Accueil
Envoyer à un ami
Version imprimable
Partager

Noi, avemu Alertator

Un ghjornu, forse chì voi dinù ferete una cunferenza di stampa per dì : "nò, ùn sò micca eiu Alertator".



Noi, avemu Alertator
Cunnisciate Terminator, Musclor, Skeletor, Predator, X-or, Albator, Patator...

In Corsica aviamu digià Pinzdestructor (parechji articuli da leghje nant'à u situ Ultras Bastiacci è a so intervista data in A Pian d'Avretu), c'era ancu Incinérator è u Moussor.

Avà, avemu ancu à "Alertator" in Aiacciu (da leghje in Corse-Matin), un mantacatu chì face l'alerta à a bomba in e scole aiaccine.

Sin'à quì u rollu d'Alertator hè piuttostu goffu, ma face surride. Nunda à chì vede cù a vita appena di più passiunante di Terminator è di Musclor, ma bon.

Induve si ride menu, hè chì qualchissia hà vulsutu denunzià à Alertator, dicendu à a pulizza ch'ellu era Félix Bonardi (vede Corse-Matin). 20 ore di guardia à vista, pè ghjustificà ch'ellu ùn era micca ellu Alertator...

Dunque oghje, in Corsica, vi pudete fà una guardia à vista di 20 ore per dì ch'è vo ùn site micca un tontu chì si face chjamà Alertator, unicamente perchè un altru tontu v'hà dinunziatu à i flicchi.

Si passa cusì in Corsica, in u 2011...

u 24 d'Utrovi 2011



1.mandatu da Ziu santu u 24/10/2011 13:22 (da un teleffuninu)
Stu cumpurtamente du paliza a ghjente
Hé propriu francese : durante a guerra, e un a vota oghjinca per ghjalusia ci mostra una franciserions di e mente

2.mandatu da ghjacumu u 24/10/2011 13:27
100% d'accordu cù u ziu

pensemu cum'è i francesi avà

3.mandatu da colomba corsa u 24/10/2011 13:37
e s'ell' era un pinzutu chi a chjamatu i "flics"....un' v'è vinuta in menta ??? so parechji n'i rughjoni...

4.mandatu da u miumese u 25/10/2011 16:42
Pare tuttu a Siria, chì ti faci denunzià, è ti ritrovi in guardia à vista senza sapè perchè.

5.mandatu da U Palatinu u 28/10/2011 11:30
Ch'ellu sia corsu o micca quellu persunaghju, hè una vergogna di vede ch'e no ci siamu ghjunti quì, à a dinunciazione, ch'ella sia vera o micca, è sopra tuttu s'ella hè falsa.
A dinunciazione svela cio ch'ellu ci hè di peghju in l'umanu.

6.mandatu da Ahmed Zavìa u 11/12/2011 14:06
Certi hanu veramente a mimoria curtèccia...chi Lavighju u Quindecèsimu c'ha fattu assai male...tempi fà...

Novu cumentu :