Accueil
Envoyer à un ami
Version imprimable
Partager

O Milou : cappiati appena ancu tù !

L’elezzioni municipali sò quì è avemu avutu pocu affare da divertiscesi in u mentre di sta campagna.
Ma fighjemu appena cum'ella si passa in altrò...



Finu ad avale, mancu un imbrogliu à l’usu di stu dibattitu trà Vendasi è Zuccarelli chì s’accusavanu l’unu è l’altru d’arrubbecci eletturali, mancu un schjaffu à l’usu Bayrou duie prisidinziali fà, mancu qualchì « casse toi pov’con » per sti carrughji…
Allora avemu sempre à Angie Rovere chì ci parangona Chiarelli à Tiadoru di Neuhoff, i naziunalisti chì facenu falà à quellu chì diventa a « Zucca », Bacca chì ci vole fà un Zenith di 5.000 piazze, soca cù un’inaugurazione fatta da u tracunnisciutu gruppu « Les Varans », chì ci lamparianu in scena un « Gulliver di Siscu » di quelli putenti…
Ma fora di què, chì annoiu ! Mancu un scoop ! Mancu un bellu baruffu !

Invece ch’in altrò, certi si cappianu è si campanu.
Pigliate à Jacques Peyrat, merre di Nizza. Iè, quellu chì hè passatu da u FN à l’UMP, chì s’hè chjappu a merria purtendu una lista DVD (innò, micca a tecnulugia audiuvisiva, vole dì in u parlatu puliticu francese Divers Droite), è chì avale per ùn perde u so postu si mette in campagna contru à Estrosi… invistitu ellu da a detta UMP.
Iè, sapete Jacques Peyrat quellu chì si sbonda à palittate « topi tamanti à ghjatti » in cor’di Nizza, è chì cusì si busca una lagnanza di a SPA. Quellu chì per via di què hè statu doplumatu campione di i "cacciadori di topi"
Fighjate puru, ellu sì chì s’hè cappiatu ! S’insulta ancu i so putenziali elettori ! Què pò chì ghjè campagna !
Allora, dopu à « ghjocatila cum’è Zidane », Milou, per piacè, cappiati appena : « Faccila à l’usu Jacques Peyrat » !


u 9 di Marzu 2008
Mazzone


Novu cumentu :