Corsi à ghjucà... è à fassi cugliunà.



Nò, ùn ci vulia micca à ghjucà Grenoble
A Française des Jeux hà fattu siguramente a ricetta di l'annu in Bastia sta settimana. A voce dicia chì in L2 c'era un macciu arrangiatu : Tours ricevia à Grenoble è li lasciava a partita.

Tandu, sò decine è decine d'addisperati à lampassi à Cote & Match pè ghjucà una vittoria di Grenoble. È tuttu andava bè, dopu à 50 minuti di ghjocu facia 2 à 0 pè i visitori.

Ma in l'ultimi minuti Tours signava duie rete è vultava à 2 à 2...

Risultatu : depressione nera è suppa di musu pè quelli chì avianu messu assai soldi nant'à sta partita. Quantu sò à avè messu 500, 1000 o 2000 eurò è ancu di più ? Si dice chì certi anu ghjucatu sin'à 10.000 eurò... pè u risultatu ch'ellu si sà.

U grande nùmeru di scumesse hè diventatu suspettu à tal puntu chì a FDJ hà cacciatu a partita è ch'ella hà dumandatu un'inchiesta.

Ùn averemu mai u nùmeru esattu di i cuglioni chì si sò fatti intrappulà da a Française des Jeux. È serà megliu, perchè u sciffru di sti soldi persi pè nunda risicheghja di fà assai male.

Al dilà di a lezzione chì speremu certi averanu ritenutu ("oui fraté de source sûre le match il est arrangé..."), ci hè da riflette nant'à st'attiranza pè u soldu faciule è i ghjochi di soldi. Hè siguramente u segnu d'una sucetà malata è sottu sviluppata.

L'infurmazione hè data ancu da u Figaro : Provenant en majorité de Corse, ces paris donnaient pour beaucoup la lanterne rouge iséroise vainqueur (cote moyenne à près de 4).

Pè cuntinuvà à fà biscà, eccu a chignaccia di Christophe Blanchard-Dignac, u P-DG di a Française des Jeux è chì centinaie di Corsi anu spulatu i so soldi :

Nò, ùn ci vulia micca à ghjucà Grenoble
Site cuntenti avà ?

u 30 d'Aprile 2011
U Sgaiuffu



1.mandatu da Martin Galles... u 30/04/2011 17:01
Perchè ùn chjamà a FDJ, "A Cursesca di i ghjoghi" (CDG) è dà a so presidenza à "Marcellu" di Ciamanaccie ???

2.mandatu da Francese di i Ghjochi u 30/04/2011 17:25
un giovanu in caffè hà ghjucatu 6000 EUROS.

felicitazione à ellu...

3.mandatu da travagliapiupeguadagnàmenu u 01/05/2011 11:04
cumplimenti a tutti i ghjucadori, i soli si stantanu....

4.mandatu da ANTO u 01/05/2011 13:49
Soga l'hannu pè ghjuga tanti soldi ,ma duvè i piglanu?

5.mandatu da U vagabondu u 01/05/2011 19:59 (da un teleffuninu)
Certi si sò scurdati di u veru sensu di "stantà u so pane"...

6.mandatu da Circenses et circenses... u 02/05/2011 11:41
Avà, i ghjochi so (ri)aperti : quante braccasgi di picculi cummerci sta settimane in Bastia? Chi certi hannu dà riempie e so stacche... Aspittendu u prossimu "tuyau".

7.mandatu da insu u 02/05/2011 12:40
a FDJ a detta chi si pudia ripiglia i soldi chi a ghjenti annu messu di fattu ch' anu cacciatu a partita ... in fin' di contu un da mancu a rifletà ...

8.mandatu da Aghju ghjucatu 6000 euros u 03/05/2011 10:44 (da un teleffuninu)
Ghjè a vita o ghjente, un ci puvemu micca vince sempre..

9.mandatu da In anguleme u 03/05/2011 21:05
Eiu aghju intensu parlatu d'unu bastiacciu ch'aghjuccatu 15 000 auri....Felicitazione

10.mandatu da Aghju ghjucatu 6000 euros u 03/05/2011 23:12 (da un teleffuninu)
Ghjè una vergogna, a mafia so sti francesi di a fdj.. Facenu cio ch'elli volenu di i nostri soldi

11.mandatu da Insu u 04/05/2011 13:26
u colpu di i 6000 euro ghje vera, ci n'e ancu un altru tippu ch'a ghjucatu 30.000 ... anu da manghja "Pacht au beurre" pe 5000 anni

Novu cumentu :